“Севол”-ын ахмадыг шүүх хурал эхэлжээ | News.MN

“Севол”-ын ахмадыг шүүх хурал эхэлжээ

Хуучирсан мэдээ: 2014.10.08-нд нийтлэгдсэн

“Севол”-ын ахмадыг шүүх хурал эхэлжээ

 

Өмнөд Солонгосын Жиндо арлын ойролцоо /IV.16/ осолдож живсэн “Севол” хөлөг онгоцны ахмад И Жун-сукийг шүүх хурал өнөөдөр /Х.8/ эхэлжээ. Ослын үед аврах ажиллагааны зааварчилгааг буруу өгсөн, хөлгөө түрүүлж орхисон гэх шалтгаанаар ахмад И Жун-сук болон багийн өөр гурван гишүүнийг хүн амины хэрэгт буруутгаж буй юм. Харин хөлөг онгоцны ослоос эсэн мэнд аврагдсан багийн бусад 11 гишүүнийг ажил үүрэгтээ хайхрамжгүй хандсан хэрэгт буруутгажээ. Шүүх хурлын үеэр 68 настай ахмад И Жун-сук “Би ноцтой гэмт хэрэг үйлдсэн. Намайг өршөөгөөрэй. Өмгөөлөгч бас бурхан надад хичнээн их тусалсан ч шоронгоос зугтаж чадахгүй гэдгээ ойлгож байна. Гэхдээ би миний хүүхдүүд, ач, зээ нарыг маань алуурчны гэрийнхэн гэж дуудахыг тэвчиж чадахгүй. Би хэзээ ч хүнийг алах санаатай зүйл хийгээгүй” гэж мэдэгджээ.

“Севол” хөлөгтэй холбогдох хэрэгтнүүдийн шүүх хурал ирэх арваннэгдүгээр сард эцэслэн шийдвэрлэгдэх аж.  

 

Хэргийг сануулбал, өнгөрөгч дөрөвдүгээр сарын 16-ны өдөр Өмнөд Солонгосын Чежү арлыг чиглэн хөвж явсан “Севол” гатлага онгоц даац хэтрүүлэн ачсан байснаас огцом эргэлт дээр тэнцвэрээ алдан хөмөрч, осолдсон юм. Хөлөг онгоцон дээр 475 зорчигч байснаас ердөө 170 гаруй хүнийг аварч чадсан юм. Харин онгоцтой хамт живсэн 304 зорчигчийн 10 цогцсыг олоогүй байгаа билээ.

Хөлөг онгоцны ослоос эсэнд мэнд аврагдсан хөлгийн ахмад И Жун-сук болон багийн бусад 15 гишүүн зорчигчдыг бүхээгнээсээ гарахгүй байхыг анхааруулсан хэрнээ өөрсдөө хөлгөө орхижээ. “Севол” хөлөгт Ансан хотын Данвон ахлах сургуулийн 350 гаруй сурагч, багш нар зорчиж явсан аж.

 

Үүний зэрэгцээ “Севол” хөлгийн ослын дараа далайн тээврийн компанийн эзэн Ю Бён- Ун болон гэр бүлийнхнийх нь олон гэмт үйлдэл илэрсэн юм. Юн Бён-Уныг баривчлахад  цагдаагийн газраас Өмнөд Солонгосын түүхэнд байгаагүй өргөн хүрээтэй эрэн сурвалжлах ажиллагааг зохион байгуулжээ. Гэвч түүний цогцосыг өнгөрсөн зургадугаар сард олсон бөгөөд үхлийн шалтгааныг нь тогтоож чадаагүй байна.

Эх сурвалж: Reuters

Б.АНХТУЯА

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2014-10-08 202.198.24.113

Энэ ахмадын зан бол жинхэнэ солонгос хүний зан байна. Солонгос хүн хүний мөс гэж мэдэхгүй, ёс суртахуун байхгүй, Солонгосын нийгэм тэр чигээрээ хуурамч жүжиглэлтээр дүүрсэн.

Avatar

MGL 2014-10-08 202.21.101.142

БНСУ-д хүний хөгжлөөсөө техник, эдийн засгийн хөгжил нь түрүүлчихсэн яваа гэдэг үнэн юм байна. Бид харин эдний дэргэд зөв явж байгаа юм байна аа.

Avatar

Зочин 2014-10-08 202.180.218.10

setguulch guai hudlaa aashaad baigaarai. usan dooroos 100gaad hunii tsogtsosiig n gargaad avchihsan odoo 8 hun suraggui oldohgui bga

Avatar

Mgl 2014-10-08 103.229.121.134

Ene hogiin solongoschuud,ongozoo hayad zugtan,temzeen uraldaand luivardaj hojno.hogiin adgiin novshnuud.

Avatar

mgl 2014-10-08 122.201.27.244

solongosuud inged ui olnooroo uheed baigaasai

Avatar

Зочин 2014-10-08 103.9.90.82

чи чинь юу яриад байна аа, арай ч дээ, энд чинь хүмүүс хүмүүс живж үхсэн, энгийн, гэм зэмгүй хүмүүс шүү дээ, ийм юм ярьдаг хүн бас байдгаа

NewsMN Гар утасны хувилбар Татах
NEWS.mn

Мэдээллийн эх сурвалж