Богино хэмжээний бүтээлүүдээрээ кино сонирхогчдын танил болсон Б.Чингүүн “Кино кафе” гэх кафе байгуулаад удаагүй байгаа билээ. Тэгвэл тус  кафе нээгдсэнээсээ хойш чамгүй олон арга хэмжээнүүдийг зохион байгуулаад амжсан байна. “48 цаг кино наадам”-ын сугалаа, “Ээжүүдийн өдөрлөг”, “Эх орон дуудаж байна” киноны үзлэг гэх мэт. “Кино кафе”-ны хамт олон тун удахгүй “Кино кафе” нэртэй богино хэмжээний киноны уралдаан зохион байгуулахаар зэхжээ.

Уг уралдаанд кино сонирхдог мэргэжлийн болон мэргэжлийн бус хүмүүс өөрсдийнхөө ертөнцийг богино хэмжээний киногоор дамжуулан илэрхийлэх боломжтой бөгөөд бүртгэлийн хураамж нь 200 мянган төгрөг гэнэ. Харин уралдааны ялагч шилдгийн шилдэг уран бүтээлийн эзэн баг тус бүрийн хураамж болох 200 мянган төгрөгний эзнээр тодрох юм байна. Шүүгчдийн хувьд найруулагч Б.Чингүүн болон зургийн найруулагч Д.Ангараг нар шүүх бөгөөд онлайн хэлбэрээр үзэгчдийн санал асуулгаар шилдэг уран бүтээлийг тодруулах юм байна.

https://www.facebook.com/kinocafemongolia

Э.ТЭКҮ