Ажлын өдрийн эхлэлийг кофегүйгээр төсөөлж чаддаггүй эрхмүүдэд дуулгах таатай мэдээ байна. Та өөрийн хүссэн орцоор амттай сайхан кофе чанаж уухын тулд үнэтэй кофе чанагч авч, цахилгаанд залгаж ажиллуулах шаардлагагүй болжээ.

Minispresso нэртэй жижигхэн хэмжээтэй авсаархан халаасанд багтахуйц кофе чанагчийг бүтээжээ. Уг кофе чанагчийн давуу тал нь заавал цахилгааны эх үүсвэртэй холбогдох шаардлагагүй хүссэн газраа кофегоо чанаад уух боломжтой гэдэг нь юм байна.

Та хүссэн орцоо устайгаа хамт хийгээд ямар хэмийн халуунтай уухаа тохируулаад л болох юм байна. Уг кофе чанагчийг ирэх оны эхээр 39 ам.долларын үнэтэйгээр худалдаанд гаргах аж.

Т.АНУ