Обамагийн амь насанд эрсдэл учруулжээ | News.MN

Обамагийн амь насанд эрсдэл учруулжээ

Хуучирсан мэдээ: 2014.10.01-нд нийтлэгдсэн

Обамагийн амь насанд эрсдэл учруулжээ

АНУ-ын Ерөнхийлөгч Барак Обама Нууц албаны бус зэвсэгтэй хүнтэй хамт цахилгаан шатанд суусан хэрэг олны өмнө ил болж дуулиан тарьжээ. Барак Обама өнгөрсөн есдүгээр сарын 16-нд эбола вирусын тахалтай холбоотойгоор Атланта хотын Өвчнөөс урьдчилан сэргийлэх, хянах төвд зочлох үеэрээ зэвсэгтэй хүнтэй хамт лифтээр зорьчсон гэнэ. Барак Обамагийн хамт лифтээр зорчсон зэвсэгтэй эрэгтэй нь эрүүл мэндийн төвийн хамгаалалтын албаны гэрээт ажилтан байсан аж. Гэвч тэрээр өмнө нь бусдын биед халдсан хэрэгт гурван ч удаа холбогдож байсныг “Washington Post” сонинд мэдээлжээ. Ийнхүү АНУ-ын Ерөнхийлөгчийн хамгаалалтыг хариуцдаг Нууц албаны дарга албан үүрэгтэй хариуцлагагүй хандаж, төрийн тэргүүний амь насыг эрсдэлд оруулсан хэмээн Конгрессын гишүүдээс хатуу зэмлэл хүртжээ. Түүнчлэн АНУ-ын  Ерөнхийлөгчтэй хамт цахилгаан шатаар зорчихдоо биедээ галт зэвсэг авч явсан хамгаалалтын ажилтан тэр дороо ажлаасаа халагдсан байна.

 

 

Үүнээс өмнө Омар Гонзалез гэгч “Цагаан ордон”-ы хашлагыг даван орж, зүлгэн дээгүүр гүйн, улмаар ордоны онгорхой хаалгаар  Зүүн өрөө рүү нэвтэрсэн хэрэг гарч шуугиан дэгдээсэн билээ.

 

Б.АНХТУЯА

Эх сурвалж: ВВС

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-10-01 202.126.91.104

Хүний амь насанд эрсдэл учруулсан гэж бичиж болохгүй!!! Эрсдэлд оруулах шахсан гэдгийг бичих хэрэгтэй шүү дээ сугуудаа. Монгол хэлээ сураачээ!!! 10 жил, дээд сургуульдаа муу сурч байсан гэдэг чинь илрээд байна.

Avatar

Зочин 2014-10-01 202.72.246.142

эрсдэлд оруулжээ гээд бичихээр чинь ямар нэг юм болсон гэсэн утгатай болж байгаа биз дээ. ядаж гарчигаа анхаараач дээ

Avatar

Зочин 2014-10-01 202.126.91.104

Зөв. Эрсдэлд оруулсан гэж бичиж болохгүй шүү дээ!!! Энэ "news.mn"-ны сэтгүүлч нар гэж энгийн уншигчдаас ч боловсрол муутай, сэтгэхүй муутай юмнууд байх юм аа!!!!!

Avatar

Mongol hel 2014-10-01 49.156.0.66

Mongol helee uzmeer ium aa. heregtei gehgvi heregtee gej bichne shvv dee.

Avatar

Зочин 2014-10-01 103.10.23.5

Зүгээр байсан хүнийг ажилгүй болгож дээ

NewsMN Гар утасны хувилбар Татах
NEWS.mn

Мэдээллийн эх сурвалж