“Apple” компанийн таблет компьютер iPad худалдаанд гарсан цагаас эхлэн дэлхийд алдартай загвар зохион бүтээгчид энэ зүгт анхаарлаа хандуулах болж, LV, Gucci, Salvatore Ferragamo тэргүүтэй загварын орднууд iPad-ны гоёмсог, ганган гэрийг бүтээсэн юм. Харин энэ удаад Доминикан гаралтай Oscar de la Renta “Resort 2011” коллекцийн шоундаа зориулж, тусгай загварын iPad-ны гэр бүтээжээ. Цөөн тоогоор худалдаалагдах хатгамал шитгэсэн арьсан гадартай, илгэн дотортой гэр таны iPad-д яг тохирох гэнэ. Өнгөний сонголтын тухайд улаан, цагаан, шар болон саарал гэсэн дөрвөн өнгөтэй, 290 ам.долларын үнэтэй бөгөөд зөвхөн онлайнаар худалдаалах ажээ.

С.Цэлмэг