“Их нүүдэл” шатрын тэмцээн боллоо | News.MN

“Их нүүдэл” шатрын тэмцээн боллоо

Хуучирсан мэдээ: 2014.10.26-нд нийтлэгдсэн

“Их нүүдэл” шатрын тэмцээн боллоо

Нийслэлийн засаг дарга бөгөөд Улаанбаатар хотын захирагч Монгол Улсын баатар Э.Бат-Үүлийн нэрэмжит Ерөнхий боловсролын сургуулиудын "Их нүүдэл" уламжлалт тэмцээн Улсын тэргүүний лаборатори 1-р сургууль дээр хоёр өдөр үргэлжилж өндөрлөлөө.

Тэмцээнийг Монголын шатрын холбоо, Нийслэлийн Боловсролын газар, Нийслэлийн шатрын холбоо хамтран зохион байгуулсан юм. Тэмцээнд 9 дүүргийн 17 сургуулийн 408 тамирчин өрсөлдөж багийн төрлөөр өрсөлдлөө.

Швейцарь системээр 8 өрөг тоглож дүнгээ гаргахад Баянгол дүүргийн 13-р сургууль нэг ч хожигдолгүй 16 оноогоор гурав дахь жилдээ дараалан түрүүллээ. 1-р сургууль 12 оноогоор мөнгөн медаль, Ирээдүй цогцолбор сургууль 11 оноогоор хүрэл медалийн эзэд боллоо. Уран өргийн шагналыг Баянзүрх дүүргийн 33-р сургуулийн сурагч Даваахүүгийн Өнөрзул, Багануур дүүргийн Гүн галуутай цогцолбор сургуулийн сурагч Батхишигийн Удвал нар хүртлээ.

Б.Ням

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

багш 2014-10-26 150.129.142.83

3 жил 3 хан сургууль

Avatar

bagsh 2014-10-26 150.129.142.83

3 jil 3 khan surguuli

NewsMN Гар утасны хувилбар Татах
NEWS.mn

Мэдээллийн эх сурвалж