УИХ-ын гишүүд &#34Нарантуул&#34 худалдааны төвд ажиллалаа | News.MN

УИХ-ын гишүүд &#34Нарантуул&#34 худалдааны төвд ажиллалаа

Хуучирсан мэдээ: 2014.10.21-нд нийтлэгдсэн

УИХ-ын гишүүд &#34Нарантуул&#34 худалдааны төвд ажиллалаа

УИХ дахь МАН-ын бүлгийн гишүүд, тус намын Удирдах зөвлөл, нийслэлийн намын хорооны удирдлагуудын хамт Баянзүрх дүүрэгт байрлах их, дээд сургуулийн оюутнуудтай уулзаж,  зарим худалдааны төвөөр оржээ. Тэд гурван багт хуваагдан ажилласны нэг нь УИХ-ын гишүүн Сү.Батболд, Д.Сумъяабазар, Б.Чойжилсүрэн  нараас бүрдсэн баг байсан юм. Тэд  “Улаанбаатар” их сургууль болон Нарантуул худалдааны төвд очиж, оюутан залуус, худалдаа эрхлэгчидтэй уулзсан юм.  

 Багш оюутнуудтай илэн далангүй ярилцлаа

УИХ-ын гишүүд Улаанбаатар их сургуулийн оюутнуудтай уулзаж, тэдний санал бодлыг сонссон байна. Оюутнуудын зүгээс ээж аавын нь цалин нэмэгддэггүй хэрнээ сургалтын төлбөр өсөөд байдаг, сургалтын төлбөр өсөөд байгаа хэрнээ сургалтын чанарт ахиц гардаггүй гаж тогтолцоо "усан хаван" мэт улам хүрээгээ тэлсээр байгааг эрхэм гишүүдэд “ховлов”. Мөн үнийн өсөлтөд дарлуулж байгаагаа ч нуусангүй. Эрхэм гишүүд болон багш оюутнуудын уулзалт ажил хэрэгч уур амьсгалтай болсныг дурдах нь зүйтэй байх. Энэ үеэр УИХ-ын гишүүн, Ерөнхий сайд асан Сү.Батболдтой уулзаж, уулзалтын зорилго ач холбогдлыг талаар лавлахад ”МАН-аас ард иргэдтэйгээ уулзах уулзалтыг тогтмол зохион байгуулдаг. Салбар салбарынхантай уулзаж, тэдний санал бодлыг сонсох нь их чухал. Өнөөдрийн хувьд бидний хэдэн гишүүд  Улаанбаатар их сургуулийн багш, оюутнуудтай уулзлаа. Улс орны хөгжлийн хамгийн том гарц бол өндөр боловсролтой, чадварлаг ард иргэдтэй байх нь хамгийн чухал. Хөгжлийн хамгийн том гарц ч гэж хэлж болно. Тэр ч утгаар би боловсролын салбарт их ач холбогдол өгч ирсэн. Миний тэргүүлж байсан Засгийн газрын үед Хүний хөгжлийн сан байгуулж, ард иргэддээ дэмжлэг үзүүлэхийн зэрэгцээ сургалтын төлбөр, боловсролын стандартыг дээшлүүлэх талаар тодорхой ажлуудыг хийж ирсэн. Энэ бүх ажилд сайн зүйлүүд байсан ч бас анхаармаар зүйл ч байсан байна. Үүнийг дүгнэж ярьсан ажил хэрэгч уулзалт боллоо. Цаашдаа боловсролын салбараа бид тогтвортой, ойлгомжтой, хөгжлийн ирээдүйг харсан, улс орны хөгжлийн нэгэн адил авч үзэх ёстой юм байна гэдэгтэй багш оюутнуудтай санал нэгдлээ” хэмээн ярьсан юм.

Наймаачдын борлуулалт буурчээ

“Нарантуул” олон улсын худалдааны төвд УИХ-ын гишүүдийг очиход наймаачдын зарим нь “гэнэтийн зочид”-ыг гайхан хүлээн авч байсан бол,  нөгөө хэсэг нь өөрсдөдөө тулгамдаж байгаа асуудлыг УИХ-ын түшээддээ  илэн далангүй ярьж, шийдвэрлэх арга замын талаар лавлаж байв.

“Нарантуул”-ынхны хамгийн их хөндсөн асуудал нь борлуулалт, орлого эрс муудсаныг онцолж байв.   Өнгөрсөн оны мөн үетэй харьцуулахад ард иргэдийн худалдан авах чадвар маш их буурсан байна. Тэгсэн хэрнээ талбайн түрээсийн төлбөр өндөр байгааг хэлж байлаа. Түүнээс гадна одоо хүйтний улирал эхлэх гэж байгаатай холбоотой ажиллах орчин хүнд байгааг хэлсэн. Тэд “Бид энэ асуудлыг үе үеийн улстөрч, эрх мэдэлтнүүдэд хэлдэг ч шийдвэрлэлгүй өдийг хүрсэн. Та бүхэн тэдний нэгэн адил энд сайхан зүйл яриад, саарал ордондоо ормогц мартчихдаг шүү гэх шүүмжлэлийг ч хэлээд авна лээ.

Уулзалтын үеэр УИХ-ын гишүүн Сү.Батболдтой уулзаж цөөн асуултад хариулт авлаа.

  • Та Ерөнхий сайд байхдаа Нарантуул захаар хэд хэдэн удаа явж байсныг тань санаж байна. Энэ удаа танд юу анзаарагдав, таны явж байсан үетэй харьцуулахад хэрхэн өөрчлөгдсөн байна вэ?
  • Тийм ээ. Би Засгийн газрын тэргүүн байхдаа Нарантуул захын үйл ажиллагаатай танилцаж, энд ажиллаж байгаа иргэдтэйгээ уулзаж байсан. Хэд хэдэн зүйл ажиглагдлаа. Наймаачдын орлого өдөрт 500 мянган төгрөгөөс буудаггүй байсан бол одоо 100 мянган төгрөг хүрэхтэй үгүйтэй л болсон гэж ярьж байна. Өөрөөр хэлбэл, бараа үйлчилгээнийх нь борлуулалт эрс буурчээ. Янз бүрийн зүйл худалдан авахаасаа илүү өдөр тутмын хоол ундандаа хамаг мөнгөө зарцуулж байгаагаа хэллээ. Жижиг дунд үйлдвэрлэгчдийн бүтээгдэхүүн зарагдахгүй байгаагаас ажлын байр нь хумигдаж байгаа юм байна.  Тэднийг дэмжих дэмжлэг дутуу, нээлттэй биш, санхүүгийн их боломж яригдаж байгаа мөртлөө хүртээмж, ил тод байдал нь хангалтгүй байна гэж тэд ярилаа. Мөн ам.доллар, юаньтай харьцах төгрөгийн ханш суларснаас үүдсэн бэрхшээлийг иргэд их ярьж байна.
  • Нийгмийн хамгаалал, тухайлбал нийгмийн даатгалаа төлдөг баймаар байна гэж  ихэнх иргэд  ярьж байсан. Таны тэргүүлж байсан Засгийн газрын үед энэ талаарх эрх зүйн орчин бүрдсэн байсан гэж таны хариулахыг сонслоо. Энэ талаар та дэлгэрүүлж ярина уу?
  • Наймаа эрхэлж байгаа тэднийг  нийгмийн даатгалд хамруулах хууль эрх зүйн үндэс нь манай Засгийн газрын үед хийгдсэн. Хэрэгжилт, гүйцэтгэл нь удааширалтай яваа юм байна. Өөрөө төлж байгаа хэсэг нь байхад ихэнх нь шимтгэлээ төлж чадахгүй байгаа гэж ярилаа. Зохион байгуулалтын ажил хэрэгтэй байгаа юм байна гэж харлаа. Энэ олон хүн тэттгэвэргүй болох асуудал яригдаж байна.

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Наран 2014-10-21 202.126.89.168

Энэ Сү Батболд бол МАН доторх цөөхөн эрүүл ухаантай хүмүүсийн нэг нь. цаашид төрд ажиллах боломж олгоосой билээ. Харин Сумьяабазар бол байдаг л нэг далдагнуур. Өөрийн гэсэн ухаангүй Зүгээр л сайхан бөхөө хөгжүүлээд банк энэ тэрээ захираад явж байхгүй энэ муухай намаг балчиг руу татагдаад орчих гэж Хайран ч сайхан нэр хүнд Хайранч сайхан бөх. Нөгөө 3 дахь аль лангууны эзэн болохыг огм мэдэхгүй юм. Бодвол гутал зардаг байхаа

Avatar

наймаачин 2014-10-21 112.72.13.86

Юм худалдаж аваагүй бол юу гэж очсон юм бэ. Хийх ажилгүй байгаа юм байна даа.

Avatar

Тамир 2014-10-21 112.72.13.219

оху-д элсэлтийн шалгалтгүй хямд зардлаар суралцуулна. утас:88671597

Avatar

Зочин 2014-10-21 202.180.216.211

icheech bolioch uls toriin har piar hiihdee yadarsan ardaa oroltsuuldag muu muuhai argaa oorchilooch ta nariig ochloo geed yu oorchilogdoh yum,arai dotroo yamar ih sejig n huree bol doo 2 nuurtei novshnuud

Avatar

Нэргүй 2014-10-21 202.179.8.3

Мөн цаг үеэ олсон ажил болов оо,Түүгээр болж байгаа амьдралын өнгийг өдөр бүр мэдэж байх ёстой биш үү

Avatar

Зочин 2014-10-21 112.72.6.86

сайн байна амьдралдаа нэг ч удаа захаар орж үз. Сайхансамбуу чинь ард түмнийг яаж мөлжиж, ямар нөхцөлд амь залгуулдагыг нь хар . Засаг барьж байхдаа ирж үзсэн бол та нарыг амьдралд хэрэгтэй хууль гаргах нь өөд нь татаах нь гэж бодох байлаа. гэхдээ оройтсон ч гэсэн ард түмэн гэж хэн байдаг юм гэж нэг үз

Avatar

Зочин 2014-10-21 119.40.97.105

Энэ сансрын нисгэгч нар газарт бууж алхлаа юу, ард түмэнтэй уулзаж амьдралыг нь сонслоо юу. Сумъяабазар хамгийн сүүлд бэлтгэлийн хувцас авах гэж л Нарантуул ороо биз, Чойжилсүрэн оросоос машин зөөж байхдаа хөлд өмсөх гутал аваа биз, Батболд бол амьдралдаа шагайж үзээгүй газраараа шагайж байгаа нь энэ. Энэ дагаж яваа хүмүүс нь энэ 3-ыг амьдралдаа дахиж дэргэдээс нь олж харахгүй гэдгээ сайн мэдмээр юм

Avatar

Зочин 2014-10-21 202.21.106.170

MANgaruud mini hotod gantshan Narantuul gedeg zah baidag ym shig aashlah aa boli….Uur orchin ueiin tohilog tom tom hudaldaanii tuvuud neegdeed baikhad naad 1921 onii ueiig sanagduulah Narantuul geh orchin gej avah ymgui, hog novshoor duursen gazar bargiin hun ochikhgui shuu dee neg ue ee bodvol Mongolchuud uur bolood bna shuu ta nar mederch ajilla. zui ni iim gazar ochij ner tur oloh gej dohilzoj bgaa chin Narantuuliin uusgesen tugreld buhimdaad zogsoj bgaa niislelchuudiin durguig hurgej bna …Odoo hotod iim zah bgaa ni ichmeer ym daa ireeduigee harj hotiin 2 tald tomoohon tohilog hudaldaanii tuv bari odoo naad Narantuul gedeg shou chin hol yavahgui. Eruul tsever, tselger, tohilog, dulaan orchind humuus uilchluulmeer bna gedegiig sana MANgaruudaa dandaa huuchnaaraa setgene ed hol yavahgui ee

NewsMN Гар утасны хувилбар Татах
NEWS.mn

Мэдээллийн эх сурвалж