М.Батчимэг: Фракцын улс төр Үндсэн хуулиас эхтэй | News.MN

М.Батчимэг: Фракцын улс төр Үндсэн хуулиас эхтэй

Хуучирсан мэдээ: 2014.10.17-нд нийтлэгдсэн

М.Батчимэг: Фракцын улс төр Үндсэн хуулиас эхтэй

УИХ-ын гишүүн М.Батчимэг Улаанбаатарын эдийн засгийн клубээс уламжлал болгон зохион байгуулдаг уулзалт ярилцлагад урилгаар оролцож, “Засаглал ба хөгжил” сэдвээр илтгэл тавилаа. Байгалийн баялгаараа дэлхийд тэргүүлдэг атлаа иргэд нь ядуу, эдийн засгийн хөгжил дорой Африкийн орнууд, бараг ямар ч баялаггүй атлаа дэлхийд хөгжлөөрөө тэргүүлэгч орнуудын ялгаа чухам юунд байна вэ гэдгийг  тэрээр илтгэлдээ хөндөж, төрийн эдийн засаг дахь оролцоо ямар хэмжээнд байх нь хамгийн чухал бус, харин ямар төр, ямар засаглал вэ гэдэг нь асуудлын гол зангилаа болохыг олон орны жишээн дээр харьцуулж тайлбарласан юм.

Тэрээр өрнөдийн аж үйлдвэржсэн орнуудыг богино хугацаанд гүйцэж хөгжсөн Зүүн Азийн орнууд, тухайлбал Япон, Өмнөд Солонгос, Сингапур, Хятадын жишээг иш татаж эдгээр орнуудын хөгжилд улс төрийн тогтолцооноос үл хамааран улс төрийн тогтвортой байдал, хүчтэй гүйцэтгэх засаглал, бодлогын залгамж чанар чухал үүрэг гүйцэтгэснийг онцолсон.  Монгол Улсад 1990 оноос хойш 24 жилийн хугацаанд Засгийн газар 14 удаа солигдсон бөгөөд Ерөнхий сайд нарын олонх нь нэг жил гаруйн хугацаанд алба хашсан байна.

Гэтэл хамгийн сонгодог парламентын засаглалтай Англид өнгөрсөн хорин жилд гурван Ерөнхий сайд, Германд сүүлийн 32 жилд гурван Ерөнхий сайд солигджээ гэдгийг дурдаад хурдтай хөгжсөн улс орнуудад хөгжлийн зүтгүүр болж ирсэн гүйцэтгэх эрх мэдэл нь нэг дор төвлөрсөн байдаг бол Монгол Улсад гүйцэтгэх эрх мэдэл УИХ, Засгийн газар, Ерөнхийлөгчид хуваагдсан байдаг нь хариуцлагын тогтолцоог байхгүй болгож байгаа хамгийн гол шалтгаан гэж үзэж байгаагаа илэрхийлсэн юм. Үндсэн хуулиар танхимын сайд нарыг Ерөнхий сайд биш, УИХ шийдэж томилдог нь гишүүд хэд хэдээрээ нийлж дундаасаа сайд санал болгож Ерөнхий сайдад тулгах үндсэн шалтгаан болдог гэдгийг хэлээд  намууд дүрмээрээ фракцаа тарааж хориглолоо ч Үндсэн хуулийн энэ зохицуулалт хэвээр байгаа цагт гишүүд бүлэг бүлгээрээ нийлж Засгийн газрын хувь заяаг шийддэг, улс төрийг тогтворгүй болгодог байдал арилахгүй гэж үзэж байгаагаа илэрхийлсэн.

Илтгэлийнхээ төгсгөлд УИХ-ын гишүүн  М.Батчимэг улс орноо хөгжүүлье гэвэл засаглалаа сайжруулах зайлшгүй шаардлага тулгарч байгааг онцлоод, үүний тулд юуны өмнө Үндсэн хуульд өөрчлөлт оруулж парламентын сонгодог засаглалыг төлөвшүүлэх, төрийн албаны шинэчлэлийг цаг алдалгүй хийх, улмаар улс төрийн намуудыг бодлогын байгууллага болгон бэхжүүлэх шаардлагатай гэсэн юм. Энэ бүхнийг ажил хэрэг болгоход хариуцлагатай улс төрийн зөвшилцөл, нийгмийн оролцоо, шахалт шаардлага чухал гэдгийг мөн онцоллоо хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ariunbold 2014-10-17 202.131.226.166

Mundag hun bna le. Iim uhaantai hun eregtei bolj turuud namiin darga bolson bol. Ardchilsan namiin Odontuya Battsetseg, Burmaa gesen mash mundag 3 emegtei uls turch bnaa. Mundagaa 2016 onii songuulid Ardchilsan namiin tuluu sanalaa ugnuu

Avatar

Сүрэн 2014-10-17 103.9.90.98

Ухаалаг , зөв хүн шүү. Ийм л хүмүүс улсь төрд хэрэгтэй байгаа юм. даанч тэнэгүүд нь олон юм даа

Avatar

Batchimegt 2014-10-17 208.64.29.45

Batchimegee Strategy iin hureelendee ergen ochij sudalgaagaa hiivel deerdee, tani shig hun uls turiin togoond baih ni tohiromjgui, zaaval tamiin togoond ajillah yamar hereg bn, ug ni uuriig chini sudlaachiin huvid uneldeg bailaa, harin ta bol erh medliin tuluu, alban tushaald het durtai huuhen bn, daanchdee

Avatar

777 2014-10-17 150.129.142.10

Ард түмнээ ядуу тарчиг, мэдээллээс хол байлгаж, хэд гуравхан бор төгрөгөөр саналыг нь худалдаж авдаг луйварчингууд Төрийн аппаратыг бузарлан дүүргэснээс л хамаг хэрэг үүдэлтэй шүү дээ. Тэд ард түмэнд үйлчлэх нь байтугай харин ч эсрэгээрээ, зохиомол хомсдлыг нийгэмд үүсгэснээрээ эргээд ард түмнээрээ үйлчлүүлдэг нэг ёсондоо "даам" гарчихдаг жинхэнэ шимэгч шавьжнууд юм.

Avatar

bat 2014-10-17 127.0.0.1

uureg hariutslag,erkh medlig neg hund 10 jilin hugtsaatai hariutsuulah heregtei,tegj bj bodlogo heregjine,uls oron togtvortoi ba,harin turd garsan hudalch,hulgaich,luivarchdig uursdin sain duraar uls turus garach yvahgui bol orosin putini turshlagiig heregjuuleh heregtei,ingevees uls orni udirdlaga tsevershij uruudan doroitoh n zogsoj urt hugtsaani hugjil devshlin zam deer garch ireh boluu.

Avatar

Зочин 2014-10-17 150.129.143.221

анхнаасаа яс модоо та нар 90 онд буруу зангидсан юм биш үү. хаана ч байхгүй тэнэг систем үүсгэсэн. Ж нь, хаана ямар улс шу, технологи хөгжүүлэлтээ багш нарын хавсарга ажил болгоод юу ч мэдэхгүй хүмүүст оюуны өмчийг булааж авч өгөөд хөгжчихөөв. Сумын ЗД-с дор. эмчийн ажлаа анатомын багшид, газар тариалангаа түмэн бодисын багшид хариуцуулдаг сумын тэнэг засаг дарга байна гээд бод доо. Монгол улсын систем энэнээс чинь тэнэг байна. хэдэн мафи болчихсон юу ч мэдэхгүй хүмүүс ард түмний толгой дээр суучихаад гүн нүх ух, би ухсан болье гээд байгаарай,тэр авдай, отгонбаяраасаа өгсүүлээд, улс төрчид нэртэй мунхаг хүмүүс.

Avatar

zochin 2014-10-17 150.129.140.210

harin ene chini l heregtei baigaa umdaa, ene togtoltsoogoo oorchloh heregtei

NewsMN Гар утасны хувилбар Татах
NEWS.mn

Мэдээллийн эх сурвалж