Мэндчилгээ | News.MN

Хуучирсан мэдээ: 2014.10.03-нд нийтлэгдсэн

Алдрай бяцхан багачуудаас азай буурал хүртэл БАГШ АА хэмээн хүндлэн дээдэлдэг Монгол Улсын үе үеийн багш Та бүхэндээ Дэлхийн болон Монголын багш нарын өдрийн баярын мэндийг өргөн дэвшүүлье.

Энэ жилийн Дэлхийн багш нарын өдрийг “Ирээдүйдээ хөрөнгө оруулъя, Багш нартаа хөрөнгө оруулъя” уриатай тэмдэглэн өнгөрүүлж байгааг төр засгийн зүгээс сайшаан дэмжиж, монголын багш нарын баярыг тэмдэглэн өнгөрүүлж байна. Монголчууд бид “Багш дор мөргөе. Ном дор мөргөе” хэмээн багшийг шүтэн дээдэлж ирсэн сайхан уламжлалтай ард түмэн. Багшийг хүндлэхийн учир нь хүнээр хүн хийх эрхэм үйлийн эзэд учраас тэднийг зөв сайн үйлээрээ үлгэр дууриалалтай ажиллаж, амьдарч явахыг ухааруулсан хүндлэл байсаар ирсэн. Цаашдаа ч байх болно.

XXI зууны техник технологийн асар хурдацтай түүхэн цаг үед боловсролын чанарын шинэчлэлийг сурах арга барилтай, шийдвэр гаргах чадвар бүхий Зөв монгол хүүхдийг хөгжүүлж төлөвшүүлэх, мэргэжлийн өндөр мэдлэг, боловсрол эзэмшсэн боловсон хүчнийг бэлтгэн гаргах зорилго тавин цаг хугацаатай уралдан ажиллаж буй бүх шатны сургууль, цэцэрлэгийн эрхэм багш нартаа талархал илэрхийлж байна.

Төр засгийн зүгээс боловсролын салбарын хөгжлийн төлөө болон багшийн тасралтгүй хөгжилд хөрөнгө оруулах, багш нарын цалин хөлсийг нэмэгдүүлэх, багш боловсролд шинэчлэл хийж, чанартай багш бэлтгэхэд шаардагдах хөрөнгө санхүүгийн асуудлыг шийдвэрлэхэд онцгой анхаарч ирсэн бөгөөд цаашид өсөн нэмэгдэж байгаа хэрэгцээ шаардлагыг хангахын төлөө бүтээлчээр ажиллах болно.

УИХ-ын 2014 ээлжит намрын чуулганы хуралдаанаар “Төрөөс боловсролын талаар баримтлах бодлого”-ыг шинэчлэн баталж, холбогдох эрхзүйн орчныг боловсронгуй болгосноор Монголын боловсролын тогтолцоо, хөтөлбөрийн агуулга, олон улсын жишигт хүрэх илүү өргөн боломж бүрдэнэ гэдэгт итгэлтэй байна.

Шинэ зууны хөгжлийн түүхийг бүтээлцэх, боловсролын чанарын шинэчлэлийн түүчээ болсон Багш нартаа дахин баяр хүргэж, та бүхний алдар суу, амжилт бүтээл өөдрөг байхыг ерөөе.

МОНГОЛ УЛСЫН ИХ ХУРЛЫН ДАРГА                     ЗАНДААХҮҮГИЙН ЭНХБОЛД

 

2014.10.03

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2014-10-03 180.149.97.242

Сонин байна. Багш нарыг жинхэнэ үзэн ядагч энэ залуу мэндчилгээ дэвшүүлсэн нь нөгөө шоу гэдэг нь юм бол уу эсвэл хөөрхий муу багш нарыг дахиад басамжалж байгаа нь юм болов уу? Лав сэтгэлээсээ баш.

Avatar

san***** 2014-10-03 202.5.196.254

tiim ee. Manai ard tumen vagshiig hundeldeg, deedeldeg ard tumen. Bagsh nartaa amjilt husie. Harin ene niigemd ter vagsh nar chin YAMARHUU AMIDARCH VAIGAAG NEG HARAASAI…. tegeed “Багш дор мөргөе. Ном дор мөргөе” gedgiig Mongol hun vol "vagshid morgie, Nomd morgie" gej helne dee. Mongol vichgeer "DOR" gej vicheed "-d" , terend enend gej oilgoh estoi vish yy. Tand vayarlalaaa.

NewsMN Гар утасны хувилбар Татах
NEWS.mn

Мэдээллийн эх сурвалж