Мэргэжлийн сүмогийн Аки башёгийн 13 дахь өдөр ёкозүна Хакүхо М.Даваажаргал озэки Гоэйдод унаж, маэгашира Ичиножёо А.Ичинноров ёкозүна Какүрюү М.Анандыг давлаа. Ингэснээр ёкозүна Хакүхо М.Даваажаргал, Ичиножёо А.Ичинноров нар адил 12 даваатай боллоо.

Озэки Кисэносато Египетийн Оосүнаарашиар 50 хувийн амжилтаа хийсэн бол маэгашира Икиой озэки Котошёогикүг давснаар 9 даваатай болоод байна.

Энэ өдөр Кёкүтэнхо Н.Цэвэгням Точиновакаг давснаар мэргэжлийн сүмод 70 жилийн дараа дээд зиндаанд 40 настай бөх найм ялсан түүхэн амжилтын эзэн боллоо.

Маргааш(09.27) буюу тэмцээний 14 дэх өдөр 12 даваатай башёг тэргүүлж буй ёкозүна Хакүхо М.Даваажаргал, маэгашира Ичиножёо А.Ичинноров нар барилдах бол ёкозүна Какүрюү М.Ананд Озэки Кисэносатотой оноолт таарчээ.

Фотог: 12 дахь өдөр. Ичиножёо, Гоэйдо.

Ичиножёо А.Ичинноров өчигдөр озэки Гоэйдог, өнөөдөр ёкозүна Какүрюү М.Анандыг давнаар 12 даваатай боллоо.