-Азийн наадмын хөлбөмөгийн тэмцээний хэсгийн хоёр дахь тоглолт өнөөдөр болно.-

“Инчон-2014” Азийн наадмын хөлбөмбөгийн тэмцээн өнгөрөгч ням гаригаас эхэлсэн. Тус тэмцээнд эрэгтэй 29, эмэгтэй 11 улсын баг оролцож байгаа бөгөөд багууд хэсгийн хоёр дахь тоглолтоо өнөөдөр хийх гэж байна.

Өнөөдөр буюу есдүгээр сарын 17-нд эрэгтэй багуудаас "А" хэсэгт Малайз-Лаос, БНСУ-Саудын Араб, "С" хэсэгт Палестин-Тажикстан, Оман-Сингапур, "D" хэсэгт Кувейт-Непаль, Япон-Ирак улсын шигшээ багууд хоёр дахь тоглолтоо хийх аж. 

Тэмцээний эхний тоглолтын дараах дүнг хүснэгтээр харуулж байна.

Эмэгтэй 11 баг гурван хэсэгт хуваагдан өрсөлдөж байгаагаас "А" хэсэгт Энэтхэг, Өмнөд Солонгос, "С" хэсэгт Хойд Солонгос улсын шигшээ багууд эхний хожлоо авч гурван оноогоо авчээ. Харин "D" хэсгийн Тайвань, Иордан, Япон, БНХАУ-ын шигшээ багууд 1 оноотой явна.

Өнөөдөр "А" хэсгийн Тайланд-Малдив, БНСУ-Энэтхэгийн шигшээ багуудын хоёр дахь тоглолт болох аж. Хөлбөмбөгийн тэмцээнүүд Инчон, Куян, Ансан, Хвасон зэрэг дөрвөн хотуудад болж байна.

Ч.БОЛ