Бөхийн чөлөөт барилдааны 2014 оны ДАШТ үргэлжилж байна. Эрэгтэйчүүдийн 57 кг-д барилдаж буй Э.Бэхбаяр Гүржийн бөх Владимир Кинчэгашвилитэй барилдаж, 3:6-ийн харьцаагаар ялагдлаа. Э.Бэхбаяр хүрэл медалийн төлөө Беларусын бөх Владислав Андреевтай барилдана.

Энэ жинд Лондонгийн олимпийн мөнгө, Европын алт, мөнгө, хүрэл медальт, Гүржийн бөх Владимир Кинчэгашвили мөнгөн медалийн болзол хангаж, финалд БНАСАУ-ын бөх, олимпийн хүрэл, ДАШТ-ий алтан медальт Кьонг Ил Янгтэй барилдахаар шалгарлаа.

Э.Бэхбаяр өнөөдөр эхний барилдаандаа АНУ-ын Энтони Рамосыг 7:4-ийн харьцаагаар (I үед 2:0, II үед 5:4), дараагийн тойрогт Энэтхэгийн Рахул Аваретыг 9:8 харьцаагаар (I үед 8:4, II үед 1:4) ялж, шигшээ наймд, Болгарын бөх Ферайм Мехмедийг 4:0 харьцаагаар ялж, хагас шигшээд шалгараад байсан юм.

Барилдааныг http://arena.fila-wrestling.com-с шууд үзнэ үү.