АНУ-ын Денвер хотод өнөөдөр буюу есдүгээр сарын 5-нд пара жүдогийн Дэлхийн аварга шалгаруулах тэмцээн эхэлж байна. Уг тэмцээнд манай улсаас пара жүдогийн холбооны нарийн бичгийн дарга Ч.Базарсүрэн, шигшээ багийн дасгалжуулагч Б.Нарантуяа нарын удирдлагад эрэгтэй дөрөв, эмэгтэй нэг жүдоч оролцож байна. Эрэгтэйчүүдийн 60 кг-ын жинд Б.Ууганхүү, 66 кг-д А.Мөнхбат, 73 кг-д Э.Даваадагва, 90 кг-д Д.Ганбат, эмэгтэйчүүдийн 52 кг-д П.Болортуяа нар хүч сорино.

Энэ удаагийн тэмцээнд 2016 од Рио де Жанейро хотод болох паралимпийн наадмын эрх олгох юм. Тэмцээний эхний өдөр буюу өнөөдөр Б.Ууганхүү, А.Мөнхбат нар пара жүдочдын салхийг хагалж татамид гарах юм.

Ч.БОЛ