Улаанбаатарын Математикийн Нээлттэй Семинар өнөөдөр Олонлог сургууль дээр болно. Уг семинар дээр бүхэл диаметртай тойрог дээр өөр хоорондын зай нь бүхэл байх цэгүүдийн дээд тоог тогтоосон үр дүнг хэлэлцүүлнэ.

Уг бодлого 1988 онд Б.Баясгалангийн дэвшүүлсэн нэгэн асуудлаас эхлэлтэй бөгөөд 2013 онд зарим тохиолдлыг Б.Баяржаргал, Б.Баясгалан нар бүрэн шийдсэн байдаг. Тун саяхан ерөнхий тохиолдолд уг асуудлыг Б.Ганбилэг шийджээ. Ийнхүү Олонлог сургууль Б.Баясгалан-Б.Баяржаргал-Б.Ганбилэг нараар нэрлэгдэх теоремтой боллоо.

65 диаметртай тойрог дээр өөр хоорондын зай нь бүхэл байх 8 цэгийг байгуулж болно, 9 цэгийг болохгүй, 25 диаметртай тойрог дээр 6 цэгийг болно, 7 цэгийг болохгүй г.м. энэ теоремыг хялбар тайлбарлаж болох аж. Уг үр дүнг Олонлог сэтгүүлийн 2014 оны 1 дүгээр дугаарт саяхан хэвлүүлжээ.