“Улаанбаатарын яриа хэлэлцээ” хурлын эмхэтгэл хэвлэгдлээ | News.MN

“Улаанбаатарын яриа хэлэлцээ” хурлын эмхэтгэл хэвлэгдлээ

Хуучирсан мэдээ: 2014.10.02-нд нийтлэгдсэн

“Улаанбаатарын яриа хэлэлцээ” хурлын эмхэтгэл хэвлэгдлээ

2014 оны 6 дугаар сарын 17-18–ны өдрүүдэд Зүүн Хойд Азийн  аюулгүй байдлын асуудлаарх “Улаанбаатарын яриа хэлэлцээ” олон улсын эрдэм шинжилгээний анхдугаар бага хурал Улаанбаатар хотноо амжилттай зохион байгуулагдсан билээ. 9 дүгээр сарын 30-ны өдөр Гадаад Харилцааны Яам, Стратегийн Судалгааны Хүрээлэн хамтран энэхүү хурлын үеэр тавигдсан илтгэлийг нэгтгэн эмхэтгэж англи хэлээр хэвлэн гаргажээ.

Хурал дөрвөн сэдэвчилсэн хэсгээр явагдсан бөгөөд нийт 21 илтгэл хэлэлцүүлэгджээ. Хуралд газар зүйн байрлалаараа ЗХА-д шууд хамаарах Монгол Улс, ОХУ, БНХАУ, Япон, Өмнөд Солонгос, Умард Солонгос гэсэн 6 орноос гадна тус бүс нутагт нөлөөлийн хүрээ өндөртэй АНУ, Их Британи, Герман, Нидерланд гэсэн нийт 10 орны 35 эрдэмтэн судлаач нар оролцсон юм.

Монгол Улс нь ЗХА-ийн бүс нутагт тулгамдаж буй аюулгүй байдлын асуудлаар яриа хэлэлцээг зохион байгуулах бүрэн боломжтой, чадвартай, нэр хүндтэй улс хэмээн хуралд оролцогчид үнэлж, “Улаанбаатарын яриа хэлэлцээ” бага хурлыг цаашид жил бүр уламжлал болгон зохион байгуулж байхаар тохирсон байна.

Эх сурвалж: mfa.gov.mn

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж