Хүүхдийн зүрхний эмгэгийг бүрэн эмчлэх лаборатори нээгдлээ | News.MN

Хүүхдийн зүрхний эмгэгийг бүрэн эмчлэх лаборатори нээгдлээ

Хуучирсан мэдээ: 2014.10.15-нд нийтлэгдсэн

Хүүхдийн зүрхний эмгэгийг бүрэн эмчлэх лаборатори нээгдлээ

Ерөнхий сайдын багцын 2 тэрбум төгрөгийн хөрөнгөөр Эх хүүхдийн эрүүл мэндийн үндэсний төвийн Хүүхдийн зүрхний оношилгоо, эмчилгээний тасагт хамгийн орчин үеийн өндөр технологийн шинэ лаборатори нээгдлээ. Хүүхдийн зүрх судасны эмгэгийг дэлхийн жишигт нийцсэн дэвшилтэт технологиор оношилж, эмчлэх энэ лаборатори Азид 7 дахь нь болж суурилагдсан юм. Зүрхний катетер-ангиографийн лабораторийн тоног төхөөрөмжүүдийг Герман улсын Siemens пүүсээс авчээ.

Шинэ лабаритори нээгдсэнээр өмнө нь зөвхөн гадны эмч нарын баг ирэхэд л хийдэг байсан хүүхдийн зүрхний эмгэгийн нарийвчилсан оношилгоо, судсан дотуурх хагалгааг Монголын эмч мэргэжилтнүүд эх орондоо бие даан хийх боломжтой болж байна.

“Би 2007-2008 онд Туул ротари клубын Ерөнхийлөгчөөр ажиллаж байхдаа зүрхний төрөлхийн эмгэгтэй 30 шахам хүүхдийг Солонгос улсад хагалгаанд явуулж байлаа. Энэ клубын шугамаар одоогийн байдлаар 300 гаруй монгол хүүхэд гадаадад эмчлүүлсэн. Тэгвэл одоо нарийн мэргэжил, өндөр технологи шаардсан өртөг ихтэй энэ төрлийн оношилгоо, эмчилгээг эх орондоо хийж чаддаг боллоо” гэж Ерөнхий сайд Н.Алтанхуяг лабораторийн нээлтэд оролцохдоо онцлоод, эмч мэргэжилтнүүдээ улам чадавхижуулан сургахыг эмнэлгийн удирдлагуудад захилаа. ЭХЭМҮТ өнгөрсөн хугацаанд эмч мэргэжилтнүүдээ Америк, Солонгос улсуудад сургаж дадлагажуулсан байна.

Лабораторийн тоног төхөөрөмжийг бүрэн суурилуулснаас хойшхи цөөхөн хоногийн дотор зүрхний төрөлхийн гажигтай 11 хүүхдэд эмчилгээ хийсний 6-д нь судсан дотуурх хагалгаа хийжээ. Энэ хүүхдүүд гадаадад эмчлүүлбэл тэрбум төгрөгийн зардал гаргах юм гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-15 127.0.0.1

Mongol ulsiin eronhii said Altanhuyagt ajiliin ondor amjilt husie ! . Bid hiij buteeh gej zorij temuulj bas hiij buteej bgaag chin aldaa onootoich Mongol ulsiin hogjil devshild buren bolomj baina gedegiig ymartaich olj harlaa !

Avatar

zochin 2014-10-15 37.220.130.61

Saihan ajil hiijee. Amjilt husie.

Avatar

Erunhii said N.Altankhuyag 2014-10-15 202.131.230.130

Ulam sain ajillaarai,iluu ihiig hiigeerei ar geree martaarai,tsalin hulsuu bas martaarai nemj chadahgui shuu emch naraa whahahahahha

NewsMN Гар утасны хувилбар Татах
NEWS.mn

Мэдээллийн эх сурвалж