Гадаад худалдааны тэнцэл есдүгээр сарын байдлаар 1.7 тэрбум ам.долларын алдагдалтай гарсан тухай Үндэсний статистикийн хорооноос мэдээллээ. Энэ нь жилийн өмнөхөөс 286.6 сая ам.доллар буюу 14.2 хувиар буурсан үзүүлэлт юм байна.

 Гадаад худалдааны нийт бараа эргэлтийн хэмжээ жилийн өмнөхөөс 554.1 сая ам.доллар буюу 6.5 хувь, импортын хэмжээ 420.4 сая ам.доллар буюу 8.0 хувь, экспортын хэмжээ 133.8 сая ам.доллар буюу 4.1 хувиар буурчээ. Экспортыг бүрдүүлж буй 96.9 хувийг эрдэс бүтээгдэхүүн, нэхмэл бүтээгдэхүүн, үнэт ба хагас үнэт чулуу, үнэт металл, гоёлын зүйлс, зоос,  түүхий болон боловсруулсан арьс, шир, ангийн үс, тэдгээрээр хийсэн эдлэл, тэдгээрийн эд анги эзэлж байна. Олон улсын эрдсийн зах зээлд тохиолдоод байсан хямрал сүүлийн үед арилах эерэг таамгыг шинжээчид хэлж байгаа. Уул уурхайн гаралтай бүтээгдэхүүн манай экспортын бүтээгдэхүүнийг бараг дангаараа бүрдүүлж буйгаас  дэлхийн зах зээлийн уналт, сэргэлт, гадаад хүчин зүйлээс экспортын нөхцөл байдал нөлөөлж байна. Тиймээс улсад оруулж ирэх экспортын ашгийг хараат бусаар байлгахын тулд ашиг олж ирэх өөр  салбараа түргэвчлүүлэн хөгжүүлэх хэрэгтэй бөгөөд одоогоор хөдөө аж ахуйн салбар хамгийн боломжтой гэж буй.

У.БОЛОР