Хүүхдийн эндэгдэлд эцэг эхчүүд буруутай | News.MN

Хүүхдийн эндэгдэлд эцэг эхчүүд буруутай

Хуучирсан мэдээ: 2014.10.02-нд нийтлэгдсэн

Хүүхдийн эндэгдэлд эцэг эхчүүд буруутай

Ийм гарчиг өгснийг минь зарим нэг нь эсэргүүцэж магадгүй. Энэ ч аргагүй. Эцэг эх болгон тийм харицлагагүй, хайхрамжгүй байдаггүй нь ойлгомжтой. Гэхдээ л энэ жилийн эхний найман сарын байдлаар эцэг эхийн хайхрамж, болгоомжгүй байдлаас нийтдээ 67 хүүхэд золгүй байдлаар нас барсан байна.

Үргэлжийн дайн самуунтай байдаг Арабын орнуудад ч ийм тооны хүүхэд энддэггүй юм билээ. Согтуу аав, ээж хоёр хүүхдээ дундуураа хийж унтаж байгаад бүтээгээд алчихсан, авдар мөргүүлээд, ваннтай усанд живүүлчихсэн зэрэг тун харамсалтай тохиолдлууд гарч. Хүний биеийг олж төрнө гэдэг зүүний үзүүр дээр арвай тогтох дайтай хэмээн ярилцдаг, үр хүүхдээ тэгж хайрладаг ард түмний үр хойчис ийнхүү нэг онд хэдэн арваараа хорвоог орхиж буй нь аймшигтай.

Энэ оны эхний гурван сарын байдлаар нэг хүртэлх насны хүүхдийн эндэгдэл өмнөх оны мөн үеэс дөрвөн промилоор өссөн нь Улаанбаатар хотын хэмжээнд дунджаар 0,9-р их байсан бол 1-5 насны хүүхдийн эндэгдэл урьд оноос мөн л 3,42 промилоор өссөн байна. Харин энэ оны эхний найман сарын байдлаар гаргасан судалгаагаар хүүхдийн эндэгдэл 2012 онтой харьцуулахад 1,8, 2013 онтой харьцуулахад 0,8 промилоор нэмэгдсэн гэдгийг салбарын сайд хэлнэ лээ. Хүүхдийн эндэгдэл нийслэл, Говь-Алтай, Өмнөговь зэрэг аймгуудад нилээд өндөр нэмэгдсэн байна. Мөн хүүхдийн осол эндэгдэл ийнхүү огцом өссөнтэй холбоотойгоор Ерөнхий сайдын ахладаг Эрүүл мэндийн зөвлөлөөс “Хүүхдийн осол эндэгдэлийг бууруулах стратеги” гээчийг боловсруулж, Засгийн газрын хуралдаанд нууцын зэрэглэлтэй оруулахаар болж.

Төрөх эмнэлэгт эмч, сувилагчдын буруутай үйл ажиллагаанаас болоод хүүхэд эндсэн тохиолдолд нийгэм даяараа сүр дуулайн болж эмнэлэгийн салбарлуу дайрдаг. Мэдээж алдаа гаргасан тэдний буруу. Гэхдээ өөрсдийн төрсөн үрээ энэ мэт хайхрамжгүй байдлаасаа болоод ”алчихсан”, “алдчихсан” тохиолдолд хэн ч үл дуугарна вэ? Тээж төрүүлсэн, тэтгэж өсгөсөн гээд амьдралын гэрэл гэгээрүү тэмүүлэн ургаж явсан балчир үрсийнхээ амиар наадах эрх хэнд бий гэж…

Д.БҮҮВЭЙ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-02 202.70.40.134

цаг үеээ олсон зөв нийтлэл байна. өөрийнхөө хүүхдийг өөрөө лхамгаалахгүй бол яах гэж эцэг эх болсон хэрэг вэ? Тиймээс эцэг эхчүүдэд хариуцлага тооцдог болмоор юмаа. одоо нялх хүүхэд байтугай, өсвөр насны хүүхэдтэйгээ зөв харицдаг эцэг эх хэд байгаа бол? Нялх балчир үрээ тэвэрчихээд гудамд хэрэлдээд зогсоо боловсон ээж аавууд, хүүхдээ хөтлөөд лонх өшиглөж яваа боловсролгүй ээж аавууд олон болоод байна. Төр нь анхаарах цаг болжээ. Барууныхан шиг хариуцлага тооцдог хуультай больё. Гадны орнуудыг дууриахдаа зөвийг нь сураасай билээ.

Avatar

Зочин 2014-10-02 202.131.247.23

Цаг үеэ олсон зөв л нийтлэл байна шүү дээ. Үр хүүхдээ хайрлах сэтгэлгүй мунхаг эцэг эхчүүд их болсон. Тийм хүмүүст л энэ нийтлэл таалагдахгүй байга байх. Бодох л ёстой асуудал.

Avatar

Зочин 2014-10-02 112.72.13.250

Etseg,ehchuud huuhdedee haihramjgui handaj bgaa yabdal zondoo gardag ene sedebiig hondoj bichsen n zob sh dee.ZArim n het erhLuulj elii balai bolgodog n unen shuu.hairan huuhduud …tsagaanhan hoorhon huuhduud horboog ingej orhij bgaad bi dandaa haramsdag. Humuusee balchir hoorhon ur see hairlaya!!!

Avatar

Зочин 2014-10-02 202.72.246.142

Ямар тэнэг утгагүй юм бичдийм бэ. энийг одоо нийтлэл гэх үү мэдээ гэх үү

Avatar

Зочин 2014-10-02 182.160.33.39

chi huuhdee zodood baina uu

NewsMN Гар утасны хувилбар Татах
NEWS.mn

Мэдээллийн эх сурвалж