Ном уншиж ялаа хасуулна | News.MN

Ном уншиж ялаа хасуулна

Хуучирсан мэдээ: 2014.10.06-нд нийтлэгдсэн

Монголын Залуучуудын Холбоо, Шүүхийн шийдвэр гүйцэтгэх ерөнхий газар, “Нарантээл” ХХК – тай хамтран "Номоор нээе" төсөл хэрэгжүүлэхээр болжээ. Хорих ангид хүмүүжигч ном уншиж шагналын хоног тооцуулах  ардчилсан, хүмүүнлэг, иргэний төсөл гэдгийг төсөл санаачлагчид онцолж байна. Өнөөдрийн байдлаар Монгол Улсын хэмжээнд 6000 гаруй  хүн ял эдэлж байна. Тэдний олонх нь  буюу 90 гаруй хувь нь бичиг үсгийн боловсролтой  залуучууд учир дээрх төсөл бодитой үр дүн өгнө гэж үзжээ. Одоогоор төслийн эхний үе  шат эхэлсэн бөгөөд хорих ангид хүмүүжигчдэд ямар төрлийн ном уншуулах, номыг сонгох, шагналын хоног бодох аргачлал гаргах ажил эхэлжээ. Шүүхийн шийдвэр гүйцэтгэх ерөнхий газрын холбогдох албаны хүний хэлснээр  хорих ангиудын номын санд 1000-3000 төрлийн ном байдаг ч ихэнх нь хуучны, үр өгөөж багатай ном эзэлдэг аж. Тиймээс хүмүүжигчдэд ахисан түвшний мэдлэг, мэдээлэл өгөхүйц номуудыг сонгохоор их сургуулиудын багш, эрдэмтэн судлаачдаас санал авахаар болжээ. Өнгөрөгч 2013 онд Хууль зүйн яамнаас 10 гаруй сая төгрөгөөр шинэ төрлийн ном худалдан авч хорих ангиудад хуваарилсан байна. Үүний дараа  хуучны уран зохиол сэлтээс илүү шинээр гарч ирсэн номыг хүмүүжигчид шимтэн уншиж байгаа нь анзаарагджээ. Тэр ч бүү хэл шинэ төрлийн ном унших урт дараалал хорих ангиудын номын санд үүсээд байгаа аж. Энэ нь хүмүүжигчдэд ном унших хүсэл сонирхол, хэрэгцээ  шаардлага  маш их   байгааг харуулж байна гэж  гэж төсөл санаачлагчид хэллээ. Төслийн эхний  шатанд номын нэрсийг гаргах, шалгалтын тест боловсруулах, хандив цуглуулах ажил  хийгдэх юм байна. Харин ирэх арваннэгдүгээр сард номын нэрсийн жагсаалт, шалгалтын тестийг ШШГЕГ-т  хүлээлгэн өгөх юм байна. Эхний ээлжинд  насанд хүрээгүйчүүдийн хорих 411-р анги, насанд хүрэгчдийн  чанга дэглэмтэй 425-р хорих ангиудад туршилтын журмаар ирэх арванхоёрдугаар сарээс хэрэгжиж эхлэх аж. Ингээд ирэх оноос эхлэн хүмүүжигчид шагналын хоногоо тооцуулах боломжтой болох юм байна. Хамгийн гол нь ямар төрлийн гэмт хэрэг хийснээс үл хамааран бүх хүмүүүжигч “Номоор нээе” төслийн хүрээнд ялын хоногоосоо хасуулах эрхтэй юм.

С.ОТГОН

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

asd 2014-10-06 119.40.97.124

Ene dood taliin ***** yasan hogiin bdoltoi gar ve ene tusul uneheer saihan heregjuulmeer sonsogdoj baina amjil husey

Avatar

zochin 2014-10-06 183.81.169.22

nasaaraa nom yzeed zasraagyi hulgaich nar zasarch haragdaach,hen negnii nom shahah bizness biz dee..

Avatar

zotcin 2014-10-06 127.0.0.1

yamar saihan sanaa ve.mongoltcuud uhaantai, hynleg ulsuud shuu. iim hunleg shine sanaanuudiigdemjij baina.

Avatar

zochin 2014-10-06 202.179.23.153

edgeer humuus nom unshval tsag hurdan ongono doo bas yalnaas n hasna gedeg sanaa mash sain sanaa bn tosliihond amjilt husii

Avatar

zochin 2014-10-06 202.179.23.153

suuliin ued saihan nomuud ih garch bn sh dee nomiin tsagaan buyn delgerch horigdoj bui humuust setgeliin tsagaan arilah boltugai zov ajil bn mash ih demjij bn

Avatar

ном хандивлая 2014-10-06 202.21.106.103

ном хандивлая. Ямар сэдвээр хандивын ном авах вэ? Хаана ном аваачиж өгөх вэ?

Avatar

Монголын Залуучуудын Холбоо 2014-10-06 124.158.124.156

89179891 утсаар холбогдоно уу

Avatar

Zochin 2014-10-06 202.131.231.66

Zov shuu!!! Ene bol shinechlel

Avatar

Зочин 2014-10-06 202.180.218.10

Сайн байна. Ер нь хүнийг шийтгэн өшөө авахаас илүүтэй. Алдаж эндсэн нэгийгээ арай ухаантай хэсэг нь засаад залруулаад явахад л хүний нийгмийн утга учир оршино

Avatar

zochin 2014-10-06 202.179.23.153

yamar saihan zuv tosol ve edgeer humuus nom ih unshval uhaan telej negiig bodoj bas zov humuujil olno doo demjij bnoo good luck

Avatar

Зочин 2014-10-06 202.179.23.237

ene chin harin mash zuv sanaa bna

NewsMN Гар утасны хувилбар Татах
NEWS.mn

Мэдээллийн эх сурвалж