Улаанбаатар-Манжуур хотуудын аялал жуулчлалын уулзалт боллоо | News.MN

Улаанбаатар-Манжуур хотуудын аялал жуулчлалын уулзалт боллоо

Хуучирсан мэдээ: 2014.10.24-нд нийтлэгдсэн

Улаанбаатар-Манжуур хотуудын аялал жуулчлалын уулзалт боллоо

10 дугаар сарын 17-20-ны өдрүүдэд БНХАУ-ын Манжуур хотод Улаанбаатар-Манжуур хотуудын аялал жуулчлалын уулзалт боллоо. Өнгөрсөн 6 дугаар сард Улаанбаатар хотод зохион байгуулагдсан “Монгол-БНХАУ-ын аялал жуулчлалын форум”-ын үргэлжлэл болсон энэ удаагийн уулзалтаар БНХАУ-ын аялал жуулчлалын байгууллагуудад Улаанбаатар хотын үзмэр, бүтээгдэхүүнийг танилцууллаа. Манжуур нь ОХУ-тай хиллэдэг хуурай газрын хамгийн том боомт, дэд бүтцийн зангилаа төдийгүй сүүлийн жилүүдэд БНХАУ-ын засаг захиргаанаас амралт, аялал жуулчлалын онцгой бүс болгон хөгжүүлж байгаа хот юм. Тус  хотод жилд 4,6 сая жуулчин ирж, аялал жуулчлалаас 6,9 тэрбум юанийн орлого олдог байна. 2013 оны 10 дугаар сараас “Хүннү Эйр” компани Улаанбаатар-Чойбалсан-Манжуурын чиглэлд долоо хоногт хоёр удаа шууд нислэг үйлдэх болсноор хоёр бүс нутгийн хооронд иргэд зорчих нөхцөл бүрдсэн юм. Харин ОХУ-ын иргэд манай улсад 11 дугаар сараас эхлэн визгүй жуулчлах болсонтой холбогдуулан ОХУ-Манжуур-Улаанбаатар-ОХУ гэсэн хил дамнасан аяллыг зохион байгуулах боломж бүрдэж байгаа бөгөөд талууд харилцан ярилцаж байна гэж нийслэлийн Аялал жуулчлалын газраас мэдээллээ.


 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-24 119.40.97.119

Manjuur gej tuhain gazar ornyhoo nereer nerlegdsen hot baidag yumaa.

Avatar

Зочин 2014-10-24 127.0.0.1

Manjuur gej boomt gazar bdag yum uu,? Manjuur gej niited n gazar zuin bairlalaar n ulsiig n heldeg yum geed tsetserchihsen.

NewsMN Гар утасны хувилбар Татах
NEWS.mn

Мэдээллийн эх сурвалж