-Волейболын залуучуудын “Гоё кап” Улсын аварга шалгаруулах тэмцээн Буянт-Ухаа спортын ордонд болж байна.-

Монголын Волейболын холбоо, “Витафит” групптэй хамтран зохион байгуулж буй 2014 оны залуучуудын Улсын аварга шалгаруулах тэмцээн “Буянт-Ухаа” спортын ордонд дөрөв дэх өдрөө үргэлжилж байна. Тэмцээнд эрэгтэй 11, эмэгтэй найман баг өрсөлдөж байгаагаас хагас шигшээд өрсөлдөх багууд тодроод байна.

Эрэгтэй шилдэг зургаан багт ХААИС, “Алтайн барс”, "Булган-Сэлэнгэ пресс", "Хангарьд 21 сургууль", Говьсүмбэр, “Хасу Мегастарс” багууд шалгарлаа.

Эмэгтэй багуудаас “Эрчим”, “Монти” багууд шилдэг дөрөвт шалгараад байна. Үлдсэн хоёр баг үдээс хойш тодрох юм.

Тэмцээний шигшээ тоглолтууд ирэх ням гариг буюу есдүгээр сарын 21-нд болж, улсын аварга шалгаруулах тэмцээн өндөрлөнө.

Ч.БОЛ