Өнгөрөгч амралтын өдрүүд буюу есдүгээр сарын 27-28-ны өдрүүдийн твиттер тоймыг хүргэж байна.

Азийн олимп. Дөрвөн жилд нэг удаа болдог Азийн зуны спортын XVII наадам БНСУ-ын Инчён хотноо арав өдрөө үргэлжилж байна. Аравдугаар сарын 4-н хүртэл үргэлжлэх тус наадамд оролцож буй Монгол Улсын шигшээ багийн тамирчид амжилттай оролцож байна. Өнөөдрийн байдлаар Монгол Улсын баг тамирчид жүдо бөх, буудлагын төрлүүдээс 4 алт, 4 мөнгө, 10 хүрэл медаль, нийт 18 медаль хүртсэн амжилтаар 11-р байрт бичигдэж байна.

Дөрвөн алтан медаль хүртээд байгаа нь Монголын багийн Азийн наадамд үзүүлж буй хамгийн том амжилт юм. Монголчууд 1982 оны Нью Дели хотноо болсон Азийн наадмаас 3 алт, өмнөх Гуанжоугийн наадмаас хоёр алт, таван мөнгө, есөн хүрэл медаль хүртэж байсан бол Инчоны наадамд найман өдрийн дараах байдлаар өмнөх бүх наадмуудад гаргасан рекордоо эвдээд байна.

Мөн тус наадамд оролцож буй Монгол Улсын сагсан бөмбөгийн баг тамирчид түүхэн амжилыг үзүүлж, эрэгтэй баг 16 багаас шөвгийн наймд шалгараад байгаа бол эмэгтэй баг мөн шилдэг 8-д шалгарлаа.

Жүдо бөх, чөлөөт бөх, бокс, буудлага гэж топ дөрвөн спорт гэж авч үздэг байсан бол өдгөө багийн төрлүүдэд анхаарах цаг болсныг сагсанбөмбөгчид маань харуулж чадлаа. Үнэхээр эдгээр өдрүүдэд жиргээчид спортоор амьсгалж байна. 

Батка ‏@gbaterdene  Сагсны холбоог томоохон бизнесмен нь аваад чөлөөт жүдо шиг болгоосой. Манай залууст авьяас сэтгэл бол хангалттай байна.

Н.Мөнхбат ‏@Munkhbat2020  Манайхан Ази тивд ноёлсоор СУМО, Сагсанбөмбөг, Жудо, Чөлөөт, Буудлга …. явж өгнө дөө pic.twitter.com/eHuCCN7rD7

Амралтын өдрүүдэд нэгэн бөхийн жиргээ олон хүмүүст таалагдсангүй. Ganzorig Gankhuyag хаягаар орсон олны танил нэгэн бөх "Миний хүүгийн анхны ан. Дайн болвол нэг ч гэсэн хужаагийн толгой хага буудах хүү надад байна. Та нарын хөвгүүд рс-рүү л буудаж тоглож байна уу. Одоо настай 12 болохоор тарваганд хариуцлага хүлээлгэхгүй" гэж бичиж, фото оруулсан нь олны дургуйцлийг хүргээд авлаа.

Bayaraaa ‏@Bayaraa1 Ард түмний хайртай бөхчүүдийн нэг иймэрхүү. 

ЦАХИМ БОЛЖМОР