“Sweetymotion” цомог худалдаанд гарлаа

Хуучирсан мэдээ: 2010.07.04-нд нийтлэгдсэн

“Sweetymotion” цомог худалдаанд гарлаа

АНУ-д ажиллаж, уран бүтээлээ туурвиж байсан “Sweetymoiton” хамтлагийн өнгөрсөн сарын 25-нд эх орондоо ирсэн. Тэд энэ удаад сүүлийн хоёр жилийн турш хөдөлмөрлөсөн “Sweetymotion” хэмээх цомгоо монголчууддаа танилцууллаа. Тэдний цомгийн өдөрлөг өнөөдөр “Hi-Fi Mega Store”-т болж өнгөрлөө. Өдөрлөгийн үеэр хамгийн эхэнд ирсэн таван хүүхдэд “Sweetymotion” хамтлагийнхан цомгоо бэлэглэсэн бөгөөд дараагийн 50 хүнд 50 хувийн хөнгөлөлттэй авах эрхийг олгосон. Тус хамтлагийн үнэнч шүтэн бишрэг гэх таван охин өглөөний 09.00 цагаас эхлэн тэднийг хүлээж эхний таван азтан болсон юм.
,“Sweetymotion” хамтлагийн Э.Ганболор “Манай хамтлагийнхан “Sweetymotion” гэж нэрээ өөрчилснөөс хойшхи анхны цомог бол энэ. Бид энэ цомог дээрээ сүүлийн хоёр жил ажиллалаа. Монголчууддаа сайн чанартай уран бүтээл хүргэхийг зорьсон. Мөн бид энэ цомгийнхоо бүх дууг клипжүүлнэ. Одоогийн байдлаар дөрвөн дуу нь клиптэй болсон. Та бүхэнд “Санахын аялгуу” дууны клипээ хүргэсэн. Цомгийн хамгийн эхний дуу болох “Төрийн дуулал”-д клип хийлгэсэн. Удахгүй үзэгчдийн хүртээл болгоно. Төрийн дууллыг бид өөрсдийн стиль жанрт оруулж дуулсан. Мэдээж хүмүүс сонсоход их өөр санагдах байх” гэв. Харин “Эмоушн” хамтлагийн экс гишүүн Б.Солонготой эргээд хамтран уран бүтээл хийх талаар  “Мэдээж бид одоо тус тусын уран бүтээлээ хийж байгаа. Манай Солонго бие даан уран бүтээл хийх болсон. Эргээд хамтран дуулах эсэхийг цаг хугацаа л харуулах байх даа” хэмээн хэллээ. Сонирхуулахад “Sweetymotion” хамтлагийн шинэ цомгийг “Hi-Fi Records”-ын бүх салбаруудаар 13000 төгрөгөөр худалдан авах боломжтой юм.

М.Дөл
NewsMN Гар утасны хувилбар Татах
NEWS.mn

Мэдээллийн эх сурвалж