Нийслэлийн 52 байршилд газар өмчлүүлэх ажлын хүрээнд цахим системд хүсэлтээ гарган сонгогдсон 3780 иргэн өргөдлөө өгч, баталгаажуулаагүй болон тухайн байршилд өмчлөх эрхээсээ татгалзсан талаар Нийслэлийн өмчийн харилцааны газраас мэдээлэв.

Газар өмчлөлийн ажлыг зохион байгуулалттайгаар явуулахын тулд нийт 52 байршлаас эхний ээлжинд Хан-Уул дүүргийн 12, 13 дугаар хороонд байрлах Эрдэнэтолгой, Сонгинохайрхан дүүргийн 21 дүгээр хорооны Соёондын ам, Баянзүрх дүүргийн 20 дугаар хороо Хожуулын ам, Багануур дүүргийн 4 дүгээр хороо Тарианбулагийн нэгдүгээр хэсэг, Баганхангай дүүргийн хоёрдугаар хороо Бор-Үзүүр зэрэг таван байршилд газар өмчлүүлэхээр болсон.

Тэгвэл эдгээр таван байршилд цахим системд хүсэлтээ гарган сонгогдсон ч өргөдлөө өгч, баталгаажуулаагүй болон тухайн байршилд өмчлөх эрхээсээ татгалзсан3780 иргэний оронд дахин сонгон шалгаруулалт хийх юм байна. Өөрөөр хэлбэл, уг таван байршилд бүртгүүлсэн боловч сонгогдоогүй иргэдийн дунд өнөөдөр 14.00 цагт нөхөн сонгон шалгаруулалт хийх талаар НӨХГ-аас мэдээллээ.

Б.МИШЭЭЛ