“Хэрэг хийж болно гэх мессеж” | News.MN

“Хэрэг хийж болно гэх мессеж”

Хуучирсан мэдээ: 2014.10.10-нд нийтлэгдсэн

“Хэрэг хийж болно гэх мессеж”

Өнгөрөгч долоо хоногт  Монголын залуучуудын холбоо,  ШШГЕГ, “Нарантээл” ХХК-ийннхан хорих ангиудад хүмүүжигчдэд ном уншуулж, ялын хоногоос хасуулах “Номоор нээе” төсөл хэрэгжүүлэхээр болсноо зарласан. Төсөл санаачлагчдын зүгээс  хүмүүжигчдийг  ном уншуулж, шагналын хоног тооцох нь  ялаа эдлээд нийгэмд гарсны дараа дахин давтан хэрэг үйлдэхгүй байхад эерэг нөлөө үзүүлнэ гэж  үзэж байгаа. Мэдээж ном уншуулах нь олон талын ач холбогдолтой. Гэхдээ  хүнд, хөнгөн ямар ч хэрэг хийсэн ном уншаад ялын хоногоосоо хасуулна гэж олон нийтэд мэдээлэх нь “хэрэг хийж болох юм байна, ном уншиж байгаад гараад ирэх юм байна” гэх мессеж  өгөхвий. ШШГЕГ-ын албаны хүний ярьж буйгаар хорих ангийн номын санг шинэчлэх, шинэ төрлийн мэдлэг, мэдээлэл өгөхүйц номоор хангах  зайлшгүй шаардлага байгааг дурдав. Үнэхээр  тийм шаардлага байгаа юу гэвэл байгаа. Гэхдээ энэ нь  шууд ялын хоногоос хасах нөхцөл  болох нь учир дутагдалтай. Хүнийг онц хэрцгийгээр санаатай  хөнөөсөн, бага насны хүүхэд хүчирхийлсэн, удаа дараа онц хэрцгий гэмт хэрэг үйлдсэн этгээдүүд ном уншаад  л засарч, гэгээрнэ гэжүү.  Хэрэг хийж болно, хэрэг хийсэн ч  ном уншаад ялаа хасуулчихна гэх  буруу хандлагыг өсвөр, залуу үед  өгч байна. Шоронд ял эдлэгсэд олноороо суллагдах нь гэх айдас  хүйдэс нийгэмд  төрүүлж байна. Төсөл санаачлагчид үүнийг  бодолцож үзсэн  үү. Одоогийн байдлаар улсын хэмжээнд 6400 орчим хүмүүжигч хорих ангиудад хүмүүждэг. Тэдний 89.98 хувь нь бичиг үсэг тайлагдсан гэхээр 5800 орчим хүмүүжигч төслийн хүрээнд ном уншаад ялын хоногоосоо хасуулах боломжтой. Тухайлбал, нэг ном уншаад  шагналын таван хоног нэмэгдэх буюу ингэснээр  сард хоёр  ном уншсан хүмүүжигч  эдлэх ялаасаа 10 хоногийг хасуулна. Жилд дээд тал нь 12 ном буюу 48 хоногийг хасч тооцуулах бололцоог ялтнуудад олгосон байна. Бага тоо мэт харагдавч цөөн жилийн хоригдох ялтай хүмүүст эдлэх ялынхаа 50 хувийг хүртэл хасуулах боломж бүрдэна. Түүнчлэн ном уншсан  байдлыг шалгахдаа тест боловсруулж шалгалт авна гэж мэдээлсэн. Мэдээж хорих ангиуд дотоод журмаараа зохицуулах  байх. Гэвч шударга байж чадах нь бас  л эргэлзээтэй. Мөнгөтэй, танил талтай бол шоронд өөрийн гэр шигээ тухалдаг гэх шүүмжлэл байсаар л байна шүү дээ.

Нөгөө талаас хэдэн тэрбумаар нь халаасалчихаад  хоёр гурван жилийн хорих ял сонссон цагаан захтнуудад ял завших боломж олгохвий.  Тэдний хувьд ном унших нь хэцүү зүйл биш. Хадгаламж  эзэмшигчдэд 14 тэрбумын хохирол учруулсан Д.Чимэдцэрэн 10 жилийн хорих ялыг чанга дэглэмтэй хорих ангид эдлэх байсан ч  таван жилийг  нь биеэр эдлээд суллагдсан түүх бий. Түүнийг хорих ангийн номын санчаар ажиллуулж “ялтан хөдөлмөр эрхэлбэл эдлэх ялын хугацаанаас шагналын хоног хасах тухай” заалтын дагуу улиралд 30 хоног буюу жилд дөрвөн сарыг хасуулан тооцуулж, Өршөөл үзүү­лэх тухай хуулийн хүрээнд гурван жилийг нь хасуулснаар сулласан байдаг. Тэгэхээр хөдөлмөр эрхэлсэн,  сайн хүмүүжсэн, өршөөгдсөн, дээрээс нь ном уншсан  үндэслэлүүдээр авлига, албан тушаалын хэргээр бусдад онц их хэмжээний хохирол учруулсан цагаан захтнууд ар араасаа суллагдах нь.

Бас нэг  сануулахаас өөр аргагүй зүйл бол  төсөл нэрээр хэсэг бүлэг бизнесээ цэцэглүүлж байгаа юм биш биз гэх хардлага. Зөвхөн өнгөрсөн жил  Хууль зүйн сайдын санаачлагаар хорих ангиудын номын санд шинэ ном  худалдан авахад 10 сая төгрөг зарцуулсан гэх. Одоо ном уншиж ялын хоногоос хасуулах төслийн хүрээнд бүх хорих ангийг заавал унших номын жагсаалтад багтсан  номоор хангана гэхээр багагүй хөрөнгө шаардагдах нь дамжиггүй. Үүнд хэн, ямар хяналт тавих вэ?

Хамгийн ноцтой нь  ямар хуульд нийцүүлэн ном уншсан хүмүүжигчдэд шагналын хоног тооцох талаар албаныхан нэг ч үг хэлээгүй.  Ном уншсан хүмүүжигчид шагналын хоног тооцно гэх  заалт чухам ямар хуульд  байна вэ?

С.ОТГОН

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-10 202.21.106.109

ene odoo tv-r shoron reklamdahaa bolioch ee… uzej bgaa uchir medehgui huuhduud shoron shoron geed baisan huuhdiin zuslan shig ym bna gej hoorondoo yarihiig sonsloo….arai denduu bna shuu hereg hiisen hun buun hunii erh yaridag harin hohirogch hohirood ulddeg togtoltsoo hezee arilah vee

Avatar

Зочин 2014-10-10 103.229.121.132

Монголд хохирогчийн эрх ашгийг огт бодохгүй, хэрэгтнийг л элдэв хөнгөлөлтөөр хангах, урамшуулах юм ярьдаг нь төрөөс ард түмнээ хамгаалах үзэл санаанд харшилдаг.

Avatar

Зочин 2014-10-10 103.229.122.94

Uls n ULS SHIG, ETSEG EH n ETSEG eh SHIG BAIWAL IIM ZUIL BOLLOO yu? HUUHDUUD HOHIROOL YWJ BAIHAD SETGUULCH N HURTEL DEERELHEH BOLOLTOI YUMAA GUILGACHIN CHIN.

Avatar

зочин 2014-10-10 182.160.42.3

Бусдийг хохироосон яалтан гэмтнүүд байнга тансаглаал ТВ-гээр гайхуулаал байх юм аа.Эгэл номхон ардын хүүхдүүд бол ноорхой хувцастай,ном дэвтр нь хүрэлцэхгүй, өдөрт хоёр идэхгүй бор хоногтоо ганц аяга гурилтай шөлөөр амь зогоож байдаг шүү дээ.

Avatar

zochin 2014-10-10 202.5.205.16

юу ч гэхэв дээ сэтгүүлч нэртэй Отгон гуай. Нийгэмд чи өөрөө зөв мессеж өгөөч. Аль болох гэгээрүүлэх, сайн сайхан зүйлийг хийж эхлэхээр дандаа өөрсдийнхөө дотор шиг хар хөө болгож бичнэ. ЧИ ӨӨРӨӨ НИЙГЭМД ЗӨВ МЕССЕЖ ӨГ!!!!!!!!!!

Avatar

tba 2014-10-10 202.21.100.114

Yamar novshiin yum yaridag, umhii amtai setguulch ner zuusen ***** ve ene.

Avatar

Зочин 2014-10-10 202.179.20.222

Сэтгүүлчийг дэмжиж байна. Манай улс хуулиасаа давсан элдэв зүйл хийдгээ болих хэрэгтэй. Хэн нэгэнд таалагдахын тулд биш, гагцхүү хуулиндаа захирагдаж ажиллаж, амьдрах л чухал. Номыг харин заавал уншуулахаар цагийн хуваарьт нь оруулсан бол зөв гэж бодож байна.

Avatar

njuty 2014-10-10 202.179.10.150

Ном уншсан хоригдлын эдлэх ялнаас хоног хасах тухай заалт ямарч хуулинд байхгүй,энэ бол дураараа аашлагч,нэр төр хөөцөлдөгч,хэн нэгэндээ ял завшуулахаар хуулийн цоорхойг ашиглаж байгаа,эрх мэдлээ хэтрүүлэн ашиглагч үл бүтэх этгээдүүдийн хийж байгаа ажил,бодлогогүй шинэчлэл гэж хашгирагчдын ажил ийм л юманд хүргэнэ.

Avatar

Зочин 2014-10-10 150.129.142.191

ном уншдаггүй байсан болоод хэрэг хийдэг гэсэн үг үү? зөв бичжээ. хүүхдүүдээ санаа зовох юм

Avatar

Зочин 2014-10-10 150.129.142.191

харин зөв бичсэн байна. би айдасгүй нийгэмд амьдармаар байна

Avatar

Зочин 2014-10-10 103.229.122.94

AILGAAD BAIGAA n heden JOOHON Huuhed bailaa yu? HUTSAACH! TSAANA CHIN ULS ORNII EDIIN ZASAG, TOGTWORTOI BAIDAL HEDEN NOWSHNUUDIIN SHUNALD YWJ BAIHAD, ARDIIN HUUHDUUD SHOROND SUUJ BNA ZA! HYATAD, YAPON, OROS BAIGAA BUGD N TSULMUJ BAIHAD HUTSAHIIN OROND GARAAD SAIN ZUIL HIIJ, GERTEE OROOD SAIN GEREE ZASAHAA BOD CHI UURUU.

Avatar

mn 2014-10-10 127.0.0.1

teneg yum bodoj oloh yum zugeer l nom unshih ni cholootei l bn biz unshilaa geed yal ni hasagdaad baihdaa yahvdee tegvel engiin ard bas nom unshsan geed shagnal avmaar yum gemt hereg hiij niigem hor tarina deerees ni tatvar tologchdiin mongoor tejeelgene tegeed zugeer yum unshlaa geed yal ni hongorno orshoono arai chdee tatvar tologchdoo ingej harj uzeech tgevel uls oron hurdan hogjih bol

Avatar

Иргэн 2014-10-10 202.131.242.238

сэтгүүлч буруу бичир байна. ийм тэнэг юм бичихээ боль

Avatar

Зочин 2014-10-10 202.179.11.42

Нэмээд хэлэхэд, өнөөдөр алдаж эндээд шоронд байгаа хүмүүс насаараа тэнд байхгүй. Хэд хоногийн дараа, хэдэн сарын дараа, хэдэн жилийн дараа тэгээд л гараад ирнэ. Тэнд тусдаа хүмүүс байдаг гэж битгий андуураад байгаарай. Тэнд хэн ч байж болно. Тэнд ээж аавын хүүхэд, айлын хань, хүүхдийн эцэг хүмүүс байдаг юм. Тэртэй тэргүй эрх чөлөөгөө хасуулаад байж байгаа хүмүүс. Тэгэхэд дээр нь бас яаж тамлаасай гэж чи хүсээд байгаа юм бэ Отгон!! Тэр хүмүүс тэнд байхдаа бага ч атугай нийгэмшээд, зан нь эвдрэлгүй гарч ирээсэй гэж хэн ч хүсэхгүй юу. Эсвэл бүр муу юм сурчихсан, зэвүүн болчихсон эвдэрчихсэн байвал хэнд хэрэгтэй. Нийгэмд тийм хүмүүс юу хийх вэ? Гарч ирэхээр нь буцаагаад л шоронд хийх үү? Үүнийг бас чи хүсээ юу?!

Avatar

Зочин 2014-10-10 202.179.11.42

Ямар тэнэг юм бичдэг сэтгүүлч вэ. Угаасаа засрал хүмүүжил авбал ялыг тэдний тэдэн хувиар хөнгөлнө гэж одоогийн Эрүүгийн хуулинд ч байдаг юм сэтгүүлчээ. Хугацаанаас өмнө суллагдах юм чинь гэж бодоод хэрэг хийдэг тэнэг хүн байдаг юм уу? Эсвэл өөрөө тэгж бодоод хорхой чинь хүрээд байна уу? Хэдэн жил битгий хэл хэд хоног ч шоронд хэцүү байдаг юм. Өөрөө баривчилгаанд ганц сар сууж үзчихээд олон юм ярь даа.

Avatar

Zochin 2014-10-10 112.72.11.118

Yhaaral ogoh yyliin yr gegeerel,sanah,sereh hvmvvnii hybi tavilan,ymar ychraas hvn torliig losing ni oilgyylah nom l ynshyylj bval 59% ni gsn yyhaarna shde.hvn medehgvi yumnihaa l daisan ni bolj bdag.yhaarch chadaagvi aldaj endsen hvmvvs zondoo l bga.bid l garaa syngahgvi bol tysgaarlaad hden jil ch bolsn araatan gd hayad Yu deerdeh?

NewsMN Гар утасны хувилбар Татах
NEWS.mn

Мэдээллийн эх сурвалж