Ерөнхийлөгч нам, эвслийн бүлгийн дарга нартай уулзав | News.MN

Ерөнхийлөгч нам, эвслийн бүлгийн дарга нартай уулзав

Хуучирсан мэдээ: 2014.10.08-нд нийтлэгдсэн

Ерөнхийлөгч нам, эвслийн бүлгийн дарга нартай уулзав

Монгол Улсын Ерөнхийлөгч шинэ сайд нар томилох асуудлаар УИХ дахь нам, эвслийн бүлгийн дарга нартай уулзав

Монгол Улсын Ерөнхийлөгч Ц.Элбэгдорж шинэ сайд нар томилох болон УИХ-ын намрын чуулганы үеэр голлон анхаарах зарим асуудлаар УИХ дахь нам, эвслийн бүлгийн дарга нартай өнөөдөр уулзаж чиглэл өгөв. Уулзалтад УИХ дахь Ардчилсан намын бүлгийн дарга Д.Эрдэнэбат, МАН-ын бүлгийн дарга С.Бямбацогт, МАХН-МҮАН-ын “Шударга ёс” эвслийн бүлгийн дарга Н.Батцэрэг нар оролцов.

УИХ-ын гишүүнийг Засгийн газрын гишүүнээр давхар томилдог явдлыг зогсоох хэрэгтэй. Ганцхан Ерөнхий сайд УИХ-ын гишүүн байна

Монгол Улсын Ерөнхийлөгч уулзалтын үеэр хоёр бүлэг зүйлийг онцолсон юм. Нэгд, Засгийн газрын шинээр томилуулахаар оруулж ирэх сайд нар УИХ-ын гишүүн биш байх тухай байр сууриа илэрхийлэх хэрэгтэй гэсэн чиглэл өгөв. Монгол Улсын Ерөнхийлөгч хэлэхдээ “Энэ талаар УИХ дахь МАН-ын бүлгийн байр суурь тодорхой байгаа гэж бүлгийн дарга С.Бямбацогт сая хэллээ. Засгийн газрын бүтцийн тухай хуулийг харахад долоон сайд өөрчлөгдөж, дөрвөн сайдыг шинээр томилох тухай асуудал яригдах юм байна. Хариуцлагатай холбоотой асуудал, бие биедээ хяналт тавих боломжийг бид нар энэ цаг мөчөөс эхэлж бүрдүүлэх хэрэгтэй. Энэ цаг мөчөөс эхлэн УИХ-ын гишүүнийг Засгийн газрын гишүүнээр давхар томилдог явдлыг зогсоох хэрэгтэй.

УИХ дээр яригдаж байгаа үндсэн чиг үүргийн яамдыг УИХ-ын гишүүн толгойлж болно гэсэн асуудлыг би тийм байх шаардлагагүй гэж  үзэж байгаа. Миний оруулах хууль бол Засгийн газрын гишүүн болгон УИХ-ын гишүүн байх шаардлагагүй, энэ хоёр ажлыг хавсарч болохгүй гэсэн байр суурьтайгаар оруулна. Ганцхан Ерөнхий сайд УИХ-ын гишүүн байна. Би ч Ерөнхий сайдаар өмнө нь ажиллаж байхдаа УИХ-ын гишүүн биш байсан. Тэгж ажиллаж болдог. Бид өмнө нь явж байсан нөхцөл байдлуудаа харж дүгнэж байгаад ерөнхий зарчим ярих ёстой.

Манай зарим дарга нар хэвлэлд өгсөн ярилцлагадаа “Байгаа хуулиараа явна. Түүгээрээ шийднэ” гэж байгаа. Бид одоо яг зарчмаа яриад энэ цаг мөчөөс эхэлж хэрэгжүүлээд явъя. Ийм боломж байгаа. Энд бүрэн хаалттай юм уу, огт болохгүй хуулиар хориглосон зүйл байхгүй. Бүлэг дээр хуулиудтай холбоотой мэдээллээ хийгээд Засгийн газрын шинээр томилогдох гишүүн УИХ-ын гишүүн биш байх талаар бүлгүүд өнөөдрийн дотор багтаж байр сууриа илэрхийлээч гэсэн ийм хүсэлтийг би тавьж байгаа юм. Та бүхэн бүлгүүдээ хуралдуулж энэ асуудлыг яриагүй нь яриад илэрхийлэх хэрэгтэй. Бүгдээрээ дахин дахин ярилцаад шийдье. Нэмж хэлэхэд шинээр томилогдох сайд нар УИХ-ын гишүүн биш байх тухай асуудлаар надад УИХ-ын дарга, Ерөнхий сайдтай ч ярьсан зүйл бий. Тийм учраас “Энэ бол Ерөнхий сайдын эрх мэдлийн асуудал. Орж ирэхээр нь ярья” гэсэн янз бүрийн өнгөлөн далдлалт хэрэггүй. Бүлгүүд үүн дээр албан ёсныхоо байр суурийг илэрхийлээрэй. Бүлгүүд байр сууриа илэрхийлээд, Ерөнхийлөгч энэ талаар ярьсан байхад Ерөнхий сайд ч шинээр оруулж ирэх Засгийн газрын гишүүдээ уг бодлогод нийцүүлж оруулж ирэх чиглэлд ажиллах боломжтой” гэлээ.

Ерөнхийлөгчийн зүгээс анхаарч байгаа хуулийн төслүүдийг танилцуулав

Монгол Улсын Ерөнхийлөгчийн хөндсөн хоёр дахь бүлэг асуудал нь энэ намрын чуулганы ач холбогдол болон Төрийн тэргүүний зүгээс анхаарч буй хуулийн төслүүдтэй холбоотой байв. Монгол Улсын Ерөнхийлөгч “Энэ удаагийн намрын чуулган бол олон чухал асуудал шийдэх маш их ач холбогдолтой чуулган. УИХ-ын үйл ажиллагаагаа талаасаа өнгөрч байна. Монгол Улсын Ерөнхийлөгчийн зүгээс анхаарч байгаа хуулиудаас та бүхэнд хэлье. Өргөн барьсан хуулийн төслүүдийн хувьд Төрийн аж ахуйн үйл ажиллагааг хязгаарлах тухай хуулийн төсөл гэж Ухаалаг төрийн тухай ярих үед гаргасан төслийг өнгөрсөн нэгдүгээр сард өргөн барьсан. Үүнийг хэлэлцэж баталж өгөх шаардлагатай байна. Нийтийн сонсголын тухай, Өрийн удирдлагын тухай, Баялгийн сангийн тухай зэрэг хуулийн төслийг өргөн бариад байна.

Энэ удаагийн чуулганаар Гэмт хэргийн тухай, Зөрчлийн тухай, Хууль сахиулагчийн эрх зүйн байдлын тухай, Гэмт хэрэг шүүхэд хянан шийдвэрлэх тухай зэрэг хуулийн төслүүдийг цаг гаргаж шийдвэрлэвэл зүгээр.

Өргөн барихад бэлэн болсон хуулиудын талаар бас мэдээлэл өгье. Төрийн сонгогдсон болон томилогдсон албан тушаалтны хариуцлагын тухай,Захиргааны ерөнхий хууль, Нийтийн зар мэдээний тухай, Төрийн буюу нийтийн албаны тухай зжэрэг хуулийн төслийг өргөн барих гэж байна.

Өргөн барих гэж байгаа хэд хэдэн хуулийн төсөл байна. Хүүхэд харах үйлчилгээний тухай хуулийн төсөл өргөн барихад бэлэн болсон. Иргэн харьяатын тухай хуулийн төсөл дээр ажиллаж байна. Өмчийн эрхийн тухай, Төрийн аж ахуйн үйл ажиллагааны тухай, Бараа, үйлчилгээ худалдан авалтын тухай, Улс төрийн намуудын тухай зэрэг хуулиудын төсөл эдгээрт багтаж байгаа.

Улс төрийн намуудын тухай хуулийн төсөл нь Улс төрийн намуудын тухай, Улс төрийн намын санхүүжилтийн тухай, Улс төрийн сангийн тухай гэсэн гурван багц хуулиас бүрдэж байгаа. Улстөржилт оруулахгүй тулд энэ багц хуулийг Ерөнхийлөгч өргөн барьсан нь дээр байх. Засгийн газрын тухай хуульд нэмэлт, өөрчлөлт оруулах тухай хуулийн төсөл нь УИХ-ын гишүүн, Засгийн газрын гишүүний үүрэгт ажлыг салгахтай холбоотой төсөл юм. Үүнийг УИХ батлаагүй. Тийм учраас үүнийг өргөн барихаар төлөвлөж байгаа” гэв.

Мөн гурван асуудлыг маш хурдан хэлэлцэж шийдэх хэрэгтэй гэсэн юм. Нэгдүгээрт, өргөн бариад байгаа Сонгуулийн тухай хуулийн төсөл. Мөн Хөгжлийн бодлого, зорилтын тухай хуулийн төсөл, үүнтэй уялдуулж Засгийн газрын бүтэц, бүрэлдэхүүний тухай хуулийн төслийг Ерөнхийлөгч, Засгийн газраас санал аваад өргөн баривал зүгээр. Эдгээр нь суурь хуулиуд байх юм гэв.

Намрын чуулганаар ирэх жилийн улсын нэгдсэн төсөв, Мөнгөний бодлогод хариуцлагатай хандаж шийдэхийг хүслээ.

Эх сурвалж: www.president.mn

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-08 202.179.7.194

АН аль хир ардчилалтай юм бэ гэдгийг л одоо харъя даа. Мөн Ерөнхийлөгч аль хир хүчтэй нэр хүндтэй юм бэ гэдгийг ч бас харъя. 2012 онд МАН-ын оруулж ирсэн бүтцийг Ерөнхийлөгч зөвшөөрөхгүй байхад заавар зөвөлгөөг нь авч л байсан даа. Алтанхуяг минь үгийг нь одоо л авахгүй бол буусан хойноо аавын хаалга татахдаа жил чинь л нэмэгдэнэ дээ.

Avatar

Зочин 2014-10-08 119.40.97.107

АН аль хир ардчилалтай юм бэ гэдгийг л одоо харъя даа. Мөн Ерөнхийлөгч аль хир хүчтэй нэр хүндтэй юм бэ гэдгийг ч бас харъя. 2012 онд МАН-ын оруулж ирсэн бүтцийг Ерөнхийлөгч зөвшөөрөхгүй байхад заавар зөвөлгөөг нь авч л байсан даа. Алтанхуяг минь үгийг нь одоо л авахгүй бол буусан хойноо аавын хаалга татахдаа жил чинь л нэмэгдэнэ дээ.

Avatar

Damdin 2014-10-08 88.100.35.81

Н.Алтанхуяг шиг нэр хүндгүй, чадваргүй Ерөнхий сайд байгаагүй юм шүү.

Avatar

Зочин 2014-10-08 103.229.122.34

Ард түиний Ерөнхийлөгч ийм л байх ёстой.Маш сайн байна.

Avatar

Зочин 2014-10-08 103.229.122.34

ok ok ok

Avatar

TER 2014-10-08 103.229.122.43

Elbegdorj, Maniin buunii nohoi

Avatar

Зочин 2014-10-08 27.123.214.110

Еронхийлогчийнхоо угийг сонсдог угуйг нь одоол нэг харьяадаа! ЗГ-т хууль уйлчилдэггуй болоод удаж байгаа ч ганц ч гэсэн биелуулэх байлгуйдээ. Ер нь бух сайд нарын ажлыг нэг мор дугнэж томилох хэрэгтйшдээ.

Avatar

bibi 2014-10-08 202.70.46.205

mundag shuu manai erunhiilugch.

Avatar

Zochin 2014-10-08 150.129.141.144

z**l chi muu ulavarchin Gansukh, Purevsuren, ganbaatar naryg said bolgoh geedzutgesnii herg baihgui shuu

Avatar

Khaipkhan 2014-10-08 150.129.141.144

Chi 2 udaa AN-yn umnees erunhii said, 2udaa erunhiilegch bolchood odoo namyn nuhuudiin esreg neg l shudarga zan gargaad namyg huvaahaa boildoo. Chamchig hogiin Hovdiin amtaniii umnees ichij bna. Chamaas bolood bid AN-ynhan hohiroh yosgui. Chi MAN-yn gishuunii unemelehhee avchihsan bish bizdee

Avatar

Zochin 2014-10-08 27.123.214.110

Altanhuyagaa chi iim l archaagui amitan baihgui uu! Ooroo bichsen baina. AN bol chi bish shuu! Bid hamtaaraa l temtssen. Harin chi ormiig ni husch baigaa! Hun chini neg ichih bulchirkhaatai baidag bizdee!

Avatar

ehk oronch 2014-10-08 150.129.141.46

Elbegdorjiin oroi odoo l neg tsoorch ehelj baih shig.

Avatar

Зочин 2014-10-08 180.149.78.26

SAIKHAN EVTEIGEER ASUUDLUUDAA SHIIDEEREI L GEJ ARD TUMEN CHINI KHUSCH BAIGAA SHUU!!!!!

Avatar

Zochin 2014-10-08 150.129.140.140

Davhardliig arilgah ni zov. Neg hund 2 ajil hariutsuulah buteemjiin huvid yamar baih ve!? neg hund neg ajil hariutsuulan hyanalt tavih ni hariutslagiig saijiruulah sain taltai. Said darga nartai hariutslaga tootsoh togtoltsooruu oroh heregtei…

Avatar

Судлаач 2014-10-08 180.235.181.224

Үйл ажиллагааны эрх тэгш байх ёстой онол бий.Бүх сайдууд дан дээлтэй байх ёстой.

Avatar

Зочин 2014-10-08 202.21.112.202

МАнН-ыхаан та нар наад 203цаар эхлэсэн IP-гаа соль л доо. Дүлийдээ найдаж унгараг гэгчээр наадах чинь танайд бүртгэлтэй IP.

Avatar

Зочин 2014-10-08 203.194.118.86

etseg xun snig xandsan bna

NewsMN Гар утасны хувилбар Татах
NEWS.mn

Мэдээллийн эх сурвалж