Азийн эмэгтэй парламентчдын хуралдаанд оролцож байна | News.MN

Азийн эмэгтэй парламентчдын хуралдаанд оролцож байна

Хуучирсан мэдээ: 2014.10.17-нд нийтлэгдсэн

Азийн эмэгтэй парламентчдын хуралдаанд оролцож байна

УИХ-ын гишүүн Л.Эрдэнэчимэг Азийн эмэгтэй парламентчдын хуралдаанд оролцож байна

Улсын Их Хурлын гишүүн Л.Эрдэнэчимэг НҮБ-ын эмэгтэйчүүдийн байгууллага болон Конрад Аденауэрын сангаас хамтран Сингапур улсад зохион байгуулж буй Азийн эмэгтэй парламентчдын хуралдаанд оролцож байна.

Тэрээр энэхүү хуралдаанд Улсын Их Хурал дахь эмэгтэй гишүүдийн албан бус бүлгийг төлөөлөн оролцож байгаа бөгөөд “Монголын эмэгтэйчүүдийн улс төрд эзлэх байр суурь” сэдвээр илтгэл тавьлаа. Хуралдаанд Азийн 11 орны төлөөлөгч оролцож бүс нутагтаа эмэгтэй парламентчдын бүлэг байгуулах асуудлыг хэлэлцэж байгаа юм. Бүсийн хэмжээнд бүлэг байгуулснаар бүс нутагт сүлжээ болон өргөжиж байгаа хүний наймаа зэрэг гэмт хэрэгтэй хамтран тэмцэх, золиос болж буй эмэгтэйчүүдийн эрхийг хамгаалах, мөн энэ чиглэлээр аль нэг улсад хэрэгжиж буй сайн туршлагыг өөрийн улс оронд авч хэрэгжүүлэх зэргээр хамтран ажиллах боломж бий болно гэж үзлээ.

Мөн хуралдааны үеэр Улсын Их Хурлын гишүүн Л.Эрдэнэчимэг Малайзын парламентын эмэгтэй гишүүдтэй уулзаж Ш.Алтантуяагийн хэргийн асуудлаар хамтран ажиллах талаар ярилцсан байна. Азийн улс орнуудад тулгарч буй том бэрхшээл бол “авлига” гэдгийг хуралдаанд оролцсон нийт төлөөлөгчид хүлээн зөвшөөрч эмэгтэйчүүд улс төрд олноор орж ирснээр төрийн тунгалаг байдлыг нэмэгдүүлж, авлигатай тэмцэж чадна гэдэгт санал нэгдэв.

Эх сурвалж: www.open.parliament.mn

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2014-10-17 180.235.179.47

Энэ тэнэг хүүхнээс өөр явуулчих хүн олдоогүй л юм байхдаа.Хачин юм.

Avatar

Munkhuu 2014-10-17 112.72.13.70

Yamar ur dun garahiig ni harj l baiya

NewsMN Гар утасны хувилбар Татах
NEWS.mn

Мэдээллийн эх сурвалж