Ёкозүна Хакүхо М.Даваажаргал маэгашира Ичиножёо А.Ичинноровыг давснаар 31 дэх түрүүгээ хүртэхэд нэг алхам ойртлоо.

Мэргэжлийн сүмогийн Аки башё маргааш өндөрлөнө. Тэмцээний 14 дэх өдөр башёг тэргүүлж байсан ёкозүна Хакүхо М.Даваажаргал, маэгашира Ичиножёо А.Ичинноров оноолт таарсан. Энэ барилдаанд Хакүхо давснаар башёг 14 даваатай тэргүүлж эхлэв. Энэ өдөр ёкозүна Какүрюү М.Ананд озэки Кисэносатог давснаар 11 даваатай болоод байна.

Маргааш ёкозүна Хакүхо М.Даваажаргал ёкозүна Какүрюү М.Ананд нар барилдах бол маэгашира Ичиножёо А.Ичинноров Аминишкитэй оноолт таарчээ.