Хилээр нэвтрэхэд 18 секунд зарцуулна | News.MN

Хилээр нэвтрэхэд 18 секунд зарцуулна

Хуучирсан мэдээ: 2014.10.10-нд нийтлэгдсэн

Хилээр нэвтрэхэд 18 секунд зарцуулна

Иргэний харьяалал, шилжилт хөдөлгөөний ерөнхий газрын  санаачлагаар цахим гарц буюу автомат шалган нэвтрүүлэх төхөөрөмжтэй боллоо. Зорчигчдыг цахим гарцаар улсын хил нэвтрүүлэх нээлтийн ажиллагаа өнөөдөр “Чингис хаан” олон улсын нисэх онгоцны буудалд болж, цахим гарцаар анхны зорчигчийг хил нэвтрүүлсэн юм. Нээлтийн арга хэмжээнд Хууль зүйн дэд сайд Ц.Уугангэрэл, Иргэний харьяалал, шилжилт хөдөлгөөний ерөнхий газрын дарга Б.Пүрэвдорж, БНСУ-ын олон улсын хамтын ажиллагааны “Койка” байгууллага, төслийн гүйцэтгэгч Sysone компани болон албаны бусад төлөөлөл оролцлоо. Цахим гарцаар Монгол Улсад орох, гарах эрхийн хүчин төгөлдөр баримт бичиг бүхий Монгол Улсын болон гадаад улсын иргэнийг биеийн давхцахгүй өгөгдөл /хурууны хээ, нүүрний зураг/-ийн тоон мэдээллийг ашиглан улсын хил нэвтрүүлнэ. Зорчигч нь өөрийн хурууны хээ, цээж зураг, гадаад паспорт, иргэний үнэмлэх эсвэл оршин суух үнэмлэхний мэдээллийг урьдчилан бүртгүүлж уг гарцаар үйлчлүүлэх эрхтэй болох аж. Ингэснээр нэг хүн дунджаар 14-18 секундын дотор хилээр нэвтрэх боломжтой болно. Энэ үеэр харьяалал, шилжилт хөдөлгөөний ерөнхий газрын дарга Б.Пүрэвдоржоос  зарим асуултад хариулт авлаа.

-Аюулгүй байдлыг хэрхэн хангасан бэ?

-Энэ программ одоохондоо хязгаарлагдмал хүрээнд ажиллана. Ирэх оны нэгдүгээр сарын 1-нээс э-иммигрэйшн төсөл хэрэгжиж эхэлснээр Монгол Улсын иргэн урьдчилсан бүртгэл  хийлгэлгүй шууд нэвтрэх нөхцөл бүрдэнэ. Хязгаарлагдмал хүрээнд ажиллах хугацаанд тухайн иргэн нэг минут орчмыг өөрийн нүүрний  зураг, хурууны хээн мэдээллийг өгөөд 15 секундын дараа нэвтэрна. Хурууны хээний тоон хэлбэрт шилжсэн мэдээллийг өөр зориулалтаар ашиглах боломжгүй, мэдээллийн санд тухайн зорчигчийн хурууны хээний зурган мэдээлэл хадгалагддаггүй  учраас  аюулгүй байдал бүрэн хангагдана. Цахим гарцаар зорчиж байгаа иргэн өөрийнхөө  сонголтоор аль ч хэлбэрээр хилээр нэвтэрч болно.

-Хэдий хэмжээний хөрөнгө зарцуулсан бэ. Цаашдаа хилийн боомтуудад цахим гарц нэвтрүүлэх ажилд хөрөнгийн эх үүсвэрийг яаж шийдэх вэ?

-Орох, гарах дөрвөн гарцыг БНСУ-ын олон улсын хамтын ажиллагааны “Койка” байгууллагын буцалтгүй тусламжаар 900 сая төгрөгийн хөрөнгө  зарцуулсан. Цаашдаа улсын төсөвт дарамт учруулахгүйгээр Шивээ хүрэн, Бичигт, Баянхошууны  боомтуудад жолооч нар хурууны хээгээр хил нэвтрэх төхөөрөмжийг  суурилуулна. Ингэхдээ орон нутагт үйл ажиллагаа явуулж байгаа томоохон компаниудтай хамтран энэ ажлыг хийнэ.

-Иргэний  хурууны хээний мэдээлэл  танай санд  бүрэн ирсэн үү?

-2015 оны нэгдүгээр сарын 1-нээс э-иммигрэйшн программ ашиглалтад орно. Үүний дараа Монгол Улсын иргэн заавал бүртгүүлэхгүйгээр хурууны хээгээр хил нэвтрэх боломжтой. Бид УБЕГ-ын мэдээллийн сангаас  хурууны хээний мэдээллийг татна. 

Монгол Улсын хэмжээнд энэ оны эхний  есөн сарын байдлаар гурван сая, 200 мянга  орчим гадаад дотоодын иргэн 1.5 сая орчим тээврийн хэрэгсэл хилээр нэвтэрсэн байна.

С.ОТГОН

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2014-10-10 150.129.140.197

mongolchuudyn medeelelyn sang automataar solongost ogchiloo shuudee.undesny ayulgui baidal talaasaa bodson mash tom aldaa gargaj b.a gej bodoj b.a jishee n uls toryn togtvorgui baidald shuud noloolno gesen ug.

Avatar

Sry 2014-10-10 77.95.231.11

//ZariinSan.com

Avatar

АНХААР 2014-10-10 103.9.90.231

Төрөл бүрийн вирусын халдвар тархаж улс орнууд хилээр нэвтэрч байгаа хүмүүсийн эрүүл мэндийн байдалд үзлэг хийж байхад манайх хүмүүсийг аль болох хурдан оруулна л гээд байх юм. Зөв үү? Түүнчлэн гадаадын иргэдийг ингэж нэвтрүүлж болно гэж үү? Бидний даган дуурайх дуртай АНУ гэх мэт орнууд яагаад ийм байдлаар хүмүүсийг оруулдаггүй юм бэ? Бодох асуудал биш үү?

Avatar

Зочин 2014-10-10 202.72.245.150

solongos oopoo ingej gadaad dotoodiin bvh hvmvvsee burtgej awdagshdee ene 21r zuund zow asuudal shvv dandaa muugaar bitgii bodoj bgach

Avatar

shal demii zuil 2014-10-10 76.21.141.153

oor zuil horongoo oruulaachee. eniig manaih oorchilloo geed mongolchuud yu hojih geed bainaa. zorchigchidiig irehed shataar chemodantai yavuuldag uls manaihaas oor baina uu? tuuniigee ehleed zasmaarsan

Avatar

ayulgui baid***** 2014-10-10 127.0.0.1

ayulgui baidal gej ene buh hadgalsan medeelel nuutsaar solongos ruu ursah uguig l asuugaad bna. hariulj bgaa n taarch dee. solongost bidnii buh medeelel omnodiin gart orno gesen ug.

Avatar

bbb 2014-10-10 203.169.48.12

tamgaa yaj darah uu?

Avatar

Өвгөн 2014-10-10 150.129.140.63

За да нүүрний байдалч нэг их оновчтой эд биш байх хүний эүүрэнд юуч болж мэднэ. Хавдах,хөхрөх,шарх сорвь гээд л юу эс билээ. Харина 10 хурууны хээнэ байвал 2 гарнь тасраагүй л бол асуудал өөр. Гэхдээ зөв л зүйл юм шүү.

Avatar

Зочин 2014-10-10 153.142.230.3

Gaalin neg muu ***** nadad ih tomorch bilee bandi

NewsMN Гар утасны хувилбар Татах
NEWS.mn

Мэдээллийн эх сурвалж