Нийтийн тээвэр 50 хувийн хөнгөлөлттэй үйлчилнэ | News.MN

Нийтийн тээвэр 50 хувийн хөнгөлөлттэй үйлчилнэ

Хуучирсан мэдээ: 2014.10.14-нд нийтлэгдсэн

Нийтийн тээвэр 50 хувийн хөнгөлөлттэй үйлчилнэ

Нийслэлийн 375 жилийн ойн өдөр буюу 2014 оны 10 дугаар сарын 29-нд Их эзэн Чингис хааны талбайд анх удаагаа парад зохион байгуулахаар боллоо. Парадад төрийн болон төрийн бус, хувийн хэвшлийн байгууллага, их дээд сургуулиуд зэрэг 30 гаруй байгууллагын 8000 орчим ажилтан албан хаагчид, оюутан залуус оролцохоор бүртгүүлээд байна.

Олон улсын хэмжээнд хотуудын баяраар зохион байгуулдаг нэгэн том арга хэмжээ нь тухайн хотын даргын нэрэмжит парад  байдаг. Парадад сонирхсон албан байгууллага, аж ахуйн нэгж, иргэд оролцох бүрэн боломжтой бөгөөд энэ өдөр нийслэлийн иргэдэд зориулсан хоолны амталгаат худалдаа, их хотын хямдрал, урлагийн тоглолт зэрэг олон сонирхолтой арга хэмжээ зохион байгуулах юм.

Мөн энэ өдөр Тэнгис, Өргөө кино театрууд 50 хувийн хөнгөлөлттэй үнээр, Монголын Үндэсний музей, Чойжин ламын сүм музей, Богд хааны ордон музей, Г.Занабазарын нэрэмжит Дүрслэх урлагийн музей, Уран зургийн галлерей, Монголын Театрын музей, Улаанбаатар хотын музей үнэ төлбөргүйгээр иргэддээ үйлчлэхээр боллоо.

Нийтийн тээврийн үйлчилгээ ч мөн адил 50 хувийн хөнгөлөлттэй үнээр үйлчлэхээр болсон байна.

Их хотынхоо ойн өдрөөр их хотын иргэд та бүхнийг Чингис хааны нэрэмжит талбайд зохион байгуулах парад болон бусад арга хэмжээнд идэвхтэй оролцохыг уриалж байна гэж Нийслэлийн Соёл урлагийн газраас мэдээллээ.


 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-14 202.179.20.154

za ene chini bas l luivriin arga shuu dee, musei ni unegui uzuuldeg yum bgaa biz. ter avtobus ch iluu bhaa. ternii orond niisleldee saihan tseverleh baiguulamj, hog angilan yalgah uildver, hargia tseverleh baiguulamjaa orgotgoson bol ch ene l jinhene niisleliin oin ajil bh blaa.

Avatar

монгол 2014-10-14 202.126.91.159

ард түмний сэтгэл зүйг сатааруулах аргууд байнаа энэ балай зүйлээ зогсоож ажлийн байр нийгмийн баталгааг нь бий болгооч новшнууд

Avatar

Зочин 2014-10-14 203.169.49.33

Энэ тэнэг, мөнга үрсэн шоунуудаа зогсоо.

NewsMN Гар утасны хувилбар Татах
NEWS.mn

Мэдээллийн эх сурвалж