Бразил, Польшийн волейболчид шигшээд шалгарлаа

-Дөрвөн жилд нэг удаа болдог волейболын Дэлхийн аварга шалгаруулах тэмцээний алтан медалийн төлөө Бразил, Польшийн багууд шалгарлаа.-

Дөрвөн жилд нэг удаа болдог волейболын Дэлхийн аварга шалгаруулах тэмцээний алтан медалийн төлөө өрсөлдөх багууд тодорлоо. Өнгөрөгч наймдугаар сарын 30-нд Польшид эхэлсэн тус тэмцээний алтан медалийн төлөө Бразил, тэмцээнийг зохион байгуулагч орны багууд шалгарлаа. Өчигдөр болсон хагас шигшээ тоглолтод Бразил Францыг 3:2-оор, Польш Германы багийг 3:1-ийн харьцаагаар хожиж, алтан медалийн төлөө тоглохоор шалгарлаа. Нутагтаа болж буй дэлхийн аваргын тэмцээний эхний тоглолтуудаас эхлэн хөгжөөн дэмжигчдээ баярлуулсан Польшийн шигшээ баг дэлхийн гурав, олимпийн хоёр удаагийн аварга Бразилын багтай аваргын төлөө тоглохоор шалгарлаа. Польшийн баг энэ сарын 16-нд гуравдугаар тойргийн шийдвэрлэх тоглолтод Бразилыг 3:2-ын харьцаагаар хожсон юм.

Шигшээ тоглолтууд өнөөдөр болно.

Хагас шигшээ тоглолт:

09.20 Бразил-Франц 3:2 (25-18, 23-25, 25-23, 22-25, 15-12)

09.20 Польш-Герман 3-1 (26-24, 28-26, 23-25, 25-21)

Алтан медалийн төлөө:

09.21 Бразил-Польш

Хүрэл медалийн төлөө:

09.21 Франц-Герман

Тэмцээний VII-XXIV байрт шалгарсан багуудын дүнг танилцуулья:

V байр: ОХУ

VI байр: Иран

VII байр: Канад