Шингэрүүлсэн хийн плиткийг хөнгөлөлттэй үнээр нийлүүлнэ | News.MN

Шингэрүүлсэн хийн плиткийг хөнгөлөлттэй үнээр нийлүүлнэ

Хуучирсан мэдээ: 2014.10.10-нд нийтлэгдсэн

Шингэрүүлсэн хийн плиткийг хөнгөлөлттэй үнээр нийлүүлнэ

Агаарын бохирдлыг бууруулах үндэсний хорооны өчигдөр болсон ээлжит хурлаар шингэрүүлсэн хийн хангамжийг нэмэгдүүлэх, нөөцлөх, хадгалах агуулахыг өргөтгөх болон гэр хорооллын айл, өрхийн хийн түлшний хэрэглээ нэвтрүүлэх ажлын явцын талаар хэлэлцлээ.

Хийн агуулахыг өргөтгөж, нийслэлийн айл өрхүүдэд хийн плитканы иж бүрдэл нийлүүлэх тендерт “Дашваанжил”, “Юни газ”, “Гор газ” гэсэн гурван компани шалгарч, хариуцсан ажлаа 11 дүгээр сарын 15-наас өмнө дуусгахаар гэрээ байгуулсан юм.

Хийн агуулахын багтаамжийг 1100 тн-оор нэмэгдүүлэх ажил 90 хувийн гүйцэтгэлтэй байна.

Харин хийн плитканы иж бүрдэл нийлүүлэх ажил тоног төхөөрөмж татан авалт, угсралтын шатандаа явна. Баянхошууны эцсээс Долоон буудал хүртэлх хэсэг буюу Сонгинохайрхан, Баянгол, Чингэлтэй дүүргийн утааны голомтын бүс дэх 5000 өрхөд 11 дүгээр сарын 1-нээс хийн плитканы иж бүрдэл нийлүүлж эхэлнэ.Дээрх гурван дүүрэгт хийн плитканы иж бүрдэл нийлүүлэх борлуулалтын цэг байгуулах, айл өрхүүдэд хүргэж суурилуулж өгөх дуудлагын баг ажиллуулах зэрэг бэлтгэл ажил үргэлжилж байна.

Хийн плитканы иж бүрдэл 200 мянган төгрөгийн өртөгтэй. Энэ үнийн дүнгийн 70 хувийг хөнгөлж, 60 мянган төгрөгөөр айл өрхүүдэд нийлүүлэх юм. Иж бүрдэлд плитка, баллонтой хий, аюулгүйн хамгаалалтын хэрэгслүүд багтана.

Нүүрс, цахилгааны аль алинаас хурдан халдаг, эдийн засгийн хэмнэлттэй энэ бүтээгдэхүүнийг үйлдвэржсэн орнууд айл өрхийн хэрэглээнд өргөн нэвтрүүлж, агаарын бохирдлыг бууруулах ажилдаа хөшүүрэг болгосон байдаг. Манай орны хувьд хийн буюу газан плиткийг нийтийн хоолны газруудад түлхүү ашиглаж, айл өрхийн хэрэглээнд төдийлөн сайн нэвтрээгүй байна. Иймд дэвшилтэт энэ төрлийн хэрэглээг өргөжүүлж,  дадлагажуулахын тулд энэ онд эхний ээлжинд 5000 өрхөд хийн плитка нийтүүлэх юм. Ирэх жилүүдэд энэ ажлыг далайцтай үргэлжлүүлнэ.

АГААРЫН БОХИРДЛЫГ БУУРУУЛАХ ҮНДЭСНИЙ ХОРОО

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хийн тулга 2014-10-10 150.129.143.23

Хийн плитка гээд байгаан ханан пийшэн дотор тавидаг хийн тулга юмуу эсвэл энэ сэтгүүлчийн бичсэнээр бидний мэдэх плитка юмуу. Уг нь хийн тулга оруулж ирээд айл өрхийн халаалтат хэрэглэвэл хурдан утаанаас салхийм байгаам. Оросын хөдөө тосгонд 1986 онд явж байхад айлууд нь хийн тулгатай байшин нь сайхан халдаг юм билээ. Манай цэвэр агаар сангийнхан төөрч будилаад байна уу эсвэл жаахан мөнгө зохицуулаад байна уу. Энэ бол дэлхий нийтэд тодорхой шалгарсан халаалт. США. ГЕРМАН.ОРОС.СОЛОНГОС бүгд хэрэглэдэг. Манай дарга нар хаагуур нь яваад байнаа. Шалны халаалт гээд байгаа цахилгаан халаалт эрүүл мэндэд хамгийн хөнөөлттэй э

Avatar

Зочин 2014-10-10 112.72.13.193

yamar teneg yumand mongo zardiin be, ugaasaa ireh jilees nuursnii metan niiluulne gee biz dee getel importiin propan hiinii plitka taraaj bdag arai denduu yum aa

Avatar

ДЭМЖИЖ БАЙНА 2014-10-10 49.0.134.221

УТААГҮЙ ЗУУХ ГЭЖ ЕРТӨНЦӨД БАЙХГҮЙ ЮМ ЯРЬЖ ТЭНЭГТЭЖ БАЙХААР ЭНЭ ЧИНЬ ХАРИН ЗӨВ АЖИЛ БАЙНА ДАА

NewsMN Гар утасны хувилбар Татах
NEWS.mn

Мэдээллийн эх сурвалж