Монгол улсын эдийн засаг нийгмийг  2010 онд хөгжүүлэх  талаар төрөөс баримтлах бодлого, болон Засгийн газрын 2008-2012 оны үйл ажиллагааны хөтөлбөрийн дагуу “Төрөөс өндөр технологийн аж үйлдвэрийн талаар баримтлах бодлого”-ыг УИХ-аар өнгөрөгч долоо хоногт баталсан билээ. Үүнтэй холбогдуулан хөтөлбөрийг боловсруулсан УИХ-ын гишүүн Н.Ганбямбаар ахлуулсан ажлын хэсгийн гишүүд, Үндэсний хөгжил шинэчлэлийн хороо, дэд хорооны гишүүд хамтран хэвлэлийн хурал хийлээ.

Энэхүү бодлогын баримт бичгийг боловсруулах болсон шалтгаан нь түүхий эдэд түшиглэсэн эдийн засгаас аж үйлдвэржилт, мэдлэгийн эдийн засагт шилжих шилжилтийг эхлүүлэх, улс орны өрсөлдөх чадварыг дээшлүүлэх, эдийн засгийн төрөлжилтийг сайжруулах, үндэсний баялагыг богино хугацаанд эрс нэмэгдүүлэх зэрэг олон нөхцөл шаардлагын улмаас бий болсныг онцоллоо.