Ухаалаг гар утасны зах зээлийн хүчтэй өрсөлдөгчдийн нэг HTC компани Европын хөлбөмбөгийн холбооны Аваргуудын лигт зориулсан тусгай загвараа гаргалаа.

Энэ нь хөлбөмбөг сонирхогчдын анхаарлыг маш ихээр татаж, мэдээллийн хэрэгслүүдээр цацагдаж эхлээд байна. Уг гар утасны ар талд Аваргуудын лигийн цом болон логог дүрсэлсэн ба HTC логог мөн байршуулжээ.

HTC One (M8) ухаалаг гар утасны тусгай загвар болон гарч буй эдгээр загварууд нь бусад үзүүлэлтээр үндсэн загвартайгаа ижил аж. Ямар үнээр хэзээнээс худалдаанд гарах нь одоогоор тодорхойгүй байгаа юм байна.

Т.БИЛГҮҮН