Амаржих газарт өнгөрүүлсэн 7 хоног | News.MN

Амаржих газарт өнгөрүүлсэн 7 хоног

Хуучирсан мэдээ: 2014.10.06-нд нийтлэгдсэн

Амаржих газарт өнгөрүүлсэн 7 хоног

Амаржих газар хүрэлцээгүй, эмч, сувилагчийн ачаалал хэт өндөр, төрөх эмнэлгүүдийн барилгын ажил удаашралтай байгаа талаар хангалттай ярьж, хэвлэл мэдээллээр ч улиг болтол бичлээ. Эхнэрээ, охиноо, бэрээ эсэн мэнд амаржуулах гэж ямархуу нөхцөл байдалтай нүүр тулж, хэрхэн даван туулдагийг нийслэлийн хэмжээн дэх гурван амаржих газар, ЭХЭМТ буюу хуучнаар Эх нялхсын хаалга, үүдийг сахиж үзсэн олон мянган уншигч надаар хэлүүлтгүй мэднэ. Энэ л олон ээж, тэдний гэр бүлийнхний адилаар Улсын клиникийн нэгдүгээр амаржих газарт долоо хоногийг өнгөрүүлсэн юм. Энэ хугацаанд төрөх эмнэлэг яаралтай шинээр барих, зэрэмдэглэж орхисон барилгуудаа дуусгах ямар их шаардлага, хэрэгцээ байгааг яс махандаа шингэтэл ойлгосон гэх үү дээ. Төрөх эмнэлэг хүрэлцэхгүй байна гэж хий хоосон шүүмжлэгсэд, улс төр хийгчид, барилгын ажлыг удаашруулж царцаасан эрхмүүд, хөрөнгө мөнгөнөөс нь зувчуулагсад  анхаарлаа хандуулаарай.

 

ЖЭЭТ-ийнхэн

Улсын клиникийн нэгдүгээр амаржих газар боловсон хүчин сайтай, хариуцлага өндөр гэж би хувьдаа үнэлдэг. Тийм ч учраас харьяаллаа шилжүүлэн байж энэ төрөх эмнэлэгт анхны үрээ төрүүлэхээр очсон юм. Тэнд нийслэлийн Сүхбаатар, Чингэлтэй, Хан-Уул  дүүргийн ээжүүд харьяалалтай. Тухайн үед Эх хүүхдийн эрүүл мэндийн төв буюу бидний нэрлэж заншсанаар Эх нялхас засвартай байсан учир Баянгол дүүргийн ээжүүдийг давхар хүлээн авч байлаа. Ганц эмнэлэгт нийслэлийн дөрвөн дүүрэг харьяалагддаг гэхээр ямархуу ачаалалтай ажилладаг нь ойлгомжтой. Одоо ч энэ байдал дээрдээгүй байх. Нэгдүгээр амаржих газар хүлээн авах, ЖЭЭТ буюу жирэмсэн эхчүүдийн эмгэгийн тасаг, төрсний дараах тасаг, нярайн эрчимт эмчилгээ, хагалгаа хийлгэсэн, хүндрэлтэй төрсөн ээжүүдийн гэсэн хэд хэдэн хэсгээс бүрддэг. Миний төрөх хугацаа хэтэрсэн учир  ЖЭЭТ-т хэвтлээ. Хувцас хэрэглэл, халуун савтай цайгаа дааж ядсан цүндгэр гэдэстэй дөрвөн ээж коридорын хуучирч элэгдсэн буйдан дээр “тухалсан” байв. Ачаалал ихтэй учир ЖЭЭТ-ийн ор бас л дуусчээ. Хоёр тор дүүрэн хэрэгтэй зүйлсээ чирсээр тэдний эгнээнд нэгдэхтэй зэрэгцээд жижүүрийн сувилагч “Өдрийн 10 мянган төгрөгийн төлбөртэй нэг ор байгаа. Орох ээж байна уу” гэв. Ор хүлээн коридорт төвхнөсөн таван ээжийн нэг нь ч төлбөртэй өрөөнд орсонгүй. Би ч мөн төлбөргүй өрөө сулрахыг хүлээхээр шийдлээ. Даралт нь ихэсч, бие нь тавгүйрхсэн ээжүүд ч тэвчээр заан хүйтэн коридорт дусал залгуулан, тариагаа тариулдаг юм билээ. Ийм нөхцөлд ажиллаад удаж байгаа эмч, сувилагч нар коридорын ээжүүдэд чадахаараа анхаарал тавина. Ингээд коридорт хонохын даваан дээр нэг ор гарч, миний ээлж ирлээ. Надаас хойно ирсэн арваад ээжид ор олдоогүй тул тэр шөнөдөө коридорт “амьдарсан” юм. Маргааш нь төлөвлөгөөт хагалгаанд орсон, шөнө өвдөж төрөх тасаг руу шилжсэн ээжүүдийн оронд тэд бүгд өрөөтэй боллоо. Ийм  дүр зураг бараг өдөр бүр үргэлжилнэ.

Энд надтай адил хугацаа нь хэтэрсэн, эсвэл даралт өндөр, хаван ихтэй зэрэг янз бүрийн шалтгаантай ээжүүд эмчлүүлдэг. Нэг өрөө 3-4 ортой. Харин төлбөртэй өрөөнд хоёр ор,  зурагт, хөргөгч сэлтийг  байрлуулсан байх. Ээжүүд өдөрт хэд хэдэн удаа ургийн зүрхний бичлэг хийлгэнэ. ЖЭЭТ-ийнхний дундын өмч хоёр ширхэг ургийн зүрхний бичлэгийн аппарат нь үе үе эвдэрчихдэг учир 30 минут, заримдаа 1-2 цаг хүлээж, дугаарлах нь энүүхэнд. Энэ зуур ээжүүд төрөх үе шат, төрөх эмнэлгийн нөхцөл байдал, хүүхдийн эрүүл мэндийн талаар яриа дэлгэнэ. Илүү тээлттэй ээжүүдэд хийх онцын эмчилгээ байхгүй. Ураг дэмжих тариа, эхо, ургийн зүрхний бичлэг. Өглөө оройдоо ургаа чагнуулж, даралтаа үзүүлэх.  ЖЭЭТ-ийнхний эмчилгээ ерөнхийдөө ийм. Ингээд л өвдөхөө хүлээнэ дээ. ЭХО-д үзүүлээд ус багассан, ус ногоорсон, ургийн зүрхний  цохилт цөөрч, хөдөлгөөн удааширсан байвал яаралтай арга хэмжээ авна. ЖЭЭТ-т зургаа хоноход өдөрт 10 гаруй ээж төлөвлөгөөт болон яаралтай кесарево хагалгаанд орж байсан нь сэтгэл эмзэглүүлж байлаа. Эгээтэй л мал нядалгаанд явуулж байгаа мэт бөөн бөөнөөр нь хагалгааны хэсэг рүү явуулна. Хэдийгээр ачаалал  ихтэй ч хариуцсан эмч нар ээж нэг бүрийг ЭХО-д үзэж, зөвлөгөө өгч байсан нь сайхан санагдав. Ер нь хүн бүр өөр өөрийн өмнөх ажилдаа хариуцлагатай хандаж байсныг хэлэх хэрэгтэй. Гэхдээ олон хүнтэй харилцаж, хүнд нөхцөлд ажиллахаар уурлаж уцаарлах, ширүүн харилцах тохиолдол гардаг л байх. Миний хувьд ийм байдлаар зургаа хоносны дараа сая нэг өвдөлт эхэлж, сувилагчдаа яаран сандран хэллээ. Гэтэл  жижүүр сувилагч өөдөөс  харснаа “Их өвдсөн царай биш байна. Тасагтаа хүлээж бай. Жижүүр эмчид үзүүлнэ” гэх нь тэр. Туршлагатай хүн гэсэндээ ээжүүдийн биеийн байдлыг царайнаас нь мэддэг болжээ. Үнэхээр ч үүнээс хойш арав гаруй цагийн дараа үр минь мэндэлсэн юм. Тэр өдөр хүү, охин нийлсэн 44 хүүхэд мэндэллээ. Бас л их ачаалал шүү. Ийм хүнд нөхцөлд ээжүүд амаржиж, эмч нар эх хүүхдийг  эсэн мэнд төрүүлэхийн төлөө ажилласаар л байна.

“Бушуухан эмнэлгээс гарах юмсан”

Элдэв хүндрэлгүй амаржсан ээжүүдийг асрагч нар тэргэнцэрт суулган лифтээр гурван давхрын төрсний дараах тасагт хүргэж өгнө. Тухайн өдрийн 13.30 цагт төрсөн миний хувьд бас л ор гарахыг хоёр цаг хүлээсний дараа төрсний дараах тасагт шилжсэн юм. Гурван давхрын 309 тоот палатад тухайн өдөр амаржсан гурван ээж сууж  байлаа. Бүгд анхны төрөгчид  болохоор хүүхдээ хөхүүлэх, өлгийдөхөөс эхлээд мэдэхгүй, чадахгүй зүйлтэй алхам тутамдаа таарч, сандарч тэвдэнэ. Ачаалал ихтэй учир нярайг угааж, нэг удаа өлгий даавууг нь солиход л сувилагч тусаллаа. Харин бусад үед сувилагч өрөөнд орж ирэхгүй, сурагласан ч олдох нь ховор. Эрчимт эмчилгээний тасгийн дутуу төрсөн болон хүнд өвчтэй нярайг асардаг учир тэдний ажил мундахгүй их. Амаржсан ээжүүдээ багтааж ядаж байгаа төрсний дараах тасаг ээжүүдийн ар гэрийнхнийг бүү хэл дадлагын оюутнуудыг ч нэвтрүүлэхгүй  байлаа. Хүйн халдвар зэрэг ноцтой аюулаас сэргийлснийх биз ээ. Олон цаг өвдөж, ядарч зүдэрсэн би хүүхдүүдийн  дуу шуугиан, агааржуулалт муутай бүгчим өрөөнд чихцэлдэн, тав тухгүй байгаадаа сэтгэл дундуур байв. Орой ч боллоо. Амаржсан ээжүүд тэргэнцэрээр түрүүлэн ар араасаа хөвөрсөөр л. “За төрөхийн өмнөх тасагт ч яахав коридорт хонуулдаг юм байж. Нялх биетэй ээжүүдийг арай ч хүйтэн коридорт суулгахгүй байлгүй дээ” гэж битүүхэндээ бодов. Гэтэл бүр эсрэгээрээ оройн 22.00 цагаас хойш төрсөн ээжүүд бараг бүгдээрээ коридорт хоносон байх. Умгар жижигхэн, бүгчим өрөөгөө голох ч хэрэггүй гэдгийг тэр үед ойлгосон юмдаг. Хаанаа ч багтаж шингээх газаргүй болохоор аргагүй эрхэнд л ингэж хонуулдаг юм байна лээ. Эмнэлэгт ч өөр арга байхгүй, ээжүүдэд ч өөр сонголт үгүй. Гагцхүү эсэн мэнд амаржсандаа л баярлаж, үг дуугүй нөхцөл байдалтайгаа эвлэрэх дэндүү өрөвдөлтэй дүр зураг одоо ч нүдний өмнө тодхон харагдаж байна. Ийм байдалд дуг нойрондоо дугжрах ээж нэг ч байхгүй. Өлсөж эсвэл халууцсандаа байдаг чадлаараа уйлах нялх үрээ тэвэрсээр л, бүүвэйлсээр л. Ийм байдалтай нэг хонолоо. Өвдөж эхлээд нэг шөнө, амаржсаны дараа хүүхдээ хөхүүлэх гэж ноцолдсоор бас нэг шөнө. Хоёр шөнө цурам хийсэнгүй, ядарч туйлдсан гэж жигтэйхэн. Бусад ээж ч мөн адил. Гэсэн ч өөрийгөө эхо-д үзүүлэх, хүүхдээ нярайн эмчид үзүүлэх, түнхний мултралыг шалгуулах, сорьцын шинжилгээ өгөх зэрэг мундахгүй  их ажил  угтдаг юм билээ. Хоёр, гурав, дөрвөн давхар луу хэдэн удаа гарч, бууж, хэдэн удаа нэг эмчийн үүдэнд эргэлдсэнээ санахгүй байна. Өлгийтэй үрээ тэвэрсэн ээжүүд яваад л байсан, яваад л байсан. Бас алхам тутамдаа асрагчаас эхлээд сувилагч, эмч нарын захирч, зандарсан ааш аягтай таарна. Тэр бүхэнд  номхон хүлцэнгүй байхгүй бол загнуулна, зэмлүүлнэ. Ингэж явсаар оройн 18.00 цагтай уралдан эмнэлгээс гарах нөхцөл бүрдлээ. Анхны үрээ тэвэрсэн ээж хань, аав ээжтэйгээ эмнэлгийн үүдэнд уулзах тэр мөчид бүх асуудлыг таг мартаж, эсэн мэнд төрүүлсэн эмч нартаа баярласан сэтгэлээс өөр юу ч үлдээгүй юмдаг. Бүх ээжид ийм мэдрэмж төрдөг байх. Амаржих газарт өнгөрүүлсэн адал явдалтай долоо хоног ингэж л өндөрлөсөн юм даа.

Хүний өмнөөс хүүхэд төрүүлсэн биш. Ээж болсон хүн бүрийн туулдаг зам гэж хэлэх хүн байж мэднэ. Тийм ээ, хүний өмнөөс хүүхэд төрүүлээгүй. Гэхдээ ээжүүд таатай орчин нөхцөлд амаржиж, асарч сувилуулах эрхтэй. Эмч, сувилагч, асрагчид ажлын тохиромжтой хуваариар ажиллаж, амьдральдаа хүрэлцэхүйц цалин хангамж авах эрхтэй. Энэ сурвалжлагаараа аль нэг амаржих газрыг муучлах гэсэнгүй. Гагцхүү өнөөдөр ийм л нөхцөлд эх, үрийг төрүүлж байгааг бага ч гэсэн ойлгуулахыг зорилоо. Бусад амаржих газруудад ч ялгаагүй, яг ийм нөхцөлд ээжүүд төрж байгаа шүү дээ. Гэтэл бид  “Монголын үрс маш олон болтугай” гэж хий хоосон  цээжээ дэлдсээр л  байх уу?

С.ОТГОНСҮРЭН

 

34 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-06 66.181.161.123

знэ төлбөр нь хэд байдаг юм бол

Avatar

erka 2014-10-06 182.160.1.216

bayrlalaa yh unen medeelel bna ter unen shu emch nar maana uneheer achaalaltai ajildag n haragdaj bna manaihan oorsdoo soeltoi haritsaj baih heregtei setgel maana ih hodolloo. 1-r emneleg sain shu harin ch toroh ue huleegeed dogdoloostoi l bna da

Avatar

Зочин 2014-10-06 112.72.11.105

хөдөө хотгүй л эмнэлэгийн ажилтангууд ачаал***** ихтэй байдаг хот бол ойлгомжтой нүсэр шүү дээ хүмүүс хөдөө ч гэсэн ер нь эмч эмнэлэгийн ажилтаны ажлыг ойлгохгүй эрүүл мэндээ бидэнд даатгачихдаг юмдаа дуудлага өгчихөөд яваад очихоор байхгүй эсвэл зүгээр унтаж байдаг гээд боддоо нэг л юм болвол эмнэлэг рүү дайрна эрүүл мэндийнхээ төлөө ердөө анхаардаггүй

Avatar

Зочин 2014-10-06 182.160.40.19

1-р төрөхөд ашиглахаар сул өрөө зөндөө байгаа. Даанч тэнд нь тавих ор энэ тэр нь байдаггүй юм гэсэн.

Avatar

Зочин 2014-10-06 202.5.202.120

Зөвөө зөв, аз болж 1-2 хоног л төрөхөд хонож байсан, 1-р төрөх ачаал***** ихтэй шүү. Эмч нарт талархах сэтгэл л үллдэг гэж онож хэлжээ

Avatar

Зочин 2014-10-06 202.72.247.249

ugaasa l iim achaalaltai bdag bi ch koridort honoh dohson shu kk ter urgiin zurhnii bichleg hiideg aprat n bain bain evderhii ni yana tom tom gedestei huuhnuud oocherlool huleegeel uneheer hetsuu amarjih gazar uneheer hureltsehgui bga n haragdaj bsan emlegt 2 honohod l bur ydarch tuildaad unahaa dohson bushuuhan gertee garahiin tuus boljoom chin

Avatar

Зочин 2014-10-06 150.129.143.102

bi JEET-d 3 torood 4 geed niit 7 honog emnelegt aimaar yadarsan 4 honog untaagui, keserov bolhoor sain hodolj chadahgui huuhdee huurailna hohuulne ged buh yumaa ooroo l hiine oyotoi hernee huuhdee tevreel deeshee dooshoo guij huuhdiin eho-d uzuuleh yagaan devter eneteree buren nohuulj avah geel hetsuu bsan shu

Avatar

bolor 2014-10-06 120.142.88.73

yg onoj bodoj yvdag zuilsiig min bichij.uneheer unen bi ch gsn 1r turuhud 2011 ond turj bsan teghed l bdal yg ene hunii bichsen shig bsan.anhnaasaa eruul mendiin togtoltsoo buruu.barilga baishin taatai nuhtsul l burduuleed ugvul turuh eejuud ch ih bn ajilgui emch nar ch ih bn ygd bga nuuts bolotsoogoo ashiglaj bolohgui bn ve eruusuu l eruul mendiin togtoltsoo l buruu gej boddog.bas emch nariin iim ih achaalaltai, noir hoolgui, uuriiguu soliosolson, buyntai ajliin huls hed bdag boldoo uneheer uruvdultei.tiim tsalin avchd setgeleesee huchee daichilj ajlaa hiij chadku l bolu ted ch gesen ar ger gej bga shuu dee

Avatar

Зочин 2014-10-06 202.131.226.86

дээд дарга нар ихэнхи нь төрдөггүй тэр дотор яс махандаа тултал зовлонг нь мэдэхгүй д мөн төрөх эмнэлэгийн удирдлагууд бодит байдлыг үзүүлэхээсээ илүү тэйгээр гоё болгож өөрөө сайн ажиллаж байгаа нэр авахын тулд ажилдаа хандаж байгаа зэрэгт их учир буйг анхаарна бизээ.

Avatar

zochin 2014-10-06 202.21.106.167

unuugiin mongolin dur turh ene shuude. eldew hognii uut ene ter gej hereggui hen negnii urd hurshiin biznesig demjij bhaar ene duureg bolgondoo neg neg turuh emnelegtei bolmoor yum arai ch de deedsuud mine

Avatar

Доогий 2014-10-06 103.229.123.198

ҮНЭН БИЧСЭН БАЙНА.ТӨРӨХ ЭМНЭЛЭГ ҮНЭХЭЭР АЧААЛАЛ ИХТЭЙ ЭНЭ НЬ ЭМЧ НАРЫН БУРУУ БИШ ШҮҮ ДЭЭ.ХЭТ ИХ АЧААЛАЛТАЙ БАЙХАД ДАНДАА САЙХАН ЗАНТАЙ ХҮН ИХ ХОВОР ТЭГТЭЛ ЭМЧ АЖИЛЧИД БОЛОМЖ БОЛОЛЦООГООРОО АЖИЛЛАЖ БАЙСАН. 1-Р ТӨРӨХИЙН ЭХ БАРИГЧ ЭМЧ МЯГМАРЦЭРЭН, ЛХАВГАЖАВ ЭМЧ НАРТ ҮНЭХЭЭР ИХ БАЯРЛАСАН.

Avatar

Зочин 2014-10-06 103.23.51.1

Эх нялхсын эмч сувилагч нарыг авилгын хэрэгт татан шалгаж, тэдний ёс зүйг анхаарах цаг болоод 10-аад жил өнгөрлөө

Avatar

Зочин 2014-10-06 103.23.51.1

Эх нялхсын эмч сувилагч нарыг авилгын хэрэгт татан шалгаж, тэдний ёс зүйг анхаарах цаг болоод 10-аад жил өнгөрлөө

Avatar

Зочин 2014-10-06 103.23.51.1

Эх нялхсын эмч сувилагч нарыг авилгын хэрэгт татан шалгаж, тэдний ёс зүйг анхаарах цаг болоод 10-аад жил өнгөрлөө

Avatar

chuhal sedev 2014-10-06 202.21.106.170

vneher chuhal sedviig hunduj engiin boditoi bichjee

Avatar

horlo 2014-10-06 202.179.11.98

harin time yag unen aimguudin turuhuud ch gesen unen hundreltei agaarjuulalt bhgui oroh garah haalga n salhi nevt uleene ubulduu huiten

Avatar

Hi 2014-10-06 150.129.143.57

1r turuh uneheer achaalaltai. End barag dutuu bichsen bna. Zogsoo zaigui, jiremsen eejuud irj daraallaa huleen koridort honon unjin huleej suudag. Huiten koridort 2 ch honoj bno.

Avatar

Eej 2014-10-06 150.129.142.132

Ene uneheer unen bichej ankhnii huuhdee toruulj byi eejiig anhaarch zovolgoo ogmoor yumaa bas ene olon yam beldej bhaas olon toroh emneleg beldeechee.

Avatar

eej 2014-10-06 127.0.0.1

Uneher uur ulsad turuud teriigee haritsuulval Mongol araichde l gen hugjij bui oron gen Mongol yu l bn Dan delguur "ter gazarnaas n turuh emneleg barij boldoggyi yumu

Avatar

zochin 2014-10-06 203.91.116.94

maliin hashaand ch ingej handdaggui. ezen ni tul bolgonoo ontsgoi haraandaa avdag. Neg ih udalgui daraagiin huuhdee baruunii orond ochij turuuleed haritsuulj bicheerei

Avatar

zochin2 2014-10-06 202.131.233.230

ene yag unen baidliig bichjee yag iim l baidag buh process ni unen shuu gehdee bi bid buhel khun turuulj baigaa ene bol ankh ch bai ahin ch bai buh emegteichuudig anhaaral tavij turuuleh ni hamgiin chuhal yum ba gedgiig uneheer oilgood garsan

Avatar

зочин 2014-10-06 112.72.13.146

Төрөх газарын бодит байдал хийгээд төрөхөөр ирэх эмэгтэй бүрт хэрэгтэй зүйл бичжээ. Төрөхүүдийн нэрийг солихоос өөр ажил хийхгүй байна шүү дээ. Төрөхөөс өмнө төрсөний дараа эмч сувилагч ямагт ойр байх нь зөв биздээ. Монголын үрс маш олон бологоо.

Avatar

Онгиуд 2014-10-06 202.21.100.138

"Тэр бүхэнд номхон хүлцэнгүй байхгүй бол загнуулна, зэмлүүлнэ. Ингэж явсаар оройн 18.00 цагтай уралдан эмнэлгээс гарах нөхцөл бүрдлээ. Анхны үрээ тэвэрсэн ээж хань, аав ээжтэйгээ эмнэлгийн үүдэнд уулзах тэр мөчид бүх асуудлыг таг мартаж, эсэн мэнд төрүүлсэн эмч нартаа баярласан сэтгэлээс өөр юу ч үлдээгүй юмдаг. Бүх ээжид ийм мэдрэмж төрдөг байх." Энэ хэсгийг уншаад нулимс гарах шахдаг байна ш дээ. Үнэхээр л ачаалалдаа дарагдаад ихэнхтэй нь эелдэг зөөлөн, намдуу харьцах аргагүй байдаг манай салбарын зовлонг ойлгож бичсэн танд баярлалаа. "Гэхдээ ээжүүд таатай орчин нөхцөлд амаржиж, асарч сувилуулах эрхтэй. Эмч, сувилагч, асрагчид ажлын тохиромжтой хуваариар ажиллаж, амьдральдаа хүрэлцэхүйц цалин хангамж авах эрхтэй" энэ үнэхээр үнэн үг шүү. Хэрэгтэй хүмүүс нь даанч олж харахгүй, тоож хийхгүй юм даа.

Avatar

Зочин 2014-10-06 202.70.42.102

end doli vserch nyalyyrsan yum yu ch alga harin ch boditoor ni bichsen bn

Avatar

Зочин 2014-10-06 150.129.142.147

Битгий ингэж доль үсэрч худлаа нялуурч байгаач бичиж байгаа бол үнэнийг нь олигтойхон бичээч худлаа доль үсрээд нялуураад байж гэнэ

Avatar

зочин 2014-10-06 202.131.247.23

доль үсэрсэн үг үсэг энэ нийтлэлээс хайгаад олсонгүй

Avatar

бас л анхлан төрөгч 2014-10-06 202.179.27.180

яг хаана нь доль үсэрсэн байгааг хэлээд өгөөч. Хайгаад олсонгүй сүрхий хүн гуай. Үнэн үгэнд хүн өштэй гэж худлаа өө хайхаа боливол таарна харин

Avatar

Зочин 2014-10-06 182.160.35.161

Доль үсэрсэн Алтанхуягийн бөгсийг долоогч, эмч нарын авдаг хахуулиар амьдрагчаа битгий ийм тэнэг коммент бич

Avatar

P 2014-10-06 127.0.0.1

150.129.142.* -giin ***** aa! **** shuu chamaig!!!

Avatar

gb 2014-10-06 202.131.226.243

Unen shuu. Ene tur zasag ni anhaaraasai bilee.

Avatar

irgen 2014-10-06 122.193.143.39

amarjih gazar gesnee dializiin emchilgee hiideg tasgiin zurgiig tawitsan bh ym

Avatar

Зочин 2014-10-06 119.40.97.119

Чамд зураг нь илүү чухал байна уув Зургийг нь үзээд мэдээгий нь уншихгүй өнгөрчихөөч хахаха

Avatar

Зочин 2014-10-06 150.129.141.31

Бэлгийн сулрал, нурууны өвчин, чихрийн шижин, зүрх судасны өвчин гэх мэт 30 орчим Монголчуудын түгээмэл тусдаг өвчнүүдийн талаар хамгийн сүүлийн үеийн мэдээг BBC Health News-ээс Англиар орчуулан нийтлэв: healthnewsmn.blogspot.com

Avatar

Зочин 2014-10-06 182.160.35.161

Наадах чинь 10 долларын төлбөртөй юм байна шүү дээ. 1-2 нүүр материал ийм үнэтэй байх гэж. Ингэж хүний зовлонгоор бизнес хийхээ болимоор юм.

NewsMN Гар утасны хувилбар Татах
NEWS.mn

Мэдээллийн эх сурвалж