АНУ-ын Конгресс пүрэв гаригийн үдэш АНУ-ын Армийн Афганистан дахь дайн, цэргийн үйл ажиллагааг санхүүжүүлэхэд 37 тэрбум ам.доллар зарцуулахыг зөвшөөрч баталгаажууллаа. Конгресст санал хураахын өмнө хэрвээ “Афганистанд явуулж байгаа цэргийн үйл ажиллагааг амжилттай явуулахад саад хийх юм бол” Конгрессоос баталсан төсвийн тухай хуульд вето тавих эрхээ эдлэх болно гэж Цагаан Ордон анхааруулсан. Түүнчлэн Ерөнхийлөгч Обамагийн боловсролын талаар дэвшүүлсэн гол хөтөлбөрүүдийн төсвийг танахыг Цагаан Ордон эсэргүүцэж байна гэдгээ мэдэгдсэн. Афганистаны цэргийн үйл ажиллагааны төсвөөс гадна Мексикийн булангийн газрын тосны хямрал болон багш нарыг сургуулиас халахгүйн тулд 10 тэрбум ам.доллар зарцуулахыг зөвшөөрсөн байна.
Афганистаны цэргийн ажиллагааны төсвийн талаар Конгрессоос гаргасан шийдвэрийг Сенат ямар нэг засвар хийлгүйгээр баталсан байна. Долдугаар сарын 4-ний завсарлагатай холбоотойгоор Сенаторууд Вашингтоноос явж байгаа бөгөөд 11-нд буцаж ажилдаа ирэх юи. Афганистан дахь АНУ-ын цэргийн тоог 2011 оны долдугаар сараас эхлэн бууруулах болно гэж Обама Ерөнхийлөгч, Генерал Дэвид Петраеус нар мэдэгдэж байгаа ч шаардлага гарвал энэ төлөвлөгөөнд өөрчлөлт оруулах болно гэж мэдэгдсэн.

Т.Бадрах