УИХ-ын намрын чуулганыг маргааш 11.40 цагт нээх бол дараа нь УИХ дахь Ардчилсан намын бүлэг, УИХ дахь МАН-ын бүлэг, УИХ дахь МАХН-МҮАН-ын Шударга ёс эвслийн бүлэг тус бүр хуралдахаар төлөвлөөд байна. Бүлгээр хэлэлцэх асуудалд Эдийн засгийн хөгжлийн сайд Н.Батбаярыг огцруулах эсэх тухай багтжээ.

УИХ-ын хаврын чуулганы үеэр УИХ дахь МАН-ын бүлгээс Эдийн засгийн хөгжлийн сайд Н.Батбаярыг огцруулах тухай асуудлыг өргөн мэдүүлсэн юм. Гэвч эл асуудлыг шийдвэрлэж чадалгүй чуулган завсарласан учраас намрын чуулганы эхэнд хэлэлцэх асуудлын жагсаалтад багтаасан байна.

Г.НАРАН