Азийн наадмын сагсан бөмбөгийн тэмцээнд оролцож байгаа Монгол Улсын эмэгтэй шигшээ баг хоёр дахь тоглолтод текникийн хожил авлаа. Монгол-Катарын тоглолт өнөөдөр болох байсан бөгөөд Катарын багийн таван тоглогч толгойн боолттой тоглохыг хүсчээ. Гэвч зохион байгуулах хорооноос тэднийг талбайд боолтгүй тоглохыг шаардсан ч тэд зөвшөөрөөгүй байна. Тиймээс манай багт техникийн ялалт өглөө.

FIBA-гийн дүрмийн дагуу ямар ч тамирчид толгойдоо 5 см өргөнтэй кистээс өөр зүйл өмсөж тоглохыг хориглодог юм. Энэ нь тамирчдыг шашинаар нь ялгаварласан зүйл огт биш бөгөөд харин аюулгүй байдлын үүднээс мөрдсөөр ирсэн дүрэм юм байна.

Маргааш эмэгтэй баг Казахстаны эсрэг тоглох юм.

09.23 Монгол – ХонгКонг 64-68

09.24 Катар – Монгол 0-20

09.25 Монгол – Казахстан

09.26 Непаль – Монгол

Эрэгтэй баг 17.30 цагаас талбайн эзэн БНСУ-ын багтай тоглох юм. Хоёрдугаар тойргийн "D" хэсэгт БНСУ, Йордан, Монгол Улсын багууд багтсан. Манай шигшээ баг өчигдөр хэсгийн эхний тоглолтоо Азийн АШТ-ий мөнгө, хүрэл медальт Йорданы эсрэг хийж, 84-73-ын харьцаагаар ялалт байгуулсан. Өнөөдрийн тоглолтод манай баг талбайн эздийг хожвол шөвгийн наймд шалгарах болзлоо хангах юм.

Хоёрдугаар тойргийн "D" хэсэг:

09.23 Йордан-Монгол 74:83

09.24  Монгол – БНСУ (Улаанбаатарын цагаар 17.30)

09.25 БНСУ-Йордан

Тоглолтын шууд бичлэгийг www.ustream.tv/channel/xacap-с үзнэ үү.

Азийн наадмын албан ёсны сайт http://www.incheon2014ag.org.

Азийн наадмын мэдээллийг Азийн наадам: Инчён-2014 цэсэнд ЭНД ДАРЖ авна уу.

Ч.БОЛ