Польшид болж буй Дэлхийн аварга шалгаруулах тэмцээний хоёрдугаар тойргийн тоглолтыг Франц, Бразилын волейлболчид тэргүүлж байна.

Шилдэг 16 баг хоёр хэсэгт хуваагдан тоглож байгаа бөгөөд "Е" хэсгийг Франц 13 оноогоор тэргүүлж байгаа бол Польш(12), Иран(11), АНУ(10), Cерб(9) улсын шигшээ багууд удаалж байна. Харин Аргентин(3), Итали(2), Австралийн багууд хожил аваагүй бөгөөд тэдний хувьд гуравдугаар тойрогт шалгарч чадахгүй нь тодорхой боллоо.

Харин "F" хэсгийг "Бразил" 15 оноогоор тэргүүлж байгаа бол ОХУ(14), Герман(12), Канад(10) улсын шигшээ багууд удаалж байна. Энэ хэсгээс Болгар(5), Финланд(2), Куба, БНХАУ-ын багууд дараагийн тойрогт шалгарч чадахгүй нь тодорхой болсон. 

Багууд маргааш, нөгөөдөр хэсгийн сүүлийн тоглолтуудаа хийж, шилдэг зургаан баг гуравдугаар тойрогт өрсөлдөх эрхээ авах юм. 

Дэлхийн аварга шалгаруулах тэмцээнийг Sportbox HD телевиз, AVC Cup 2014 тэмцээнийг SPS Prime телевиз шууд дамжуулан үзүүлж байна.

Тэмцээний албан ёсны сайт: http://poland2014.fivb.org

Ч.БОЛ