Наймдугаар сарын 30-нд Испани улсад эхэлсэн сагсан бөмбөгийн Дэлхийн аварга шалгаруулах тэмцээний шөвгийн наймд өрсөлдөх багууд эхнээсээ тодорлоо.

Өчигдөр болсон шөвгийн 16-н тоглолтод Испани-Сенегалын багийг 89:56-аар, Франц-Хорватыг 69:64-ийн харьцаагаар хожиж, шөвгийн наймд шалгарлаа. Мөн энэ өдөр АНУ-Мексикийн тоглолт 86:63-аар, Словени-Доминикан 71:61-ийн харьцаагаар өндөрлөлөө. 

Шөвгийн наймд:

Испани-Франц ("A" хэсгийн хоёр баг хагас шигшээд өрсөлдөх эрхийн төлөө шалгарлаа. Хэсэгтээ Испани Францыг 88-64-өөр илүүрхэн хожиж байжээ.)

АНУ-Словени (D хэсэгт Словени дөрвөн хожил, нэг хожигдолтой хоёрдугаар байраар шалгарсан. Тэд С хэсгийн гуравдугаар байраар шалгарсан Доминикан БНУ-ын багийг хожиж, АНУ-ын хүчирхэг багийн эсрэг шалгарлаа.)

Өнөөдөр шөвгийн 16-н сүүлийн тоглолтууд болох Грек-Серб, Бразил-Аргентин, Литва-Шинэ Зиланд, Турк-Австралийн багуудын тоглолт болж, шөвгийн наймд өрсөлдөх багууд бүрэн тодорно.

Шөвгийн наймын тоглолтууд ирэх мягмар, лхагва гаригт буюу есдүгээр сарын 9, 10-ны өдрүүдэд Мадрид, Барселона хотуудад болно. 

Тэмцээний фото агшинг ЭНД ДАРЖ үзнэ үү.

Тэмцээний албан ёсны сайт: www.fiba.com/basketballworldcup/2014