“Австри улс 40 сая еврогийн зээл олгоно” | News.MN

“Австри улс 40 сая еврогийн зээл олгоно”

Хуучирсан мэдээ: 2014.10.17-нд нийтлэгдсэн

“Австри улс 40 сая еврогийн зээл олгоно”

Монгол Улсаас Австри Улсад суугаа онц бөгөөд бүрэн эрхт элчин сайд Г.Батжаргалтай ярилцлаа.

-Монгол Улсын Ерөнхийлөгч Австри улсад айлчиллаа. Энэ айлчлалын үр дүнг товч дүгнэвэл?

-Монгол Улсын Ерөнхийлөгчийн Австри улсад хийх албан ёсны айлчлал амжилттайгаар өндөрлөлөө. Монгол Австрийн хооронд 1963 онд дипломат харилцаа тогтоосон. Үүнээс хойшхи харилцаагаа улам гүнзгийрүүлсээр ирсэн. Хоёр улсын ерөнхийлөгчид ганцаарчилсан уулзалт, тус улсын парламентын дэд даргатай уулзалт хийлээ. Хоёр орны хооронд худалдаа, эдийн засгийн харилцаа хөгжих томоохон боломжууд нээгдэж байна. Австрийн засгийн газрын хөнгөлөлттэй зээлээр зургаан төсөл хэрэгжих гэж байгаа. Одоо дараагийн шатны зээлийн асуудал яригдаж байна. Хоёр орны хооронд хамтын ажиллагаа хөгжүүлэх шинэ салбарууд бийг ч мөн ярилаа. Аялал жуулчлал, эрчим хүчний гэх зэрэг.

Австри нь Монгол Улсыг маш их сонирхож байна. Хоёр хөрштэйгээ гурван талт уулзалт хийснийг маань судалж, бахархаж байна. Хоёр улстайгаа дамжин өнгөрөх тээврийн асуудлаа хурдан шийдээд, гуравдагч оронд гарах боломжоо бүрдүүлэх хэрэгтэй. Мөн бүс нутгийн түвшинд аюулгүй байдлын асуудлаар ажиллаж буй хүчин чармайлт, тухайлбал, умард солонгосыг олон улсын гэрээ хэлэлцээрт татан оруулах асуудлаар манай улсын зүгээс хийж буй алхмыг сайшааж байна.

-Австрийн Засгийн газрын зээл гэдгээ тодотгооч?

-40 сая еврогийн зээлийн асуудлыг нааштай шийдсэн. Зургаан төсөлд зориулахаас дөрвийг нь эрүүл мэндийн салбарт, нэг нь онцгой байдлын газарт гал түймэртэй тэмцэх техникийн тусламжинд, мөн нэг төсөл нь Улаанбаатар хотын бохир усны шугамыг солиход зориулагдах болно.

-Зээлийн нөхцөл нь ямар байх вэ, хэдийд, ямар хувийн хүүтэй буцааж төлөх вэ?

-Таван жилийн хугацаанд хүү төлөхгүй. Таван жилд буцаан төлөлт хийхгүй. 27 жилд бага багаар хуваан төлөх нөхцөлтэй.

-Сэргээгдэх эрчим хүчний асуудлаар хамтран ажиллах боломж байгаа талаар Австри улсын бизнес эрхлэгчдийн зүгээс ярьж байна. Үүнд Монгол Улсын хувьд дэмжиж, хамтран ажиллах боломж бүрдүүлэхэд асуудал бий юу?

-Хоёр улсын хооронд эдийн засгийн хамтын ажиллагааны комисс гэж бий. Засгийн газар хоорондын уг комисс нь 1972 оноос хойш ажиллаж буй. Австри нь Монгол Улстай худалдааны хэлэлцээр байгуулсан хоёр дахь орон. Сэргээгдэх эрчим хүч нь тус улсад өндөр хөгжсөн. Эрчим хүчнийхээ 80 гаруй хувийг усан цахилгаан станцаас гаргадаг. Нэг ч килограмм нүүрс түлдэггүй орон. Үүний оронд ус, нар, салхин цахилгаан станц, байгалийн хийг ашигладаг. Ийм улсаас сэргээгдэх эрчим хүч ашиглах туршлагыг нь, технологийг нь авах боломж байгаа.

-Хоёр улсын хувьд адилхан далайд гарцгүй. Яг энэ асуудлаар хамтран ажиллах уу?

-Хэдийгээр далайд гарцгүй ч Австри нь найм, есөн улстай хил залгадаг. Манай улсын хувьд хоёр л хөрш бий. Тэгэхээр асуудал гэдгийнхээ хувьд Монгол Улсад илүү хүнд. Австрийн засгийн газраас ирэх сард “Далайд гарцгүй хөгжиж буй орнуудын НҮБ-ын бага хурал”-ыг Вена хотноо зохион байгуулахаар болсон. Манай Ерөнхийлөгчийг урьсан байгаа.

-Вена дахь НҮБ-ын байраар зочилж, НҮБ-ын салбар төвийн Ерөнхий захирал бөгөөд Мансууруулах бодис гэмт хэрэгтэй тэмцэх албаны Гүйцэтгэх захирал Ю.Федотов болон Вена дахь НҮБ-ын салбарын удирдлагуудтай уулзалт хийсэн. Энэ уулзалтын үр дүнг танилцуулбал?

-Вена дахь НҮБ-ын байранд Мансууруулах бодисыг таних лабораторитай Ц.Элбэгдорж биечлэн танилцлаа. НҮБ-ын мансууруулах бодистой тэмцэх чиглэлийн байгууллагатай тодорхой ажилд хамтран оролцохоор тохирлоо. Хил дамжсан малын өвчинг таних, зогсоох, вакцин үйлдвэрлэхэд хамтран ажиллахаар боллоо. Энэ нь монголоос гадагш экспортлох мах махан бүтээгдэхүүний хэмжээг нэмэгдүүлэхэд тун чухал үүрэгтэй.

Б.МАНДАХ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-17 103.23.51.2

зээл хэтэрлээ. нэг ардчилсан хүний карманд л орно шүү дээ.

Avatar

Зочин 2014-10-17 103.23.51.2

зээл хэтэрлээ. нэг ардчилсан хүний карманд л орно шүү дээ.

Avatar

zochin 2014-10-17 203.128.189.9

odoo zeelee bolio arai dendlee. ergeed tolohod uhaan gvitsehgui gedgee Mongolchuud medej bn uu

Avatar

Зочин 2014-10-17 127.0.0.1

odoo zeelee bolio. ergeed tolj chadahgui gedgee meddeg hvn bn uu. kk

Avatar

Зочин 2014-10-17 120.19.248.201

Badar bariad guilga guigaad teneed yavah yumaa. Eronhiilogch ni irj baigaa bolohoor yalt ch ugui zeel tuslamj ogdog baihdaa

Avatar

Mongoliin 2 problemiig 2014-10-17 150.129.143.138

Austria uls Mongoliin 2 tom asuudliig shiideh sanalaa ilerhiilsen baisan daa. No1 Utaanbaatariin utaanii asuudaliig shiideh high technologiig No2 Mongol elegnii hort havdaraad delhiid terguulj baigaag helj eruul hunsnii sanal tavij baisan daa. Mongoliin tolgoi uvchin bolson problemiig Austria uls bidnees iluu medej baigaa ni haragdaj baina.

Avatar

Зочин 2014-10-17 127.0.0.1

Мансууруулах бодисыг таних лабораторитай Ц.Элбэгдорж биечлэн танилцлаа/. erunhiilegch Elbegdorj/ gej bich

Avatar

зочин 2014-10-17 127.0.0.1

бичиж байгаа мэдээллийнхээ гарчигийг зөв биччихэж чадахгүй ямар ч мэдлэг сул сэтгүүлчидтэй болчихсон юм бэ дээ, ядаж дарга даамал гэсэн сэтэртэй нөхдүүд нь хардаггүй юм байх даа,

Avatar

123 2014-10-17 103.11.192.178

yaasan iisen zeel fuck yum a

Avatar

Ortei hun oodlohgui 2014-10-17 202.70.47.70

Zeeliin oron boloh ni ee. yana da

NewsMN Гар утасны хувилбар Татах
NEWS.mn

Мэдээллийн эх сурвалж