Насжилт өндөртэй барилгуудад шалгалт явуулжээ | News.MN

Насжилт өндөртэй барилгуудад шалгалт явуулжээ

Хуучирсан мэдээ: 2014.10.03-нд нийтлэгдсэн

Насжилт өндөртэй барилгуудад шалгалт явуулжээ

Нийслэлийн Засаг даргын захирамжийн хүрээнд Онцгой байдлын газар, Мэргэжлийн хяналтын газар, Ерөнхий төлөвлөгөөний газар болон бусад холбогдох байгууллагын мэргэжилтнүүд хамтран нийслэлийн нутаг дэвсгэрт байршилтай 1950, 1960 онд баригдсан орон сууцны насжилт өндөртэй барилга байгууламжид шалгалт явуулжээ. Шалгалтад орон сууны 76 барилга, орон сууцны барилгын зоорийн болон нэгдүгээр давхарт үйл ажиллагаа явуулж буй 142 аж ахуй нэгж байгууллага хамрагджээ. Аж ахуй нэгжийн 52 нь нийтийн хоолны чиглэлээр, 90 нь худалдаа үйлчилгээний чиглэлээр үйл ажиллагаа явуулдаг аж. 1950, 1960 онд баригдсан насжилт өндөртэй нийтийн орон сууцны барилга байгууламжийн нэгдүгээр давхар болон зоорийн давхарт өөрчлөлт оруулж, чанар аюулгүй байдлыг муутгасан. Нийтийн хоолны чиглэлээр үйл ажиллагаа явуулж буй аж ахуй нэгжийн цахилгааны ачаалал нэмэгдсэн, галын аюулгүй байдлыг хангаагүй, шингэрүүлсэн шатдаг хийн аюулгүй байдал хангалтгүй байгаа нь болзошгүй аюулт үзэгдэл, техникийн холбогдолтой ослын үед иргэд, оршин суугчид олноор өртөх, өмч хөрөнгөд хохирол учрах эрсдэлтэй болсон байжээ. Шалгалтаар 1000 гаруй зөрчил илрүүлж, боломжтойг газар дээр нь арилгуулсан ба бусад зөрчлийг арилгуулахаар улсын байцаагчийн дүгнэлт хүргүүлсэн байна.

М.ЯЛАЛТ

 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-03 182.160.5.74

Tuviin huuchin bairnuudiin dood davhriin tulguur hananuudiig nuraaj uilchilgee hoolnii gazar neesniig bugdiig n zogsooj tulguur haniig n butsaaj bariulj behjuulvel shine baishin barij olon myangan ailiig nuulgej chiregduulehgui iluu amar baih bolno. Harin huugiinhee barilgiin kompanid hotiin tuviin gazruudiig uguhgeed uheldeed baigaa Bat-Uuliig turgen shorond hiivel zohistoi.

Avatar

hohichin shuu 2014-10-03 112.72.13.92

Bid bairnii 1 dugeer davhart uurchlult oruulah zuvshuurul ugsun hahuulchidaas bair nehne shuu

NewsMN Гар утасны хувилбар Татах
NEWS.mn

Мэдээллийн эх сурвалж