&#34Сууц өмчлөгчдийн холбоо&#34 үүсэн байгуулагдсаны ойн баярын хурал болов | News.MN

&#34Сууц өмчлөгчдийн холбоо&#34 үүсэн байгуулагдсаны ойн баярын хурал болов

Хуучирсан мэдээ: 2014.10.03-нд нийтлэгдсэн

&#34Сууц өмчлөгчдийн холбоо&#34 үүсэн байгуулагдсаны ойн баярын хурал болов

Монгол Улсад Сууц өмчлөгчдийн холбоо, Монголын Сууц өмчлөгчдийн холбооны Дээд зөвлөл байгуулагдсаны  15 жилийн ойн  баяр тохиож байна. Энэхүү тэмдэглэлт үйл явдлыг тохиолдуулан Монголын Сууц өмчлөгчдийн холбооны Дээд зөвлөлөөс  өнөөдөр /2014.10.03/ баярын хурал зохион байгуулав.

Одоогоос 15 жилийн өмнө шинэ тутам байгуулагдаад байсан Сууц өмчлөгчдийн холбоодын захирлууд санаачлан холбоодын үйл ажиллагааг зангидан чиглүүлэх, тэдний эрх ашгийг хамгаалах төрийн бус байгууллага байгуулах санал гарган Улаанбаатар, Дархан-уул, Ховд, Дорнод, Орхон, Хөтөл, Завхан, Баянхонгор, Налайх, Багануур, Хэнтий, Архангай, Өмнөговь зэрэг аймаг, хотын 80 гаруй Сууц өмчлөгчдийн холбооны төлөөлөл оролцуулан анхдугаар Их Хурлыг 1999 оны 1 дүгээр сарын 15-ний өдөр зохион байгуулж  Монголын сууц өмчлөгчдийн холбооны Дээд зөвлөлийг байгуулсан түүхтэй.

Ойн баярын арга хэмжээнд Улсын Их Хурлын гишүүн, Монголын сууц өмчлөгчдийн холбооны Дээд зөвлөлийн ерөнхийлөгч Д.Арвин, Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Г.Баярсайхан, Баянгол дүүргийн Засаг дарга Д.Оросоо нар болон Монголын сууц өмчлөгчдийн холбооны Дээд зөвлөлийн тулгын чулууг тулалцсан ахмад зүтгэлтнүүд, гүйцэтгэх захирал асан Ш.Жаргалсайхан, Ж.Баяржаргал нар оролцов.

Баярын арга хэмжээг нээж Улсын Их Хурлын гишүүн, Монголын сууц өмчлөгчдийн холбооны Дээд зөвлөлийн ерөнхийлөгч Д.Арвин үг хэллээ.

Тэрээр юун түрүүн сууц өмчлөгч иргэд болон мянга мянган оршин суугчдын тав тухтай, эрүүл, аюулгүй амьдралын төлөө хоёргүй сэтгэлээр ханддаг сууц өмчлөгчдийн холбоодын дарга нар, ажиллаж буй ажилтнууд, мөн хөдөлмөр зүтгэлээ мөнхөлсөн ахмадуудад  талархал илэрхийлээд 15 жилийн ойн баярын мэнд хүргэв.

Мөн тэрээр “ 1996-2003 онуудад “Дундын өмчлөлийн орон сууцны тухай”,  “Орон сууц хувьчлах тухай”, “Орон сууцны тухай”, “Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай” зэрэг хуулиуд батлагдсан нь тус салбарын ажил үйлчилгээг зах зээлийн харилцааны шинэ шатанд явуулах эрх зүйн орчин бүрдсэн талаар дурдаад сууц өмчлөгчдийн холбоод бэхжин, үйл ажиллагаа нь тогтмолжиж, нийтийн аж ахуйн үйлчилгээний салшгүй салбар болсонд баяртай байгаагаа онцлон тэмдэглэлээ.

Мөн Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Г.Баярсайхан  энэ үеэр үг хэллээ.

Тэрээр  сууц өмчлөгчдийн холбооны ажилдаа үнэнчээр зүтгэж ирсэн, одоо ажиллаж буй дарга нар, ажилтнуудад 15 жилийн ойн баярын мэндийг  хүргээд  "Сууц өмчлөгчдийн холбоо  бол оршин суугчдад  хамгийн ойр байгууллага юм. Анх 80 гаруй сууц өмчлөгчдийн холбоотойгоор Монголын сууц өмчлөгчдийн холбооны Дээд зөвлөл байгуулагдаж байсан бол өнөөдөр 400 гаруй холбоод болтлоо өсөн нэмэгдсэн байна. Улсын Их Хурал “Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай” хуулийг баталсан. Энэ чухал хуулийг  Сууц өмчлөгчдийн холбоод  оршин суугчдад  сурталчлах ажлыг сайтар зохион байгуулах хэрэгтэй. Хууль сурталчлах ажлыг  цаашдын төлөвлөгөөндөө идэвхтэй  тусгаж ажиллах нь чухал” гэв.

Дараа нь Монголын сууц өмчлөгчдийн холбооны Дээд зөвлөлийн гүйцэтгэх захирал С.Цэрэндорж 15 жилийн ойн баярын мэнд дэвшүүлж орон сууцны талаар төр засгаас явуулж буй бодлого, шийдвэртэй нийцүүлэн авч хэрэгжүүлсэн ажлуудын тухай танилцуулав.Сүүлийн таван жилд улс орон, нутгийн төсвөөр 564 орон сууцны дээвэр засагдаж, 298 цахилгаан шат шинэчлэгджээ. Мөн 32 орон сууцны сантехник иж бүрэн солигдож, 126 нийтийн эзэмшлийн талбайд хүүхдийн иж бүрэн тоглоомын талбай шинээр байгуулагдаж, 14 усан оргилуур бий болж, 1015 орчныг гаднах гэрэлтүүлэгтэй  болгосон гээд олон ажлуудыг  Сууц өмчлөгчдийн холбоод хийж гүйцэтгэсэн байна. Сууц өмчлөгчдийн холбооны засвар үйлчилгээний санг сууц өмчлөгчид өөрсдөө бүрдүүлж байгаагаас гадна улс, орон нутгийн хөрөнгө оруулалт, Улсын Их Хурлын гишүүдийн багц болон бусад байгууллагын хандив чухал үүрэг гүйцэтгэж байгаа аж.

Баярын арга хэмжээний үеэр Сууц өмчлөгчдийн холбоодод олон жил зүтгэл гарган ажилласан тэргүүний ажилтнуудаа шагнаж урамшууллаа. Нийтийн аж ахуйн салбарт олон жил үр бүтээлтэй ажилласан хувь нэмрийг нь үнэлэн Барилга, хот байгуулалтын яамны шагнал “Нийтийн аж ахуйн тэргүүний ажилтан хүндэт тэмдэг”-ээр Сүхбаатар дүүргийн “Ахмадын өв” Сууц өмчлөгчдийн холбооны  гүйцэтгэх захирал С.Нэргүй, Хан-Уул дүүргийн “Тайван мандах өргөө” Сууц өмчлөгчдийн холбооны үйлчлэгч Б.Янжиндулам, Орхон аймгийн “Баян” Сууц өмчлөгчдийн холбооны  гүйцэтгэх захирал Т.Оюунцэцэг нарын гучин долоон хүнийг шагнав.

“Тэргүүний барилгачин тэмдэг”-ээр Сүхбаатар дүүргийн “Отгон” Сууц өмчлөгчдийн холбооны гүйцэтгэх захирал Н.Байгалмаа, Баянгол дүүргийн “Ган-хэлхээ” Сууц өмчлөгчдийн холбооны  засварчин Ш.Нармандах, Баянгол дүүргийн “Ундрам өргөө” Сууц өмчлөгчдийн холбооны  байцаагч Б.Одончимэг нарыг шагнасан бол Барилга, хот байгуулалтын яамны жуух бичгээр Баянгол дүүргийн “Ундрам” Сууц өмчлөгчдийн холбооны  гүйцэтгэх захирал Ш.Нарантуяа, Баянзүрх дүүргийн “Ганга” Сууц өмчлөгчдийн холбооны  ажилтан Ж.Нарантуяа, Багануур дүүргийн “Содхүү” Сууц өмчлөгчдийн холбооны ажилтан Ш.Уртнасан нарын хүмүүсийг тус тус урамшууллаа.

Харин Монголын Сууц өмчлөгчдийн холбооны Дээд зөвлөлийн хүндэт  тэмдгээр Баянгол дүүргийн “Өргөө 14” Сууц өмчлөгчдийн холбооны ажилтан Л.Баянсүрэн, Дорнод аймгийн “Найм өргөө” Сууц өмчлөгчдийн холбооны гүйцэтгэх захирал Ц.Сүхбаатар нарын хүмүүсийг шагнаж урамшууллаа хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

БГД иргэн Ламжав 2014-10-03 182.160.2.97

Уг нь СӨХ гэдэг нь Орон сууц худалдан авсан сууцны эздийн холбоо юм.Гэтэл сууц өмчлөгчид холбоогоо байгуулаад мартчихдаг, нэг нөхөр ганцаараа эзэн болоод сууж авдаг.Хүмүүсийн завгүй , бас эрх ашгаа нэгтгэж чаддаггүй байдлыг ашиглаад СӨХ-ийн дарга хэмжээгүй эрхт эзэн болдог. Орон сууцны байгууллагын эсрэг Сууц өмчлөгчдийн эрх ашгийг хамгаалах байтал Орон сууцны байгуулагатай нийлж аваад жинхэнэ сууцны эздийг шулах ажиллагаа явуулдаг. 15 жилийн түүхэн ой тэмдэглэж байна. Гэтэл шинэхэн баригдсан орон сууцнууд хэдхэн жилийн дотор ямар муухай болж байна. СӨХ-ийн ажилтануудын нүдэн дээр барилгын хана туурга ,тааз, орц, лифт ер нь хүний хараа тусах газар болгонд зарын хуудас, бүргэд хаалга засварлана,вакум цонх хийнэ гээд л наагаад байна одоо бүр цаас наахаар хуулж хаячаад байна гээд дардас бэлдэж аваад будгаар дараад эрээн цоохор болгож байна. Тэр зар дээр нь утас хаяг нь ил байж л байдаг. Энэ талаар ямар ч арга хэмжээ авдаггүй.Тэгж байх ёстой юм шиг л хараад сууж байна.СӨХ-ийн ой тэмдэглээд СӨХ-өөс хураамж татвар аваад бас цалин мөнгө аваад цулаагаад байгаа нөхөд сууц эзэмшигчдээс ямарч зөвшөөрөл шийдвэргүйгээр хурааж авсан мөнгөөр л тансаглаж суугаа шүү дээ.Тэд харин сууц эзэмшигчдийн эрх ашгийн төлөө ажиллахгүй байна. СӨХ-үүд ажил хэрэгчээр хоорондоо санал бодол, үйл ажиллагааныхаа арга туршлагаа ярилцаж ,дундын өмчлөлийн хөрөнгийг яавал хамгаалалт сайтай болгох вэ гэдгийг харин ярилцмаар байгаа юм. Асуудал боловсруулаад орон сууцнуудын хана таазыг зарын хуудас нааж балиартуулаад байгаа талаар СӨХ-ийн хууль журамд заалт оруулан хориглосон заалт оруулах талаар хөөцөлдөххэрэгтэй шүү дээ. Зарын хуудсууд дээр утасны дугаар , хаяг нь тодорхой бичигддэг тул цаад эзэн нь тодорхой гэсэн үг шүү дээ. СӨХ-ийн хуулинд "Орон сууцны эд хөрөнгөн дээр болон дундын өмчлөлийн эд хөрөнгөн дээр Зар бичиг наасан тохиолдолд тухайн зарын Утасны дугаар,тавигдсан хаяган дээр өндөр торгууль тавьдаг байхаар заалт оруулчихвал тавихаа болино шүү дээ.Зараа хаа хамаагүй газар наагаад байгаа утасны дугааруудыг баримтаар нотлоод Утасны дугаарыг хүчингүй болгуулдаг хуулийн заалт оруулж болно шүү дээ. Ийм арга хэмжээ авахгүй байж ой тэмдэглээд яахав дээ. Замбараагүй олон эрээн заруудтай ингэж л тэмцвэл сууц эзэмшигчдийн эрх ашигт нийцэх болно. Сууц эзэмшигчдийн холбоодын удирдлага шинээр орон сууц эзэмшигчдэд ч тодорхой хандах шаардлага гарч байна. Учир нь Орон сууц барьж байгаа компаниуд шинээр сууц өмчлөгчдийг шулдаг нэг лут аргатай болсон.Юу вэ гэхээр шинээр сууц эзэмшигчид эрх ашгийнхаа төлөө нэгдэж амжаагүй байдгийг ашиглаад шинэ орон сууцны баталгаат хугацаа. мөн шинэ байхад засвар үйлчилгээ бараг хийгддэггүй байдлыг ашиглаад СӨХ байгуулахыг хориглож Орон сууц барьж байгаа компаниуд СӨХ-өө өөрөө хариуцна гээд 3 жил СӨХ-ийн мөнгө гэж оршин сууцгчдаас хурааж аваад дараа нь Шинэ орон сууцны баталгаат хугацаа дуусахаас өмнөхөн ойролцоо нэг СӨХ-д нийлүүлж өгөөд бултдаг. Сууц өмчлөгчдийн байраа шинэ байхад хуримтлуулж байгаад засвар үйлчилгээ хийгдэх болоод ирэхээрээ хэрэглэхээр хуримтлуулсан мөнгө ингээд Орон сууц барьсан компаниудын халаасанд ороод алга болдог. Олон өрх айлын 3 жилийн хуримтлуулсан мөнгө олон сая төгрөг ингэж алга болдог. Хажуу СӨХ олон өрхөөс дараа нь олох ашгаа бодоод нийлүүлж л авч байвал тэр яахав гээд хөөцөлдөхгүй орхидог. Ингэж сууц эзэмшигчид хохирсоор байна. Энэ олон шинээр орон сууц барьж байгаа орон сууцны квадрат метрээ худлаа нэмж тогтоогоод л сууц шинээр худалдан авагчдыг шулж сурсан шуналтангууд , шинээр сууц эзэмшигчдийг шулдаг 2 дахь арга нь энэ болоод удаж байна шүү. Энэ талаар Сууц эзэмшигчдийн дээд холбооноос анхаарч хуульчлах шаардлагатай байна. УБ хот БГД-ийн иргэн Ламжав.

Avatar

Arvind 2014-10-03 103.229.120.247

ENE huuliar dalailgan tatvar tologch, tetgeveriinhnii amidrah heden togrogiig luivardan ajiliin bairtai gej zugeer suuj tejeelgej baigaa novshuud yugaar giiguulj ,ard tumenii amidraliig hundruulj baigaa gej oigoo temdeglee yu. Mongold hamgiin hereggui tatan buulgah heregtei baiguulag bol SOH. Olon hodoonii novshuudiig tejeej oorsdoo yduurch guitseed baina.

Avatar

Emee 2014-10-03 112.72.13.202

Bayariin mend hurgej ajildaa ulam ih amjilt gargahiig husye. Zugeer suuj,am n shuumjlehees oor yum Meddeggui archaagui yumnuud sain saihan buteel hodolmoriig unelj Meddeggui yum shuu.butgii shantar!!!

Avatar

suuh 2014-10-03 103.229.123.75

opshin suugchdiig shuldag gazar

NewsMN Гар утасны хувилбар Татах
NEWS.mn

Мэдээллийн эх сурвалж