-Манай сагсчид өнөөдөр Кувейттай тоглож, 81:82-ын харьцаагаар ялагдаж, хэсэгтээ хоёрдугаар байрт шалгарлаа.-

Дөрвөн жилд нэг удаа болдог Азийн зуны спортын наадам БНСУ-ын Инчён хотноо гурав дахь өдрөө үргэлжилж байна. 17 дахь удаагийн Азийн наадмын сагсан бөмбөгийн тэмцээн Инчён хотын Samsan World Gymnasium ордонд болж байна.

Урьдчилсан шатны "А" хэсэгт багтсан Монгол Улсын шигшээ баг хэсэгтээ хоёр хожил, нэг хожигдолтойгоор хоёрдугаар байраар шалгарлаа. ХонгКонг, Мальдив БНУ-ын багуудыг хожоод байсан манай сагсчид өнөөдөр Кувейттай тоглож, 81:82-ын харьцаагаар ялагдлаа.

Кувейтын баг хэсгээ гурван хожилтой тэргүүлж, Япон, Катар улстай "F" хэсэгт, Монгол хэсэгтээ хоёр хожил, нэг хожигдолтой БНСУ, Йордан улсын багуудтай "D" хэсэгт багтлаа.

Маргааш хоёрдугаар тойргийн тоглолтууд эхэлж, ирэх пүрэв гаригт өндөрлөснөөр шилдэг найман баг тодрох юм.

09.23  Йордан – Монгол

09.24  Монгол – БНСУ

09.25  БНСУ-Йордан тус тус тоглоно.

Хоёрдугаар тойрогт шалгарсан 12 багаас найман баг гуравдугаар тойрогт өрсөлдөнө.

Азийн наадмын албан ёсны сайт http://www.incheon2014ag.org.

Азийн наадмын мэдээллийг Азийн наадам: Инчён-2014 цэсэнд ЭНД ДАРЖ авна уу.