Бөхийн чөлөөт барилдааны 2014 оны ДАШТ-ий эхний өдрийн барилдаанд зодоглосон Монголын бөхчүүдээс хамгийн амжилттай барилдаж үлдсэн Э.Бэхбаяр /57 кг/ хүрэл медалийн төлөөх барилдаанд Беларусын бөх Владислав Андреевт ялагдлаа. Хоёр бөхийн барилдаан 1:1 харьцаагаар өндөрлөсөн бөгөөд сүүлийн оноог түүний өрсөлдөгч авсан тул энэ барилдаанд ялагч болж, манай бөх тун харамсалтайгаар ялагдлаа.

Өнөөдөр ДАШТ-ий эрэгтэйчүүдийн 57, 70, 86, 125 кг-ын жингийн барилдаан боллоо. Эдгээр жинд Монголын бөхчүүдээс 57 кг-д Э.Бэхбаяр, 70 кг-д Б.Анхбаяр, 86 кг-д О.Үйтүмэн, 125 кг-д Ж.Чулуунбат нар барилдсан ч медальд хүрч чадсангүй.

ДАШТ маргааш эрэгтэйчүүдийн 61, 65, 74, 97 кг-ын жингийн барилдаанаар үргэлжилнэ.