Гадаад харилцааны ажилтнуудын сургалт амжилттай өндөрлөв | News.MN

Гадаад харилцааны ажилтнуудын сургалт амжилттай өндөрлөв

Хуучирсан мэдээ: 2014.10.10-нд нийтлэгдсэн

Гадаад харилцааны ажилтнуудын сургалт амжилттай өндөрлөв

Гадаад харилцааны яаман дээр 10 дугаар сарын 6-нд эхэлсэн аймаг болон нийслэлийн дүүргүүдийн гадаад харилцааны асуудал эрхэлсэн ажилтнуудын нэгдсэн сургалт Дорноговь аймгийн Замын-Үүд суманд үргэлжлэв.

Сургалтын үеэр Гадаад бодлогын нэгдсэн зохицуулалтын судалгааны төвийн захирал, Тусгай үүрэг гүйцэтгэгч элчин сайд Л.Галбадрах “Гадаад харилцааны тухай хуулийн төсөл, гадаад бодлогын нэгдсэн зохицуулалтыг хангах хүрээнд төрийн захиргааны төв, нутгийн захиргааны байгууллагын хамтын ажиллагаа”, ахмад дипломатч Л.Дашпүрэв   “Дипломат ёс зүй”,  Дипломатын академийн Ерөнхий менежер Л.Баттулга  “Хөрш орнуудтай хөгжүүлж буй харилцаа, хамтын ажиллагаа”, ахмад дипломатч Н.Нямжав “Консулын үйл ажиллагаа” болон “Төрийн дипломат ёслолын практик зарим асуудал”, Дорноговь аймгийн Засаг дарга П.Ганхуяг “Дорноговь аймгийн гадаад хамтын ажиллагаа, Сайншандын аж үйлдвэрийн цогцолборын тухай” зэрэг сэдвээр лекц уншиж оролцогчдын асуултанд дэлгэрэнгүй хариулт өглөө.

ГХЯ-наас жил бүр зохион байгуулдаг сургалт энэ удаа 3 хоног үргэлжилсэн бөгөөд сургалтыг Дорноговь аймгийн Засаг даргын тамгын газартай хамтран зохион байгуулсан юм.Танхимын сургалтаас гадна Дорноговь аймаг болон БНХАУ-ын Эрээн хотын гадаад харилцаа, хамтын ажиллагаатай газар дээр нь танилцах, туршлага судлах боломжийг олгосноороо өмнөх сургалтуудаас онцлог, илүү үр дүнтэй боллоо гэж сургалтад оролцсон нийслэл, орон нутгийн  гадаад харилцааны ажилтнууд санал нэгтэй дүгнэж байна.

Эх сурвалж: mfa.gov.mn

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Uilzluulegch irgen 2014-10-10 127.0.0.1

Manai gaaliikhan chini ene uls eh ornii mini nuur zaraig hamgiin turuun haruulakh humuus. Zamiin -uudiin gaaliar hed hed orj garch uzsen tuhain yedee ch yu taalagahgui bgaag gazar deer ni helj ooriigoo l baahan nervtuulsen.hamgiin gol hajuu hyatadiikhnaasaa ch gesen suraasai bilee Dee orohod sain bna uu garaad yavahad bayarlalaa bayartai gej ugtan uddeg.getel manai gaaliikhan mantaital omkhii yum unertsen yum shig yantaisan yarvagar zantai mend us ch GUI harvaas hachin zaraitai zaanaasaa iljirch bui humuus suuj bh yum.tedniigee tegeed ene surgaltandaa yaj dor haj zuv bolovson harihad talaar surgaj shalgaj bhaar yum.

Avatar

Зочин 2014-10-10 150.129.142.21

юун сүржин гарчиг өгдөг юм бэ? хоёр хоногийн сургалт ямарч нөхцөлд өндөрлөнө шүү дээ. Ямар хоёр улсын төрийн тэргүүнүүд уулзаж хэл амаа ололцох гэж байсан байсан үед л ийм сүржин гарчиг өгдөг юм.

NewsMN Гар утасны хувилбар Татах
NEWS.mn

Мэдээллийн эх сурвалж