Баянзүрхчүүд 5000 мод тарив | News.MN

Баянзүрхчүүд 5000 мод тарив

Хуучирсан мэдээ: 2014.10.14-нд нийтлэгдсэн

Баянзүрхчүүд 5000 мод тарив

Монгол Улсын Ерөнхийлөгчийн зарлигаар жил бүрийн тав, аравдугаар сарын хоёр дахь долоо хоногийн бямба гаригийг бүх нийтийн мод тарих өдөр болгосон билээ. Уг зарлигийн дагуу Баянзүрх дүүргийн Засаг даргын Тамгын газар, харьяа хэлтэс албад болон хороод ногоон байгууламжийг нэмэгдүүлэх, нөхөн сэргээх, байгаль орчноо хамгаалах, ард иргэдийн оролцоон дээр тулгуурлан“Бүх нийтээр мод тарих үндэсний өдөр’’-ийг амжилттай зохион байгууллаа.

Дүүргийн Засаг дарга Д.Пүрэвдаваа, Орлогч дарга С.Гантулга, Т.Батцогт, Т.Баясах, Тамгын газрын дарга Б.Амартүвшин болон Тамгын газрын хэлтэс албадын ажилтан албан хаагчид, Нийтлэг үйлчилгээний газар- II, III, IV, Нийгмийн халамж үйлчилгээний хэлтсийн ажилчид нийт 650м2 талбайд 1200 ширхэг хайлаасыг16 дугаар хорооны Батлан хамгаалахын их сургуулийн хойд аюулгүйн тойргийн талбайд тарьж, хайлс хашлагатай болгосон юм. Мөн дүүргийн эвтэй 4-н амьтны хөшөө орчимд ургамлан хашлагыг нөхөн тарилт хийн, 960 хайлаасыг нэмж тарьсан.

Харин хороод цогцолбор байрны гаднах ногоон байгууламжийг нэмэгдүүлэх, нөхөн сэргээх, байгаль орчноо хамгаалах үйлс нь иргэн бүрийн оролцоон дээр тулгуурлан, дүүргээс хүлээлэн өгсөн280 модыг хорооны гадна талбайд суулгаж, “Бүх нийтээр мод тарих үндэсний өдөр”-ийг зохион байгуулан ажилласан аж.

Түүнчлэн “Бүх нийтээр мод тарих үндэсний өдөр” дүүргийн зүгээс иргэддээ зориулан жимсний мод болон гоёлын 845модыг тараасан юм. Харин “Бүх нийтээр мод тарих үндэсний өдөр”-ийн хүрээнд баянзүрхчүүд 5000 мод бут сөөгийг тарилаа.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж