ЗГ-ын бүрэлдэхүүний тухай хуулийн төслийг дэмжлээ | News.MN

ЗГ-ын бүрэлдэхүүний тухай хуулийн төслийг дэмжлээ

Хуучирсан мэдээ: 2014.10.15-нд нийтлэгдсэн

ЗГ-ын бүрэлдэхүүний тухай хуулийн төслийг дэмжлээ

УИХ-ын Төрийн байгуулалтын байнгын хороо хуралдаж, Засгийн газрын бүрэлдэхүүний тухай хуульд өөрчлөлт оруулах тухай болон холбогдох бусад хуулийн төслүүдийн анхны хэлэлцүүлгийг хийж, гишүүдийн 76.9 хувийн саналаар дэмжлээ.

Засгийн газрын бүрэлдэхүүний тухай хуульд өөрчлөлт оруулах тухай хуулийн анхны хэлэлцүүлгийг хийх явцад гишүүдээс зарчмын зөрүүтэй санал гараагүй тул УИХ-ын гишүүн Д.Эрдэнэбатын гаргасан хуулийн төслийг анхны хэлэлцүүлгээр нь батлах горимын саналыг хуралдаанд оролцсон гишүүд санал нэгтэй дэмжив.

Дараа нь Засгийн газрын бүтцийн тухай хуульд өөрчлөлт оруулах тухай хуульд нийцүүлэн зарим хуульд өөрчлөлт оруулах тухай хуулийн төслүүдийн анхны хэлэлцүүлгийг хийв.

Монгол Улсын Засгийн газрын бүтцийн тухай хуульд өөрчлөлт оруулах тухай хуулиуд батлагдсантай холбогдуулан нийтдээ 12 хуульд өөрчлөлт оруулахаар Засгийн газраас хууль тогтоомжийн төсөл санаачлан өргөн барьсан юм. Засгийн газрын бүтцэд өөрчлөлт орж, зарим яамны нэр, эрхлэх асуудлын хүрээ өөрчлөгдсөнтэй нийцүүлэн холбогдох салбарын хуульд заасан яам, Засгийн газрын гишүүний эрхлэх асуудал, нэр томъёог жигдлэхээр эдгээр хууль тогтоомжийн төслүүдэд тусгажээ.

Хэлэлцэж буй хуулийн төслүүдтэй холбогдуулан УИХ-ын гишүүн С.Баярцогтын гаргасан зарчмын зөрүүтэй саналын томъёоллоор санал хураалт явуулахад Байнгын хорооны хуралдаанд оролцсон гишүүдийн 76.9 хувь нь дэмжсэн байна.

Тус байнгын хорооны хуралдаан үдээс өмнө зарлагдсан байсан ч бүлгүүдийн хуралдаантай давхацсан тул тодорхойгүй хугацаагаар хойшилж, ийн үдээс хойш хуралдлаа.


Засгийн газрын бүрэлдэхүүний тухай хуульд өөрчлөлт оруулах тухай, Засгийн газрын бүтцийн тухай хуульд өөрчлөлт оруулах тухай хуульд нийцүүлэн зарим хуульд өөрчлөлт оруулах тухай хуулийн төслүүдийн анхны хэлэлцүүлгийг УИХ-ын нэгдсэн чуулганы өнөөдрийн үдээс хойших нэгдсэн хуралдаанаар хэлэлцэх ёстой. /Анхны хэлэлцүүлгээр батална/

УИХ-ын чуулганы нэгдсэн хуралдаан хараахан эхлээгүй байна.

Г.ДАРЬ

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-15 150.129.141.250

МАН-ынхаан нэр дэвшуулсэн болгоныг нь батлаад егчих. Хавар дахиад л еерсдее засгаа унагаах гээд ороод ирнэ наадуул чинь

Avatar

Zochin 2014-10-15 103.9.91.146

Altangudasnuud shiidveree gargajee.

Avatar

Зочин 2014-10-15 202.179.27.109

ганцхан хуудас юм батлах гэж юун сүртэй уддаг хар шаарнууд вэээ

Avatar

ddd 2014-10-15 202.131.247.82

udalgui yaahv de tend chine boon lobby yvj bga shd

Avatar

jiriin negen mongol 2014-10-15 103.9.90.82

yag zuv buun lobby. buun naimaa shude!

NewsMN Гар утасны хувилбар Татах
NEWS.mn

Мэдээллийн эх сурвалж