Нарангийн энгэрт барилгын хог боловсруулах үйлдвэр барина | News.MN

Нарангийн энгэрт барилгын хог боловсруулах үйлдвэр барина

Хуучирсан мэдээ: 2014.10.06-нд нийтлэгдсэн

Нарангийн энгэрт барилгын хог боловсруулах үйлдвэр барина

Улаанбаатар хотод барилгын хог хаягдлыг дахин боловсруулах үйлдвэрийн шав тавих ёслолын ажиллагаа Нарангийн энгэрийн хогийн цэгт боллоо. Koicaгийн 100 хувийн хөрөнгө оруулалттай  үйлдвэрийн ёслолын ажиллагаанд хотын Ерөнхий менежер Б.Бадрал, байгаль орчны чиглэлээр ажилладаг холбогдох байгууллагууд Koicaгийн төлөөлөгчид оролцсон. Энэхүү үйлдвэр нь 1500-2000 тонн хогийг дахин боловсруулах хүчин чадалтай бөгөөд барилгын хогийг 5 мм хүртэл буталж, шигшин угааж, хатаан 0.7мм хүртэл тээрэмдэж үндсэн түүхий эдээ гарган авах юм. Бэлэн болсон түүхий эдийг цэвэрлэсэн үнс болон бусад зүйлүүдтэй хольж өндөр даралтаар эцсийн бүтээгдэхүүнээ гаргана. Ингэхдээ шатаах зуух ашиглахгүй бөгөөд тохижилтод ашиглах боржуур, замын хавтан, блок болон бусад бүтээгдэхүүнийг үйлдвэрлэнэ. Үйлдвэр нь жин хэмжих өрөө, ажилчдын оффис, дахин боловсруулах хайрга чулуу бэлдэх үйлдвэр,дахин боловсруулах бүтээгдэхүүний үйлдвэр, дахин боловсруулах боломжтой хайрга чулууны газар, дахин боловсруулах боломжгүй хайрга чулууг тавих газар, дахин боловсруулах боломжгүй хайрга чулууг булах газар, тоног төхөөрөмжийн хяналтын өрөө, агуулах, машины зогсоол, буудал, цайны газар амралтын өрөөтэй байх юм. Ирэх жилийн 5 сард ашиглалтад орж, нийслэлийн хэмжээнд өвлийн улиралд 61084 тонн, зун 127428 тонн барилгын хог хаягдлыг боловсруулах юм. Энэхүү  барилгын хог хаягдлыг дахин боловсруулж эцсийн бүтээгдэхүүн гаргасанаар нийслэлийн иргэдийн эрүүл аюулгүй орчинд амьдрах нөхцлийг бүрдүүлна гэж Улаанбаатар хотын Захирагчийн ажлын албанаас мэдээллээ.

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-06 127.0.0.1

Mash chuhal yildver sonsogdoj baina Ashgyi dee Harin lam nar suuj baidag n haashaa ch yum

Avatar

bi bn 2014-10-06 202.179.20.237

Ulaanbaatart ihechlen baruun hoinoosoo salhidag sanadah yum. 0.5mm hvrtel butlah yawtad ni utaanaasaa ilvv toosontsor vvseed owol zungvi horduulah yum bish biz dee gesen asuult asuumaar bn

Avatar

Mongol 2014-10-06 202.5.196.254

Төр, орон нутгийн өмчийн үйлдвэр бариад идэхийн нэмэр шүү. Хувийн үйлдвэр бариулаач

Avatar

Зочин 2014-10-06 202.179.20.197

аюултай хог хаягдлын устгах цэг барина гэсэн хаа байнаа, Оюун сайдаа

Avatar

Зочин 2014-10-06 112.72.6.182

Бол байна бага багаар ч гэсэн хийж л байна ….. нэг л өдөр өргөс авсан мэт сайхан болно гэж юу байхав…………………

NewsMN Гар утасны хувилбар Татах
NEWS.mn

Мэдээллийн эх сурвалж