Зуун буудалт даамын Ерөнхий боловсролын дунд сургуулиудын багийн аварга шалгаруулах тэмцээн өнөөдөр Сонгинохайрхан дүүргийн 42-р сургууль эхэллээ. 

Гурав дахь удаагаа болж буй тус тэмцээнд Улаанбаатар хотын болон орон нутгийн 19 баг оролцож байгаа бөгөөд тэмцээн ирэх ням гаригт өндөрлөнө. Нэг баг 7-10 насны хоёр (эрэгтэй, эмэгтэй), 11-13 насны хоёр, 14-16 насны хоёр, нийт зургаан гишүүнтэй юм. Тэмцээн швейцарь системээр есөн өрөг тоглох бөгөөд эхний гурван байраас гадна ширээний аварга даамчдыг шалгаруулах аж. Мөн блиц төрлийн Улсын аварга багийг тодруулах юм.

Тэмцээний мэдээллийг www.mondaam.mn-с үзээрэй.

Ч.БОЛ